KPT+

ធ្លាប់ឆ្ងល់ដែរទេ? ហេតុអ្វី ប្រាសាទ ឬទីសក្ការៈបូជា ជប៉ុន តែងសាងសង់ជណ្ដើរឡើងចោតខ្ពស់ៗ

បានផុស

៣ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

មានមនុស្សជាច្រើនដែលធ្លាប់បានទៅ ទស្សនាទីសក្ការៈបូជា និងប្រាសាទនានានៅ ប្រទេស ជប៉ុន ប្រាកដជាឆ្ងល់ថា ជណ្ដើរឡើងទៅ ប្រសាទគឺខ្ពស់ៗ និងចោតខ្លាំង សឹងថាដើរហត់ខ្លាំង។

នេះជាហេតុផលមួយចំនួន ដែលទីសក្ការៈបូជា និងប្រាសាទនានារបស់ជប៉ុន មានជណ្ដើរថ្មឡើងតែងសាងសង់ខ្ពស់ៗ

ហេតុផលទី១ សម្រាប់អ្នកថ្វាយបង្គំដើរដោយអោនក្បាលចុះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់អ្នកគោរពបូជាព្រះ និងវត្ថុសក្ដិសិទ្ធិ ពេលឡើងជណ្ដើរ គេនឹងដោយឱនក្បាលគោរព។ ព្រោះពេលយើងដើរឡើងជណ្ដើរខ្ពស់ ដូចនៅ ទីសក្ការៈ ឬប្រាសាទ ភ្នែករបស់យើងនឹងផ្ដោតលើជំហាន។ ធ្វើឲ្យយើងអោនក្បាលគ្រប់ពេល តាមលំនាំដើម លើសពីនេះ ការឱនក្បាល ក៏ត្រូវបានគេចាត់ទុកថា ជាការគោរពដល់ព្រះ ឬវត្ថុស័ក្ដិសិទ្ធិផងដែរ។

មូលហេតុទី២ គឺដោយសារព្រះ ឬវត្ថុស័ក្ដិសិទ្ធិត្រូវតម្កល់នៅ ទីខ្ពស់

ប្រទេសជប៉ុនមានទំនៀមទម្លាប់មួយ ដែលបានអនុវត្តកន្លងមក គឺតែងតែតម្កល់វត្ថុដែលមនុស្សគោរព និងគោរពបូជានៅកន្លែងដ៏ខ្ពង់ខ្ពស់។ ជាលទ្ធផល ទីសក្ការបូជា និងប្រាសាទនានា ត្រូវបានសាងសង់នៅ លើទីតាំងខ្ពស់ ដែលជារឿយៗត្រូវបានសាងសង់នៅលើភ្នំ។ ដោយសារតែទីតាំងនេះ ត្រូវសង់ជណ្ដើរខ្ពស់ អមជាមួយ ដើម្បីឲ្យមនុស្សដើរឡើងទៅ បូជា។

ហេតុផលទី ៣ ដើម្បីសម្អាតកាយ និងចិត្ត

នៅ ក្នុងជំនឿរបស់ជប៉ុន មានគំនិតដែលថា គ្រប់ជំហាននៃជំហានរបស់យើង គឺដើម្បីបំបាត់នូវតណ្ហា និងអំពើអាក្រក់ទាំងអស់នៅ ក្នុងខ្លួនរបស់យើង។ នៅ ពេលដែលយើងទៅ ដល់ចុងជណ្ដើរ យើងនៅ សល់តែរូបកាយ និងព្រលឹងដ៏បរិសុទ្ធ។ លើសពីនេះទៅទៀត ក្នុងពុទ្ធសាសនាក៏ត្រូវបានគេចាត់ទុកថា “ការដើរឡើងលើជណ្ដើរថ្ម គឺជាការអនុវត្តសមាធិ”។

ទោះបីជាយ៉ាងនេះក្ដី គំនិត និងបរិបទវប្បធម៌នៅ ពីក្រោយការសាងសង់ជណ្ដើរថ្ម នៃទីសក្ការបូជា និងប្រាសាទរបស់ជប៉ុនគឺគួរឲ្យចាប់អារម្មណ៍ ដែលមានភាពជាខ្លួនឯងគ្មានអ្នកណាដូច។ ជាពិសេសគឺទាក់ទងនឹងអប្បិយជំនឿ អាថ៍កំបាំងចាក់ស្រេះនៅ ពីក្រោយកន្លែងសក្ដិសិទ្ធិទាំងនោះ៕

ប្រែសម្រួល៖ សាង ស្រីល័ក្ខ

ចុចអាន៖អ្នកចំបាប់ស៊ូម៉ូ ជប៉ុន មានផលវិបាកអ្វីខ្លះ? ហេតុអ្វីតម្រូវឲ្យពួកគេ ដាច់ខាតមានរូបរាងធាត់ៗ ?