KPT+

លក់ផាក់ឡូវមាត់ផ្លូវសោះ! រកចំណូលបានរាប់លាន ក្នុងមួយថ្ងៃ

បានផុស

៤ years មុន

នៅ

ថ្ងៃចន្ទ ៧ ធ្នូ ២០២០

ដោយ

មានទីតាំងស្ថិតតាមបណ្ដោយផ្លូវព្រះមុនីវង្ស ដែលមានយីហោ ” តូបអង្គរ និងតូបអង្គរ១ ” ផាក់ឡូវតាមផ្លូវមួយនេះរកប្រាក់ចំណូលគិតជាមធ្យម ៣លានរៀលក្នុង១ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសម្ដីរបស់បងស្រី ថន វន្តធា ដែលជាម្ចាស់ហាងផាក់ឡូវ តូបអង្គរ បាននិយាយដោយបង្ហាញទឹកមុខសប្បាយចិត្តថា ជារៀងរាល់ថ្ងៃសាច់ផាក់ឡូវរបស់គាត់តែងតែមានអតិថិជនមកទិញឥតដាច់ ហើយពោលពាក្យសរសើរថាឆ្ងាញ់ រីឯតម្លៃវិញសមរម្យ និងមានអនាម័យទាំងការវេចខ្ចប់និងដឹកជញ្ជូន។ ចំណុចពិសេសនោះគឺ មិនលក់ដំឡើងថ្លៃ ចំណែករសជាតិវិញគឺថេរមិនប្រែប្រួល។

បងស្រី វន្តធា បានបន្ថែមទៀតថា ការចាប់ផ្ដើមអាជីវកម្មផាក់ឡូវតាមផ្លូវនេះ ដំបូងឡើយ គឺតាមលោកយាយជាអ្នកបង្កើតមក បន្ទាប់មកក៏បានសេងតូបឲ្យម្ដាយរបស់បងស្រី ទើបបន្តអាជីវកម្មនេះរហូតមកដល់រូបគាត់ ដែលគិតមកដល់សព្វថ្ងៃនេះ មានរយៈពេលជាង ១៥ ឆ្នាំមកហើយ។

អ្វីដែលពិសេស អាជីវកម្ម៣ជំនាន់នេះ បានផ្ដល់ប្រាក់ចំណូលដល់បងស្រីនិងក្រុមគ្រួសារសរុបជាង៣លានរៀលក្នុងមួយថ្ងៃទាំងតូបអង្គរ និងតូបអង្គរ១។

បងស្រីក៏បានរៀបរាប់យ៉ាងក្បោះក្បាយពីសាច់ផាក់ឡូវ ដែលមានម៉ូយៗនិយមមកទិញច្រើនជាងគេគឺទាខ្វៃ ជាពិសេសពេលមានរដូវបុណ្យទានសែនដូនតាជាដើម។ ក្នុងមួយថ្ងៃបងស្រីលក់ទាបានពី ៣០ ទៅ ៤០ ក្បាល មុនពេលមិនទាន់មានមានវិបត្តិកូវីដ១៩ ប៉ុន្តែចាប់តាំងពីមានជំងឺកូវីដ១៩កើតឡើង ហោចណាស់ក្នុង ១ ថ្ងៃបងស្រី វន្តធា ក៏អាចលក់ពីចន្លោះ ២៨ ក្បាលទៅដែរ ចំណែកមាន់គឺត្រឹមតែ ១២ ក្បាលប៉ុណ្ណោះ។

ម្ចាស់ហាងអង្គររូបនេះក៏បានរៀបរាប់យ៉ាងលំអិតថា នៅហាងរបស់គាត់មានលក់នៅសាច់ ផាក់ឡូវជាច្រើនដែលភ្ញៀវឧស្សាហ៍មកកុម្ម៉ង់ទិញដូចជា ផាក់ឡូវដែលមានត្រចៀកជ្រូក អណ្ដាត ក្រពះ ពោះវៀន ច្រមុះ លាយគ្នាទាំងប្រាំនេះគឺជាផាកឡូវប្រចាំហាង។ ចំណែកមុខម្ហូបផ្សេងទៀតមានសាស៊ី សាច់ខ្វៃ សាច់មាន់ ហើយមាន់មានប្រភេទមាន់ខ្វៃនិង មាន់ស្ងោរ។