KPT+

មិនសូវមានធនធានដើម្បីវិនិយោគ គ្មានបញ្ហា សាកល្បងប្រើវិធីនេះសិន

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

សាង ស្រីល័ក្ខ

របៀបក្លាយជាអ្នកមាន ពាក្យនេះអ្នកណាក៏និយាយបាន ប៉ុន្តែសួរថា បានលុយពីណាមកវិនិយោគ លើអ្វីដែលយើងចង់បាននោះ។

អ្នកមានៗ ឬមហាសេដ្ធី បើទោះជាខ្លះមានទ្រព្យពីកំណើត ឬកើតពីគ្រួសារក្រីក្រក៏ដោយ ប៉ុន្តែពួកគេឆ្លាតវ៉ៃ ក្នុងការបង្កើតលំហូរសាច់ប្រាក់ ដើម្បីនាំលុយចូលមកកាន់តែច្រើន។

ខាងក្រោម ជាគន្លឹះសម្រាប់គ្រប់គ្នា ក្នុងការសាកល្បងមើលៗសិន បើទោះបីជាមានលុយតិចក៏ដោយ សំខាន់ឲ្យតែយើងមានគំនិតវិនិយោគ។

១ ផ្នត់គំនិតលុយគឺជាអ្វីគ្រប់យ៉ាងទាំងអស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកត្រូវតែមានផ្នត់គំនិតលុយជាវិជ្ជមាន នៅពេលនិយាយអំពីការបង្កើតទ្រព្យសម្បត្តិ។ មនុស្សគ្រប់រូប សុទ្ធតែមានរឿងលុយកាក់ ហើយទាំងនោះជាការងាររបស់យើងត្រូវធ្វើ។ ការបង្វែររឿងទៅ ជាផ្នត់គំនិតរបស់មហាសេដ្ឋី គឺចាំបាច់សម្រាប់ភាពជោគជ័យ របៀបក្លាយជាអ្នកមាន មិនអាចជាដំណាក់កាលឆ្លងកាត់ក្នុងជីវិតទេ វាត្រូវការការងារ និងការប្តេជ្ញាចិត្ត។គ្មានលុយ មិនជាបញ្ហា ណាស់តែយើងគ្មានគំនិតនោះទេ។

២ មហាសេដ្ឋីតែងចំណាយថវិកាតិចខ្លាំង

ពិបាកជឿណាស់ ប៉ុន្តែវាជាការពិតឥតបំភ្លៃ ១ ភាគរយណាទេ។ សូម្បីតែលំដាប់មហាសេដ្ឋី ក៏ធ្វើអ្វីមួយមើលលើថវិកាដែរ។ អាថ៌កំបាំងដ៏ធំបំផុត អំពីរបៀបក្លាយជាអ្នកមាន គឺការចំណាយតិចជាងចំណូល។

៣ ការគ្រប់គ្រងលុយគឺជាគន្លឹះ

ការគ្រប់គ្រងលុយបានល្អ មានសារៈសំខាន់ណាស់ ដើម្បីក្លាយជាអ្នកមាននឹងគេ។ ការគ្រប់គ្រងលុយ គឺជាអាកប្បកិរិយា និងទម្លាប់របស់បុគ្គលគួរតែធ្វើ។ អ្នកត្រូវគិតពីកន្លែងដែលអ្នកកំពុងវិនិយោគ និងចំណាយលុយទៅកាន់កន្លែងនោះ។ ត្រូវមានយុទ្ធសាស្ត្រជាក់លាក់មួយ ក្នុងការបង្កើនទ្រព្យសម្បត្តិ និងរក្សាវា ហើយក៏ត្រូវតែធ្វើតាមលំនាំនោះ ដូចជាជាការធ្វើរបបហាត់ប្រាណដែរ។

៤ វិនិយោគលុយឲ្យកាន់ឲ្យរីកចម្រើន

ការវិនិយោគលើទ្រព្យសកម្ម ក្នុងរយៈពេលយូរ និងផ្ដល់ឲ្យអ្នកនូវផលត្រឡប់មកវិញ លើការវិនិយោគ ដូចជាភាគលាភ ឬការទូទាត់ការប្រាក់ឆ្លាតវៃ។ គោលដៅ គឺដើម្បីកសាងផលប័ត្រទ្រព្យសកម្ម និងធ្វើឲ្យវារឹងមាំ ដែលអាចរស់នៅដោយគ្មានប្រាក់ចំណូលអកម្ម ក្នុងការចូលនិវត្តន៍ទៅថ្ងៃខាងមុខ។

៥ អាចកសាងអាជីវកម្មជុំវិញគោលដៅហិរញ្ញវត្ថុផ្ទាល់ខ្លួន

ក្នុងនាមជាម្ចាស់អាជីវកម្ម អ្នកមានការគ្រប់គ្រងកាន់តែច្រើន លើប្រាក់ដែលអ្នករកបាន ធៀបនឹងការក្លាយជាបុគ្គលិកដែលមានប្រាក់ខែកំណត់។ ប្រសិនបើអ្នកចង់បានប្រាក់បន្ថែម នៅ ក្នុងហោប៉ៅ អ្នក អាចបង្កើនប្រាក់ចំណូល និងប្រាក់ចំណេញបន្ថែម ដើម្បីធានាថា អ្នកកំពុងយកលុយទៅ ផ្ទះកាន់តែច្រើន។ ប្រាក់ចំណេញកាន់តែច្រើនក្នុងអាជីវកម្ម នោះអ្នកអាចបង់ភាគលាភ ឬប្រាក់បន្ថែមដោយខ្លួនឯង បានកាន់តែច្រើន អាស្រ័យលើរចនាសម្ព័ន្ធផ្លូវច្បាប់នៃអាជីវកម្ម។

៦ ត្រូវបង្កើតលំហូរប្រាក់ចំណូលច្រើន

ម្ចាស់អាជីវកម្មឆ្លាតវៃ បង្កើតលំហូរប្រាក់ចំណូលច្រើនជាងមួយ ព្រោះវាការពារពួកគេ ពីការប្រែប្រួលនៅក្នុងទីផ្សារ។ នោះមានន័យថា ប្រសិនបើប្រភពចំណូលមួយស្ងួត ដោយសារលក្ខខណ្ឌទីផ្សារ ប្រភពចំណូលផ្សេងទៀតអាចការពារ ពីការខាតបង់នោះបាន ៕

ប្រែសម្រួល៖ សាង ស្រីល័ក្ខ

ចុចអាន៖អាថ៌កំបាំងទាំង ៨ អ្នកមានពិតប្រាកដនិយមធ្វើ ដើម្បីបង្កើនចំណូលទ្វេគុណ

ចុចអាន៖ស្គាល់ឬនៅ ប្រវត្តិបុរសខ្លាំងខាងវិនិយោគលើជំនួញ Warren Buffett ល្បីលើពិភពលោក