KPT+
សេពគប់មនុស្ស ៧ ប្រភេទនេះ ដូចដាក់ថ្នាំពុលឲ្យជីវិតអន់ថយ
ការរាប់អានមនុស្សពិតជាជះឥទ្ធិពលខ្លាំងណាស់ ដល់ចរិតឫកពារបស់មនុស្សម្នាក់ទៀត។ បើសេពគប់ចំមនុស្សល្អ ជីវិតក៏ល្អប្រសើរ តែបើប៉ះមនុស្សចរិតយ៉ាប់ អ្នកម្ខាងទៀតក៏យ៉ាប់ទៅតាមនោះដែរ។
ហេតុនេះ បើប្រទះមនុស្ស ៧ ប្រភេទខាងក្រោម ចូរចៀសឲ្យឆ្ងាយ ព្រោះបើនៅបន្តរាប់អាន ជីវិតក៏គ្មានទៅមុខអ្វីដែរ។
១. មនុស្សនិយមរិះគន់
ការរិះគន់ក្នុងន័យស្ថាបនា វាពិតជារឿងល្អមួយដើម្បីកែលម្អចំណុចខ្វះខាត។ ប៉ុន្តែមនុស្សដែលចូលចិត្តរិះគន់ជាន់ពន្លិច រមែងរិះគន់អ្នកដទៃព្រោះឃើញគេល្អជាងខ្លួន និយាយឲ្យខ្លីមនុស្សពូកែទើសគ្រប់សព្វ។ មនុស្សបែបនេះនៅក្បែរកាន់តែយូរ កាន់តែអន់ថយ ដោយសារចរិតឃើញអ្នកផ្សេងល្អបន្តិចមិនបាន គឺជាចរិតដែលបង្កើតសត្រូវជុំទិស។
២. មនុស្សបង្ហិនពេល
មនុស្សដែលខ្ជះខ្ជាយពេល តែងតែបណ្ដែតបណ្ដោយម៉ោងរបស់ខ្លួនឲ្យកន្លងទៅដោយឥតប្រយោជន៍ ព្រោះតែមិនយល់ពីសារៈសំខាន់ពេលវេលាដែលមាន។ មនុស្សប្រភេទនេះចូលចិត្តយកពេលទៅតាមដានរឿងអ្នកដទៃ ឬចំណាយពេលជាមួយរឿងផឹកស៊ីច្រៀងរាំដែលបង្ហិនទាំងទ្រព្យថែមទៀត។ បើសេពគប់មនុស្សនេះ អ្នកនឹងគ្មានថ្ងៃរីកចម្រើនឡើយ។
៣. មនុស្សបំពានអ្នកដទៃ
គ្មាននរណាចៀសផុតពីកំហុសទេក្នុងមួយខ្សែជីវិតនេះ ហើយកំហុសខ្លះនោះ ពិតជាបានធ្វើឲ្យអ្នកដទៃឈឺចាប់ប្រាកដមែន។ យ៉ាងណា អ្នកខ្លះមិនមែនប្រព្រឹត្តកំហុសតែម្ដងម្កាលឡើយ តែធ្វើវាជារឿយៗ ហើយអ្នកដទៃតែងតែទទួលភាពឈឺចាប់ជាហូរហែដោយសារគេ។ ដូច្នេះគួរចៀសពីមនុស្សទាំងនេះ ដើម្បីកុំអ្នកក្លាយជាជនរងគ្រោះ ឬក្លាយជាជនបង្កដោយសារម្នាក់នោះ។
៤. មនុស្សអាត្មានិយម
ការដែលមនុស្សចូលចិត្តគិតតែពីខ្លួនឯង គេក៏នឹងហ៊ានធ្វើគ្រប់យ៉ាងដើម្បីតែប្រយោជន៍ខ្លួនគេ។ បើបានគ្នាជាមិត្ត តើគិតទេថា គេនឹងព្រមចែករំលែកសុខទុក្ខជាមួយអ្នក? គេព្រមជួយពេលយើងមានបញ្ហា? ប្រាកដជាអត់ហើយ! គ្មាននរណាសំខាន់ជាងខ្លួនគេទេ ដូចពាក្យមួយពោលថា “ងាប់អាណា ងាប់ទៅ កុំតែងាប់អញ!”។
៥. មនុស្សច្រណែន
ការច្រណែនមិនដែលធ្វើឲ្យនរណាម្នាក់គេងលក់ស្រួលនោះទេ។ ច្រណែននឹងភាពជោគជ័យរបស់អ្នកដទៃ ហើយចេះអភិវឌ្ឍខ្លួនជារឿងល្អខ្លាំងណាស់។ ផ្ទុយទៅវិញ បើច្រណែនព្រោះធ្វើមិនបានល្អដូចគេ នឹងនាំតែខ្លួនក្ដៅក្រហាយ ហើយក៏គ្មានពេលគិតរឿងល្អឬធ្វើរឿងល្អ ដោយសាររវល់ដេក ដើរ ឈរ អង្គុយចាំតែច្រណែន។
៦. មនុស្សគ្មានទំនួលខុសត្រូវ
មនុស្សប្រភេទនេះនិយមគេចវេសបញ្ហា ចុងក្រោយបញ្ហារត់មករកកាន់តែច្រើន ក៏ប្ដូរជាទម្លាក់កំហុសដាក់អ្វីៗដែលនៅជុំវិញ។ គេមិនព្យាយាមដោះស្រាយ ហើយថែមទាំងបង្កភាពស្មុគស្មាញដាក់អ្នកដទៃទៀត។ មនុស្សនេះ កុំថាឡើយមានដល់បួនប្រាំជាមិត្ត សូម្បីមានតែម្នាក់ ក៏ឈឺក្បាលវិលមុខជាមួយបាត់ទៅហើយ។
៧. មនុស្សអវិជ្ជមាន
គេចូលចិត្តស្ដីបន្ទោសខ្លួនឯង គិតអ្វីក៏សុទ្ធតែមិនអាចទៅរួចទាំងអស់ ជាហេតុធ្វើឲ្យខ្លួនឯងដុនដាប មិនអាចសម្រេចកិច្ចការអ្វីជាដុំកំភួន។ គ្រប់យ៉ាងលើលោកនេះដូចជាធ្ងន់ធ្ងរដែលសមត្ថភាពគេមិនអាចធ្វើបាន។ បើនៅក្បែរគេ អ្នកក៏មានផ្លូវចិត្តទន់ខ្សោយតាមដូចគ្នា៕
ប្រែសម្រួល៖ សន្យា
ប្រភព៖ powerofpositivity
ចុចអាន៖ជីវិតហត់នឿយណាស់ សន្សំកម្លាំងតស៊ូវិញ កុំទៅវាយប្រហារគ្នា
ចុចអាន៖ទម្លាប់ប្រចាំថ្ងៃ ៤ សំខាន់ៗ ធ្វើឲ្យជីវិតនិងអាជីវកម្មជោគជ័យ
សមាជិកក្រុមប្រឹក្សារាជធានី កោតសរសើរចំពោះការរៀបចំឲ្យមានថ្មើរជើងទទួលបានភ្ញៀវច្រើនកុះករ និងពេញនិយម
តូបលក់ដូរមួយកន្លែង សង់រំលោភផ្លូវដើរនៅផ្សារក្រចេះក្រុង ពលរដ្ឋស្នើអាជ្ញាធរចុះពិនិត្យដោះស្រាយ
បារាំងជំរុញឲ្យអាមេរិក និង EU ដកទណ្ឌកម្មលើប្រទេសស៊ីរី
ប្រធានាធិបតីទីម័រថាប្រទេសលោកមានកិត្តិយសបំផុតដែលសម្ដេចតេជោអញ្ជើញធ្វើទស្សនកិច្ច
មន្ទីរពេទ្យធំ ៣ នៅកម្ពុជា ឯកទេសព្យាបាលជំងឺមហារីក
ស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
អាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
ប៉ាគីស្ថាន ផ្តាំទៅឥណ្ឌា ឲ្យត្រៀមខ្លួនទទួលការសងសឹក ជាមួយកម្លាំងដ៏ខ្លាំងអស្ចារ្យ
អគារអង្គរមានជ័យ នៅសល់ ៤ គ្រួសារទៀត ក្រសួងដែនដីដាក់ឱសានវាទ ១៥ ថ្ងៃ ឲ្យចាកចេញ
លោក សាន សាធុកា ត្រូវបានស្នើដកតំណែងមកជាមន្ត្រីធម្មតា ក្រោយរកឃើញទង្វើល្មើសវិន័យនគរបាល
-
សន្តិសុខសង្គម៧ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៥ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ១ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៤ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៧ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៦ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ២ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ម៉ោង agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់