KPT+

ចុងឆ្នាំ ២០២១ មហាសេដ្ឋី ថៃ ប្រជែងគ្នា បង្ហាញទ្រព្យក្នុងប្រទេស

បានផុស

៣ years មុន

នៅ

ថ្ងៃព្រហស្បតិ៍ ៣០ ធ្នូ ២០២១

ដោយ

ទស្សនាវដ្ដី Forbes បានចុះបញ្ជីមហាសេដ្ឋីដែលមានជាងគេក្នុងប្រទេសថៃ នៅចុងឆ្នាំ ២០២១ នេះ ដោយម្នាក់ៗបានបង្ហាញពីទ្រព្យសម្បត្តិមហាសាល របស់ពួកគេ។

អត្ថបទខាងក្រោម នឹងបង្ហាញអំពីកំពូលអ្នកមានបំផុតទាំង ១០ របស់ថៃ ៖

១ គ្រួសារ Chearavanon ៣០,២ ពាន់លានដុល្លារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បងប្អូនបង្កើតចំនួន៤នាក់ ទាញទ្រព្យសម្បត្តិរបស់ពួកគេពីក្រុមហ៊ុន Charoen Pokphand Group ដែលជាអ្នកផលិតចំណីសត្វ និងបសុសត្វដ៏ធំបំផុតមួយ របស់ពិភពលោក។ ឪពុករបស់ពួកគេឈ្មោះ Chia Ek Chor រួមជាមួយនឹងបងប្រុសរបស់គាត់ឈ្មោះ Choncharoen Chiaravanont បានបើកហាងលក់គ្រាប់ពូជដែលនាំចូលពីប្រទេសចិន ដល់កសិករថៃនៅឆ្នាំ១៩២១ ។ Dhanin Chearavanont ដែលក្មេងជាងគេ (ក្នុងរូបភាព) ជាប្រធាន និងជានាយកប្រតិបត្តិរបស់ CP អស់រយៈពេល ៤៨ ឆ្នាំ រហូតដល់គាត់បានលាលែងពីតំណែងក្នុងឆ្នាំ ២០១៧ ប៉ុន្តែនៅតែជាប្រធានជាន់ខ្ពស់។ កូនប្រុសច្បងរបស់ Dhanin គឺ Soopakij និងកូនពៅ Suphachai គឺជាប្រធាន និងជា CEO របស់ CP រៀងគ្នា។ នៅក្នុងខែមីនា ឆ្នាំ ២០២០ ក្រុមហ៊ុន CP Group បានធ្វើការដេញថ្លៃ ដោយជោគជ័យចំនួន ១០.៦ពាន់លានដុល្លារ ដើម្បីទទួលបានប្រតិបត្តិការរបស់ក្រុមហ៊ុន Tesco នៅក្នុងប្រទេសថៃ និងម៉ាឡេស៊ី។

២ Chalerm Yoovidhya ២៤.៥ ពាន់លានដុល្លារ

លោក Chalerm Yoovidhya ដឹកនាំត្រកូលដ៏ធំទូលាយ ដែលសហម្ចាស់ Red Bull ដែលជាភេសជ្ជៈប៉ូវកម្លាំងដែលលក់បាន ៧.៩ ពាន់លានកំប៉ុង នៅទូទាំង ១៧១ ប្រទេសក្នុងឆ្នាំ ២០២០។ ភាគហ៊ុនរបស់គ្រួសាររួមមានភាគហ៊ុនតូចមួយ ដែលជាកម្មសិទ្ធិផ្ទាល់ខ្លួនដោយ Chalerm កូនប្រុសច្បងរបស់សហស្ថាបនិក Red Bull ។ នៅក្នុងខែធ្នូ ឆ្នាំ ២០២០ ក្រុមហ៊ុន Red Bull Thailand បានឈ្នះការប្រកួតពាណិជ្ជសញ្ញា ដែលត្រូវបានចូលរួមជាមួយ Red Bull នៅក្នុងប្រទេសចិន អស់រយៈពេលជាច្រើនឆ្នាំ។

៣ Charoen Sirivadhanabhakdi ១២,៧ ពាន់លានដុល្លារ

Charoen Sirivadhanabhakdi កើតនៅថ្ងៃទី ២ ខែឧសភា ឆ្នាំ ១៩៤៤ គឺជាមហាសេដ្ឋីជំនួញ និងវិនិយោគិនថៃ។ គាត់គឺជាស្ថាបនិកក្រុមហ៊ុន Thai Beverage និងជាប្រធានក្រុមហ៊ុន TCC Group និង Fraser and Neave, Ltd (F&N)។ គ្រួសារ Sirivadhanabhakdi ឥឡូវនេះ គឺជាក្រុមហ៊ុនអភិវឌ្ឍន៍អចលនទ្រព្យដ៏ធំបំផុតរបស់ថៃ និងជាម្ចាស់ដីទំហំ ៦៣០,០០០ រ៉ៃ (១០០,៨០០ ហិកតា) បូករួមទាំងអគារពាណិជ្ជកម្ម និងលក់រាយនៅក្នុងប្រទេសសិង្ហបុរី។

គាត់ក៏ជាម្ចាស់សណ្ឋាគារចំនួន ៥០ នៅអាស៊ី សហរដ្ឋអាមេរិក ចក្រភពអង់គ្លេស និងអូស្ត្រាលី រួមទាំង Plaza Athénée នៅ Manhattan ទីក្រុង New York សហរដ្ឋអាមេរិក និង The Okura Prestige Bangkok ។

គិតត្រឹមឆ្នាំ ២០២០ ទស្សនាវដ្ដី Forbes ប៉ាន់ប្រមាណថា ទ្រព្យសម្បត្តិគាត់មានចំនួន ១០.៥ ពាន់លានដុល្លារ។ នៅឆ្នាំ ១៩៨៨ ព្រះមហាក្សត្រ Bhumibol បានផ្ដល់នាមត្រកូលថៃ “Sirivadhanabhakdi” ។

៤ គ្រួសារ Chirathivat ១១,៦ ពាន់លានដុល្លារ

គ្រួសារ Chirathivat គឺជាជនជាតិថៃ ដែលមានដើមកំណើតចិន។ គ្រួសារនេះត្រូវបានដឹកនាំដោយ Tiang Chirathivat ដែលបានធ្វើចំណាកស្រុក ហើយតាំងទីលំនៅនៅទីក្រុងបាងកកក្នុងឆ្នាំ ១៩២៧ ។ គាត់មានកូនចំនួន២៦ នាក់ ជាមួយប្រពន្ធបីនាក់ និងចៅប្រហែល ២២០ នាក់សព្វថ្ងៃនេះ។ កូនចៅរបស់គាត់រួមគ្នាគ្រប់គ្រងក្រុមហ៊ុន Central Group ហើយជាប់ចំណាត់ថ្នាក់លេខ ៣ ក្នុងបញ្ជីរបស់ Forbes ក្នុងចំណោមអ្នកមានបំផុតទាំង៥០នាក់របស់ថៃ។

Central Group មានហាងទំនិញ និងផ្សារទំនើបជាង ៦០។ វាក៏ដំណើរការសណ្ឋាគារ និងភោជនីយដ្ឋានផងដែរ ដែលមានហាងសរុបចំនួន ៥,០០០។ គ្រួសារ Chirathivat បានទិញហាងផ្សារទំនើបអ៊ីតាលី La Rinascente ក្នុងតម្លៃ ២៩១ លានដុល្លារអាមេរិក។ ការទិញនេះ ត្រូវបានប្រកាសនៅក្នុងខែឧសភា ឆ្នាំ ២០១១ ដោយ Tos Chirathivat ដែលជានាយកប្រតិបត្តិក្រុមហ៊ុន Central Group ។ ក្នុងឆ្នាំ ២០២០ ក្រុមហ៊ុន Central Group បានប្រកាសពីការទិញហាងលក់ទំនិញប្រណិតស្វីស Globus រួមជាមួយទ្រព្យសម្បត្តិផ្សេងទៀតក្នុងតម្លៃជាង ១ ពាន់លានដុល្លារអាមេរិក ក្នុងការបណ្ដាក់ទុនរួមគ្នា ជាមួយក្រុមហ៊ុន Austrian Signa ។

៥ Sarath Ratanavadi ៨,៩ ពាន់លានដុល្លារ

Sarath Ratanavadi គឺជានាយកប្រតិបត្តិនៃក្រុមហ៊ុន Gulf Energy Development ដែលជាក្រុមហ៊ុនផលិតថាមពលដ៏ធំបំផុតមួយរបស់ថៃ។ គាត់បានយកក្រុមហ៊ុនជាសាធារណៈក្នុងឆ្នាំ២០១៧ រៃអង្គាសប្រាក់បានជាង ៧០០ លានដុល្លារ ដែលជា IPO ដ៏ធំបំផុតរបស់ប្រទេស ក្នុងរយៈពេលមួយទសវត្សរ៍។ ក្នុងឆ្នាំ ២០២០ ប្រាក់ចំណូលបានកើនឡើង ៧% ដល់ ១.២ពាន់លានដុល្លារ ដែលជំរុញដោយផ្នែកដោយគម្រោងថាមពលខ្យល់របស់អាល្លឺម៉ង់ ដោយក្រុមហ៊ុនបានទិញភាគហ៊ុន ៥០% ។ នៅខែមេសា ឆ្នាំ ២០២១ Sarath បានដេញថ្លៃ ១៧ ពាន់លានដុល្លារ ដើម្បីគ្រប់គ្រងក្រុមហ៊ុនទូរគមនាគមន៍យក្ស InTouch Holdings និងអង្គភាពឥតខ្សែរបស់ខ្លួន Advanced Info Service (AIS) ។ ក្រុមហ៊ុន Gulf Energy មានការបណ្ដាក់ទុនរួមគ្នា ជាមួយក្រុមហ៊ុនប្រេង និងឧស្ម័នរបស់រដ្ឋ PTT ដើម្បីសាងសង់ស្ថានីយ និងកំពង់ផែ LNG តម្លៃ ១.៣ ពាន់លានដុល្លារនៅលើឆ្នេរសមុទ្រភាគខាងកើតរបស់ប្រទេសថៃ។

៦ គ្រួសារ Osathanugrah ៣.៥ ពាន់លានដុល្លារ

គ្រួសារ Osathanugrah កាន់កាប់ក្រុមហ៊ុន Osotspa ដែលមានអាយុ ១៣០ ឆ្នាំ ក្នុងចំណោមក្រុមហ៊ុនចំណាស់បំផុតរបស់ថៃ និងជាអ្នកផលិតភេសជ្ជៈប៉ូវកម្លាំង M-150 ដ៏ពេញនិយម។ ប្រភពដើមនៃ Osotspa មានអាយុកាលតាំងពីឆ្នាំ ១៨៩១។ បង្កើតឡើងដោយជនអន្តោប្រវេសន៍ចិននៅ Chinatown អាជីវកម្មនេះមានឈ្មោះថា Teck Heng Yoo មុនពេលប្ដូរឈ្មោះទៅជា Osotspa បន្ទាប់ពីសង្គ្រាមលោកលើកទីពីរ។

ស្ដេច Vajiravudh បានផ្ដល់នាមត្រកូលកិត្តិយស Osathanugrah ដែលមានន័យថា “អ្នកផ្តល់ថ្នាំ” ជាភាសាថៃ ដល់គ្រួសារស្ថាបនិក បន្ទាប់ពីផលិតផលមួយរបស់ពួកគេ បានជួយបញ្ចប់ការផ្ទុះជំងឺរាគរូសនៅក្នុងជួរកងទ័ពថៃ។ អាជីវកម្មនៅតែជាលក្ខណៈគ្រួសារ នៅឆ្នាំ ២០០ SHARK Cool Bite ត្រូវបានដាក់ដំណើរការនៅឲ្យទូទាំងពិភពលោកក្រោមឈ្មោះថា SHARK Energy។ Hang ត្រូវបានគេណែនាំក្នុងឆ្នាំ ២០០៣ ជាថ្នាំព្យាបាលជំងឺហឺត។ M-150 ក៏ត្រូវបានណែនាំក្នុងទម្រង់ជាម្សៅ ដោយការលក់ឈានដល់១០លានបាវក្នុងមួយខែ។

នៅឆ្នាំ ២០០៧ M-150 ត្រូវបានដាក់ដំណើរការទៅឲ្យកាន់ទីផ្សារថ្មីនៅអឺរ៉ុប និងអាមេរិកខាងត្បូង។ ភេសជ្ជៈនេះលក់បានជាង ៧០០លានគ្រឿងក្នុងមួយឆ្នាំ នៅឆ្នាំ ២០០៨ នេះធ្វើឲ្យ Osotspa ក្លាយជាក្រុមហ៊ុនផលិតភេសជ្ជៈប៉ូវកម្លាំងឈានមុខគេនៅក្នុងប្រទេសថៃ និងឈានមុខគេមួយក្នុងពិភពលោក។ គិតត្រឹមឆ្នាំ ២០១០ Osotspa មានការិយាល័យនៅ Innsbruck, Larnaca, Santiago de Compostela, Harlow, Essex និង Torrance រដ្ឋកាលីហ្វ័រញ៉ា។ ក្រុមហ៊ុនក៏មានគម្រោងវិនិយោគនៅប្រទេសភូមាផងដែរ។

ក្រុមហ៊ុននេះត្រូវបានចុះបញ្ជីនៅក្នុងផ្សារហ៊ុនថៃ (SET) ក្នុងខែតុលា ឆ្នាំ ២០១៨ ដោយបានជួយជំរុញទ្រព្យសម្បត្តិរបស់គ្រួសារ Osathanugrah ដល់៣ ពាន់លានដុល្លារ។ ទ្រព្យសម្បត្តិរបស់គ្រួសារបានទទួលការជំរុញពី IPO ខែតុលា ឆ្នាំ ២០១៨ របស់ Osotspa ដែលគ្រប់គ្រងដោយ Petch Osathanugrah ដែលជាចៅប្រុសរបស់ស្ថាបនិក។

៧ Somphote Ahunai ៣.៣ ពាន់លានដុល្លារ

Somphote Ahunai គឺជាមហាសេដ្ឋីថៃ ដោយបានបង្កើតទ្រព្យសម្បត្តិពីការបង្កើតក្រុមហ៊ុនថាមពលកកើតឡើងវិញ Energy Absolute ។ គាត់បានមើលការខុសត្រូវលើការពង្រីកក្រុមហ៊ុន ទៅក្នុងរថយន្តអគ្គិសនី (Mine Mobility) និងរោងចក្រ gigafactory ។ ក្រុមហ៊ុនរបស់គាត់ ត្រូវបានគេប្រដូចទៅនឹង “Tesla of Asia” ។ អតីតពាណិជ្ជករមូលបត្រ Somphote Ahunai បានចាប់ផ្ដើមក្រុមថាមពលកកើតឡើងវិញ Energy Absolute ក្នុងឆ្នាំ ២០០៦។ Energy Absolute កំពុងពង្រីកចូលទៅក្នុងឃ្លាំងផ្ទុកថាមពល ជាមួយនឹងគម្រោងថាមពលថ្ម ៣ ពាន់លានដុល្លារ ដើម្បីបង្កើតថ្មលីចូមអ៊ីយ៉ុង។ ក្រុមហ៊ុនបុត្រសម្ព័ន្ធរបស់ខ្លួនគឺ Energy Mahanakorn នឹងសាងសង់ស្ថានីយ៍សាកថ្មចំនួន ១,០០០០ សម្រាប់រថយន្តអគ្គិសនីនៅទូទាំងប្រទេស។

៨ Prasert Prasarttong-Osoth ៣.២៥ ពាន់លាន

លោកវេជ្ជបណ្ឌិត Prasert ជាប់ចំណាត់ថ្នាក់ទី ១១ ក្នុងបញ្ជីអ្នកមាន ៥០ របស់ Forbes Thailand សម្រាប់ឆ្នាំ ២០២០។ អាណាចក្រអាជីវកម្មរបស់គាត់ រួមមានក្រុមមន្ទីរពេទ្យ Bangkok Dusit Medical Services ដែលជាម្ចាស់សណ្ឋាគារ Movenpick សណ្ឋាគារ BDMS និង BDMS Wellness Clinic នៅ Nai Lert Park ផងដែរ។ វេជ្ជបណ្ឌិតរូបនេះ បានក្លាយជាអ្នកជំនួញក៏បានបង្កើតក្រុមហ៊ុនអាកាសចរណ៍ Bangkok Airways និងក្រុមហ៊ុនទូរទស្សន៍ឌីជីថល PPTV។ គាត់និងប្រពន្ធឈ្មោះ វ៉ាន់ លី មានកូន៥នាក់ ។

អតីតគ្រូពេទ្យវះកាត់ Prasert Prasarttong-Osoth បានបង្កើតក្រុមហ៊ុន Bangkok Dusit Medical Services ជាប្រតិបត្តិករមន្ទីរពេទ្យឯកជនធំបំផុតរបស់ប្រទេសថៃក្នុងឆ្នាំ ១៩៧២។ Bangkok Dusit មានអគារថែទាំសុខភាពដ៏ប្រណិតតម្លៃ ៣៧០ លានដុល្លារនៅទីក្រុងបាងកក ដែលរួមមានសណ្ឋាគារ Movenpick ដែលមានបន្ទប់ចំនួន ២៩០ ។ Prasert ក៏ជាម្ចាស់និងបើកក្រុមហ៊ុនអាកាសចរណ៍ក្នុងតំបន់គឺ Bangkok Airways ដែលលោកបានចាប់ផ្ដើមជាសាធារណៈក្នុងឆ្នាំ ២០១៤។ នៅក្នុងខែមិថុនា ឆ្នាំ ២០២០ បាងកក ឌូស៊ីត បានទម្លាក់ផែនការរបស់ខ្លួនក្នុងការទិញមន្ទីរពេទ្យអន្តរជាតិ Bumrungrad International ដែលជាគូប្រជែង ហើយនៅទីបំផុតបានលក់ភាគហ៊ុនទាំងអស់របស់ខ្លួន។ កូនស្រីរបស់លោកគឺលោក Poramaporn ជាប្រធានក្រុងបាងកក ឌូស៊ីត។

៩ Prachak Tangkaravakoon ៣.២ ពាន់លាន

Prachak Tangkaravakoon ជាប្រធានក្រុមហ៊ុន TOA Paint (Thailand) ដែលជាក្រុមហ៊ុនលាបពណ៌ដ៏ធំបំផុតរបស់ប្រទេស ដែលមានចំណែកទីផ្សារចំនួន ៥៦៦ លានដុល្លារ។ TOA Paint មានរោងចក្រចំនួនបីនៅក្នុងប្រទេសថៃ បូករួមទាំងរោងចក្រនៅប្រទេសវៀតណាម ឡាវ មីយ៉ាន់ម៉ា ម៉ាឡេស៊ី កម្ពុជា និងឥណ្ឌូណេស៊ី។ IPO របស់ក្រុមហ៊ុនក្នុងឆ្នាំ ២០១៧ បានរៃអង្គាសប្រាក់បានចំនួន ៣៦០លានដុល្លារ ដើម្បីបង្កើនការពង្រីកក្នុងតំបន់ រួមទាំងនៅក្នុងប្រទេសមីយ៉ាន់ម៉ា និងកម្ពុជា។

១០ Chuchat Petampai និង Daonapa Petampai ៣ ពាន់លានដុល្លារ

ក្រុមមហាសេដ្ឋី Chuchat Petampai និង Daonapa Petampai បានសាងទ្រព្យសម្បត្តិដោយផ្តល់ប្រាក់កម្ចីតូចៗនៅក្នុងប្រទេសថៃ។ ក្រុមហ៊ុនផ្ដល់ប្រាក់កម្ចីខ្នាតតូច Muangthai Capital Pcl របស់ពួកគេកំពុងស្ថិតនៅលើផ្លូវសម្រាប់កំណើនប្រាក់ចំណេញទាបបំផុត ចាប់តាំងពីការចុះបញ្ជីរបស់ខ្លួននៅក្នុងឆ្នាំ ២០១៥ ដោយបានធ្វើឲ្យមានការធ្លាក់ចុះតម្លៃភាគហ៊ុន ៦.៣% ក្នុងរយៈពេលបីខែចុងក្រោយនេះ ដែលលើសពីការធ្លាក់ចុះ ១.៧% នៅក្នុងសន្ទស្សន៍ SET គោល។

Muangthai Capital បានកើនឡើងយ៉ាងឆាប់រហ័ស ដោយការចាប់យកតម្រូវការកម្ចីខ្នាតតូចក្នុងចំណោមប្រជាជនថៃរាប់លាននាក់ ដូចជាកសិករ និងកម្មករដែលខ្វះប្រវត្តិឥណទានដែលតម្រូវដោយធនាគារពាណិជ្ជ។

ប្រែសម្រួល៖ សាង ស្រីល័ក្ខ

ចុចអាន៖តូចមែនពិត ! តែមហាសេដ្ឋីវ័យក្មេងទាំង ១០ នេះ មានទ្រព្យមហាសាល នាបច្ចុប្បន្ននេះ

ចុចអាន៖កំពូលមេដឹកនាំនយោបាយលើពិភពលោក ១០ រូប ល្បីថាសង្ហាខ្លាំង ទាក់ទាញ ស្រីៗឲ្យលង់ស្នេហ៍