Connect with us

KPT+

ចេះចាយលុយតាម ៦ របៀបនេះអ្នកនឹងមិនជួបការខ្វះខាតទេ

បានផុស

នៅ

មនុស្សដែលមានទ្រព្យសម្បត្តិសល់ច្រើនហូរហៀរ​ រហូតក្លាយជាអ្នកមានឬសេដ្ឋីបាន មិនមែនគេចេះរកលុយតែមួយប៉ុណ្ណោះទេ តែអាថ៌កំបាំងសំខាន់មួយទៀតនោះគឺ ការចេះចាយវាយលុយដែលរកបានមក។ ទោះបីអ្នកមានប្រាក់ខែតិចតួចក៏ដោយ ឲ្យតែអ្នកចេះចាត់ចែងចំណាយឲ្យបានត្រឹមត្រូវ នោះលុយនឹងសល់មិនចេះខ្វះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ចំណាយចាំតាមបាច់

ចំណាយតាមភាពចាំបាច់សម្ដៅដល់ ការចំណាយលើម្ហូបអាហារ បង់ទឹកភ្លើង សម្លៀកបំពាក់ ការធ្វើដំណើរប្រចាំថ្ងៃ ឬបង់ថ្លៃផ្ទះឬបន្ទប់ជួល។ល។ ជាទូទៅចំណាយទាំងនេះអាចមានដល់ ៥០% នៃប្រាក់់ខែសរុបរបស់អ្នក។ ប៉ុន្តែបើអ្នកចេះចាត់ចែងទុកមុនឲ្យបានត្រឹមត្រូវចំណាយចាំបាច់ទាំងនេះមិនមានការខ្វះខាតទេ។

២. ចំណាយតាមចំណង់

ចំណាយតាមចំណង់ គឺចាយវាយមិនបានព្រាងទុកដោយឃើញរបស់អ្វីចេញថ្មី ឬស្រឡាញ់ ក៏ហូតលុយចេញពីកាបូបទិញមិនគិតតាមចិត្តចង់បាន។ ជួនកាលចំណាយលុយប្ដូរម៉ាកទូរសព្ទ ដេញស៊េរីម៉ូតូម៉ូដថ្មី ទិញសម្ភារៈប្រេនៗតាមគេតាមឯងជាដើម។ ចំណាយទាំងនេះមិនត្រឹមតែគ្មានលុយសល់ទេ ថែមទាំង​ធ្វើឲ្យជំពាក់បំណុលគេដោយមិនដឹងខ្លួន។ មនុស្សឆ្លាត មិនងាយចាយវាយផ្ដេសផ្ដាសដោយគ្មានគោលដៅ និងគ្មានគម្រោងនេះណាស់។

៣. ចំណាយតាមតម្រូវការ

តម្រូវការទីនេះ សម្ដៅតម្រូវការរបស់អ្នកផ្ទះ ដែលជាទូទៅអ្នកធ្វើការឆ្ងាយពីគ្រួសារតែងតែផ្ញើលុយទៅឲ្យឪពុកម្ដាយឬសាច់ញាតិជាទៀងទាត់។ បញ្ហាត្រង់នេះគឺថា អ្នកខ្លះផ្ញើប្រាក់ខែរបស់ខ្លួនទាំងអស់ឬស្ទើរទាំងអស់ទៅគ្រួសារ ទើបធ្វើឲ្យពួកគេខ្វះខាត និងជួនកាលមានជាប់បំណុលទៀតផង។ ទោះបីអ្នកជាមនុស្សកត្តញ្ញូក៏ដោយចុះ តែអ្នកត្រូវចេះកំណត់ពីចំនួនប្រាក់ដែលជូនអ្នកមានគុណឬសមាជិកគ្រួសារឲ្យជាក់លាក់ ទើបមិនធូរហោប៉ៅ។

៤. ចំណាយបង់រំលោះ

ការបង់រំលោះភាគច្រើនកើតមានចំពោះអ្នកមានគ្រួសារហើយដូចជា ការទិញដី ទិញផ្ទះ ឬរថយន្តបង់រំលោះជាដើម។ បើអ្នកជាមនុស្សដែលអាចតស៊ូនឹងការលំបាកនៅផ្ទះជួលបានមួយរយៈសិន ឬអ្នកមិនមែនជាមនុស្សសម្ភារៈនិយមអ្វីនោះទេ ការចំណាយរំលោះមិនមែនជាបន្ទុកសម្ពាធលើអ្នកឡើយ ហើយខ្ទង់ចំណាយក៏នឹងនៅសល់។

៥. ចំណាយចំពោះបញ្ហា

បញ្ហាសុខភាព គ្រោះថ្នាក់ ឬហេតុមិនល្អផ្សេងទៀតដែលអាចកើតឡើងជាយថាហេតុ​​ពិតជាគ្មាននរណាអាចដឹងមុននោះទេ។ ដូច្នេះការត្រៀមថវិកាសម្រាប់រឿងទាំងនេះ ជាការចាំបាច់ដែលត្រូវគិតគូកុំឲ្យអ្នកពិបាក បើបញ្ហានឹងមកដល់ដោយមិនដឹងខ្លួន។

៦. ចំណាយឥតព្រាងទុក

ចំណាយឥតព្រាងទុកមានដូចជា ពិធីជប់លៀង ខួបកំណើត អាពាហ៍ពិពាហ៍ និងពិធីបុណ្យផ្សេងៗ។ បើអ្នកជាមនុស្សនៅក្មេង មានប្រាក់ខែទាប ឬអ្នកទើបចេញរកស៊ីថ្មីៗ អ្នកមិនចាំបាច់ចូលរួមគ្រប់ការអញ្ជើញទាំងនេះទេ។ ពេលខ្លះអ្នកមិនចាំបាច់ចេញមុខចេញចេញមាត់ពេកដែរ ព្រោះថាបើលេចមុខគ្រប់កម្មវិធីពេក កុំថាឡើយប្រាក់ខែអ្នកប៉ុណ្ណេះ សូម្បីខ្ចីបុលគេហើយនៅមិនគ្រប់ផងមើលទៅ។

លុយ និងទ្រព្យសម្បត្តិជារបស់ដែលយើងអាចមានសមត្ថភាពរកវាបានមក វាត្រូវការតែម្យ៉ាងទៀតប៉ុណ្ណោះ គឺចេះគ្រប់គ្រងចាយវាយឲ្យវាបានត្រឹមត្រូវ ៕

ប្រែសម្រួល៖ សន្យា

ប្រភព៖ Businesinsider

ចុចអាន៖ បើ​រូបិយប័ណ្ណ​រឹង​ពឹង​លើ​សេដ្ឋកិច្ច​ម្ដេច​លុយ​អាមេរិក​មាន​តម្លៃ លុយ​ចិន​មិន​ប្រជា​ប្រិយ?

ចុចអាន៖ រក្សាទង្វើ ៨ យ៉ាងនេះ កុំសង្ឃឹមលុយសល់ដូចគេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច៥៧ នាទី មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ១ ម៉ោង មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ២ ម៉ោង មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

ព័ត៌មានជាតិ៣ ម៉ោង មុន

ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%

វប្បធម៌ ជំនឿ៣ ម៉ោង មុន

សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤

ព័ត៌មានជាតិ១៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៤ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម