បុគ្គលទាំងនេះ ជាមនុស្សមានឥទ្ធិពលខ្លាំង និងទាក់ទាញប្រជាប្រិយភាព នៅលើ Twitter នាឆ្នាំ ២០២១

ខាងក្រោមនេះ ជាបុគ្គលល្បីៗទូទាំងពិភពលោក ដែលមានអ្នកតាមដានក្នុង Twitter ​ច្រើន ហើយក៏សកម្មជាមួយបណ្ដាញសង្គមនេះផងដែរ។

១ Taylor Swift

Taylor Alison Swift គឺជាតារាចម្រៀង និងជាអ្នកនិពន្ធចម្រៀងជនជាតិអាមេរិកដ៏ឆ្នើម និងជាបុគ្គលិកលក្ខណៈ​ដ៏ពេញនិយមនៅក្នុងឧស្សាហកម្មតន្ត្រី។ បទចម្រៀងរបស់នាងភាគច្រើន ឆ្លុះបញ្ចាំង​ពីជីវិតផ្ទាល់ខ្លួន និងបទពិសោធន៍របស់នាង។ Taylor Swift គឺជាសិល្បករតន្ត្រីដែលលក់ដាច់បំផុត នាងអាចលក់បានជាង ២០០ លានកំណត់ត្រានៅទូទាំងពិភពលោក។

២ Narendra Modi

Narendra Modi កើតនៅថ្ងៃទី ១៧ ខែ កញ្ញា ឆ្នាំ ១៩៥០ នៅ Vadnagar, Mehsana Gujarat គឺជា​នាយករដ្ឋមន្ត្រី​នៃ​ប្រទេស​ឥណ្ឌា។ លោក​ជាសមាជិក​គណបក្ស Bharatiya Janata (BJP) ។ BJP ដឹកនាំ​ដោយ Modi បានឈ្នះជាមួយនឹងសំឡេងភាគច្រើន នៅក្នុងការ​បោះឆ្នោតជាតិឆ្នាំ ២០១៤ និង ២០១៩ ចាប់តាំងពីការ​ចាប់ផ្តើមរបស់ខ្លួន។

នាយករដ្ឋមន្រ្តី Idian Narendra Modi ជាលើកទីពីរ បានឈរលើគេលើការវាយតម្លៃ ‘Global Leader Approval’ ដែលចេញផ្សាយដោយក្រុមហ៊ុនស្រាវជ្រាវអាមេរិក Morning Consult ជាមួយនឹងការវាយតម្លៃ​ខ្ពស់បំផុត ៧០ ភាគរយ។

៣ Katy Perry

Katy Perry គឺជាអ្នកចំរៀងជនជាតិអាមេរិច និងអ្នកនិពន្ធបទចម្រៀង ដែលមានភាព​ល្បីល្បាញ​ជាអន្តរជាតិក្នុងឆ្នាំ ២០០៨ នៅពេលដែលនាងបានចេញអាល់ប៊ុមស្ទូឌីយ៉ូទីពីររបស់នាង “One of the Boys” ។ Perry គឺជាសិល្បករតន្ត្រីដែលលក់ដាច់បំផុត​របស់ពិភពលោក​ មាន​កំណត់ត្រា​ច្រើន​ជាង ១៤៣ លាន​ ​ត្រូវ​បាន​លក់​ទូទាំង​ពិភពលោក។

៤ Elon Musk

Elon Musk នាយក​ប្រតិបត្តិ​ដ៏​ល្បីល្បាញ​របស់​ក្រុមហ៊ុន Tesla Inc និង SpaceX គឺជាបុរស​មានបំផុត​និង​ជាបុគ្គលដំបូងគេ ដែលមានទ្រព្យសម្បត្តិសុទ្ធ ៣០០ពាន់លានដុល្លារ។ Elon Musk តែងសកម្មខ្លាំងនៅលើ Twitter គឺជាសហស្ថាបនិកនៃក្រុមហ៊ុនផលិតរថយន្តអគ្គិសនី Tesla Inc.

៥ Barack Obama

អ្នកនយោបាយ​អាមេរិក និងជាអ្នកនិពន្ធ បារ៉ាក់ អូបាម៉ា បានបម្រើការ​ជាប្រធានាធិបតី​សហរដ្ឋអាមេរិក ២អាណត្តិ ពីឆ្នាំ ២០០៩ ដល់ឆ្នាំ ២០១៧ ។ លោក អូបាម៉ា ជាសមាជិកនៃ​គណបក្សប្រជាធិបតេយ្យ គឺជាប្រធានាធិបតី​អាមេរិកដើមកំណើតអាហ្វ្រិកដំបូង​គេ​របស់​សហរដ្ឋអាមេរិក។ គាត់បានបម្រើការជាសមាជិកព្រឹទ្ធសភារយៈពេល ៣ ឆ្នាំ ពីរដ្ឋ Illinois ។

៦ Cristiano Ronaldo

Cristiano Ronaldo មិន​ត្រឹម​តែ​ជា​កីឡាករ​បាល់​ទាត់ ​ដែល​មាន​ប្រាក់​ចំណូល​ខ្ពស់​ជាង​គេ​ក្នុង​ឆ្នាំ​នេះ​ប៉ុណ្ណោះ​ទេ ប៉ុន្តែ​ក៏​ជា​កីឡាករ​បាល់ទាត់​ដែល​មាន​បំផុត​ក្នុង​លោក​ផង​ដែរ។ គាត់សកម្មខ្លាំងណាស់​នៅលើវេទិកាប្រព័ន្ធផ្សព្វផ្សាយ​សង្គមដូចជា Facebook, Twitter, Instagram ជាដើម ជាមួយនឹងអ្នកគាំទ្រ​ដ៏ធំដែលមានអ្នកតាមដាន ៥០០លាននាក់។

៧ Ariana Grande

តារា​ចម្រៀង​អាមេរិក Arian grande ត្រូវ​បាន​គេ​ចាត់​ទុក​ថា ​ជា​តារា​ចម្រៀង Pop។ Grande គឺជាអ្នកទទួលពានរង្វាន់ជា​ច្រើនដូចជា Grammy Awards ចំនួនពីរ ពានរង្វាន់ Brit Awards ពីរ Billboard Music Awards ពានរង្វាន់ MTV Video Music Awards ចំនួន៩ និង 27 Guinness World Records ។ នាងបានលក់កំណត់ត្រាជាង៨៥លាននៅទូទាំងពិភពលោក។

៨ Lady Gaga

Lady Gaga គឺជាតារាចម្រៀង អ្នកនិពន្ធបទចម្រៀង និងជាតារាសម្តែងជនជាតិអាមេរិក។ នាងបានទទួលពានរង្វាន់ Grammy ចំនួន ១២ពានរង្វាន់ MTV Video Music Awards ចំនួន ១៨ដង កំណត់ត្រា​ពិភពលោក Guinness ចំនួន ១៦ ក្នុងអាជីពតន្ត្រីរយៈពេល ១៥ ឆ្នាំរបស់នាង។ នាង​ត្រូវ​បាន​គេ​ស្គាល់​សម្រាប់​ភាព​ប៉ិនប្រសប់​ផ្នែក​តន្ត្រី និង​ការ​បង្កើត​រូបភាព​ឡើង​វិញ។

៩ Ellen DeGeneres

Ellen DeGeneres បានល្បីល្បាញក្នុង​កម្មវិធីជជែកកំប្លែងរបស់នាង “The Ellen DeGeneres Show” គឺជាតារាកំប្លែងជនជាតិអាមេរិក ពិធីករទូរទស្សន៍ តារាសម្តែង និងផលិតករ។ នាងបានឈ្នះ​ពានរង្វាន់ Emmy ចំនួន ៣០ និងពានរង្វាន់ People’s Choice Awards ចំនួន ២០ សម្រាប់ការងារ​របស់​នាង។

១០ Kim Kardashian

តារា​ល្បី​អាមេរិក Kimberly Kardashian West ជា​តារា​សម្ដែង ពាណិជ្ជករ និង​ជា​តារា​ម៉ូដែល​មក​ពី​រដ្ឋ California។ នាងមានអ្នកតាមដានយ៉ាងច្រើននៅលើវេទិកាប្រព័ន្ធផ្សព្វផ្សាយសង្គមដូចជា Twitter និង Instagram ។ ក្នុងឆ្នាំ ២០១៧ នាងបានបើកដំណើរការក្រុមហ៊ុន KKW Beauty ដោយទទួលបានការបំផុសគំនិតពីភាពជោគជ័យនៃ Kylie Cosmetics របស់ប្អូនស្រីរបស់នាងគឺ Kylie Jenner ៕

ប្រែសម្រួល៖ សាង ស្រីល័ក្ខ

ចុចអាន៖កំពូលមេដឹកនាំទាំង ១០ រូប មាន​ប្រជាប្រិយភាព​និង​ឥទ្ធិពលខ្លាំង ​លើពិភពលោក

ចុចអាន៖បុគ្គលល្បីៗ មានឥទ្ធិពលខ្លាំងប្រចាំឆ្នាំ ២០២១-២០២២