ជីវិតហត់នឿយណាស់ សន្សំកម្លាំង​តស៊ូវិញ កុំទៅវាយប្រហារគ្នា​

យើងកើតមកលើលោកនេះ សម្រាប់កំពុងប្រណាំងប្រជែង​ ប្រឆាំងនឹងភាពក្រីក្រ ប្រឆំាងភាព​លំបាក​តោកយ៉ាក ហើយ​តស៊ូ​និងភាព​ល្ងិតល្ងង់​ស្វែងរកទីភ្លឺ មិនមែន​កើតមក​ដើម្បីប្រឆាំងនឹងគ្នាឯង ហើយធ្វើឱ្យ​របួស​ដួលឈឺចាប់រៀងខ្លួនទេ។

នេះ​គឺ​ពុទ្ធិ​នៃសៀវភៅរបស់​ម៉ុងហ្គោលីមួយមាន​ឈ្មោះថា ទុកមិត្ត​សម្រាប់ញាំបាយជុំគ្នា កុំវាយប្រហារគ្នា ព្រោះជីវិតហត់ណាស់។

សៀវភៅនេះ សរសេរដោយលោក Keisig ដែលផ្តោតលើ​មនុស្សមួយចំនួន​ដែលមានគំនិត​អគតិ​ចង់ឃើញមនុស្ស​ក្បែរ​អ្នកបរាជ័យ ជាជាងចូលរួមជួយគ្នា​ឱ្យ​ឆ្ពោះទៅរកភាពជោគជ័យ។

អ្នកនិពន្ធសង្កត់ធ្ងន់ថា វាជាមេរៀនដ៏មានតម្លៃអំពីជីវិត ដែលជ្រើសរើសវិធីរស់នៅ វិធី​បង្កើត​មិត្តភក្តិ ដោយប្រាជ្ញាពុំមែន​ដោយតណ្ហា​លោភៈ។

KPT Plus លើករឿងនេះមកសង្ខេបព្រោះចង់ប្រាប់ថា នៅពេលណាដែល​យើង​ចេះគិត​បានត្រឹមត្រូវ ​មិត្តភក្តិរបស់យើង​មិនត្រឹមតែចង់ចូលរួមបង្ហាញខ្លួនក្នុងជីវិត​ជាមួយយើង​រហូតរៀងទេ គេថែមទំាងព្រមនៅក្បែរយើងជាកម្លាំង មិនថាពេលលំបាក​ឬពេល​សំណាង។

ពេលខ្លះយើង​ដើរមិនទាន់គ្នា​ព្រោះ​មនុស្ស​យើង​អាចនឹងដើរតាមទិសដៅផ្សេងៗពីគ្នា ប៉ុន្តែ​ទោះក្រ​ឬមាន យើងនៅតែ​អាចស្វែងរកមិត្តល្អចាស់ៗមកញ៉ាំបាយជជែក​ជាមួយគ្នាបាន ហើយ​យើង​នៅតែអាចជួយគ្នាបាន។

យើង​មិនចាំបាច់ឱ្យមិត្តរបស់យើង​បរាជ័យទើបឃើញយើង​ល្អជាងនោះទេ ការ​ដែល​សប្បាយពេលឃើញ​មិត្ត​ជោគជ័យ​ គឺ​ជា​ជោគជ័យ​មួយ​ជំនៈលើមហិច្ឆិតាខ្លួនឯងរួចទៅហើយ​។

ប្រែសម្រួល៖ ឡាហ្សូលី

ចុចអាន៖ ទម្លាប់​ប្រចាំថ្ងៃ ៤ សំខាន់ៗ​ ធ្វើ​ឲ្យ​ជីវិត​និង​អាជីវកម្ម​ជោគជ័យ

ចុចអាន៖ មិន​អាច​បង្ខំ​អ្នក​ណា​ម្នាក់ ​ឲ្យ​មក​គោរព​ ​តែ​យើង​អាច​ផ្លាស់ប្ដូរ​ខ្លួនឯង​បាន​