មើលទម្រង់ចិញ្ចើម ទាយ​និស្ស័យចិត្តគំនិតច្បាស់ៗ

យោងតាមក្បួន សរីរវិទ្យាចិញ្ចើម បានឱ្យដឹងថា យើងអាចមើលដឹងពីនិស្ស័យចិត្តគំនិតរបស់នរណាម្នាក់បានភ្លាមៗ ក្រោយពេលជួបជាលើកដំបូង ដោយគ្រាន់តែមើលទម្រង់ចិញ្ចើមរបស់ពួកគេប៉ុណ្ណោះ។

ចិញ្ចើមត្រង់

ចំពោះអ្នកមានរោមចិញ្ចើមស្រដៀងបន្ទាត់ត្រង់ គេជាមនុស្សសម្រេចចិត្តច្បាស់លាស់ និងហ្មត់ចត់ខ្លាំង។ ជាមនុស្សដែលមានច្បាប់ទម្លាប់ មានវិន័យផ្ទាល់ខ្លួន និងពោរពេញដោយហេតុផលប្រាកដប្រជា។ គេក៏ជាមនុស្សម្នាក់ដែលចេះចំណាយពេលឱ្យមានតម្លៃ មិនខ្ជះខ្ជាយនឹងរឿងកំប៉ិកកំប៉ុកឡើយ។

ចិញ្ចើមមូល

មនុស្សមានទម្រង់ចិញ្ចើមកោង និងមានរោមវែងៗ ជា​បុគ្គលស្លូតបូត មាន​ចិត្ត​សប្បុរស ចូលចិត្ត​ធ្វើ​បុណ្យ និង​ជួយ​អ្នក​ដទៃ។ ពេលពួកគេមាន​ប្តីឬ​ប្រពន្ធ​ គេចេះដឹងទុក្ខធុរៈគ្នា និង​ជួយ​ជ្រោមជ្រែង​គ្នាជានិច្ច។

រោមចិញ្ចើមជ្រុង ក្រាស់ៗ

ជាប្រភេទមនុស្សដែលមានគំនិតរឹងមាំ មិនខ្លាចសត្រូវ ហ៊ានឧបសគ្គចំពោះមុខ មានទំនុកចិត្តលើខ្លួនឯង មិនងាយបង្ហាញភាពទន់ខ្សោយដល់អ្នកដទៃដឹងងាយៗឡើយ។

ចិញ្ចើមទម្រង់អក្សរ S

មនុស្សដែលមានទម្រង់ចិញ្ចើមអក្សរ S ​ជា​បុគ្គល​ដែលចូលចិត្តជួយយកអាសារអ្នកទៃ ជាពិសេសគេមិនដែលមើលនឹងភ្នែកទេ ​ពេល​សាច់ញាតិ​ជួបបញ្ហា។ នៅកន្លែង​ធ្វើ​ការ គេមាន​ទំនាក់​ទំនងល្អណាស់ជាមួយមិត្តរួមការងារ។

ចិញ្ចើមកោង

ជាមនុស្សមានមហិច្ឆតា និងហ៊ានប្រឈមមុខនឹងឧបសគ្គ។ ក្រៅពីនោះគេឆ្លាតវៃ មានចក្ខុវិស័យវែងឆ្ងាយ សក្តិសមជាអ្នកដឹកនាំបំផុត៕

តើប្រិយមិត្តមានទម្រង់ចិញ្ចើមប្រភេទណាដែរ?

អត្ថបទ៖ សន្យា

ចុចអាន៖ តាមពិតប្រវែងសក់ បង្ហាញពី​ចរិតលក្ខណៈទៀត?

ចុចអាន៖ រើសរូប ១ ក្នុងចំណោម ៤ ខាងក្រោម នឹងដឹងថាគូព្រេងអ្នកមកពីណា?