មកស្គាល់ពី​ដំណើររថភ្លើង មានរយៈពេល​វែង​ជាងគេ លើ​លោក​ ទាំង​ ៦ ​

ខាងក្រោមនេះ ជាដំណើរកម្សាន្តលើរថភ្លើង ដែលចំណាយពេលយូរជាងគេលើពិភពលោក នាពេលបច្ចុប្បន្ននេះ ៖

១ ព័រទុយហ្គាល់-សិង្ហបុរី (១១,៦៥៤ ម៉ាយ)

អ្នកជំនាញបាននិយាយថា ការធ្វើដំណើរលើរថភ្លើងនេះ មានចម្ងាយ ១១,៦៥៤ ម៉ាយ​ក្នុង​រយៈពេល ២១ ថ្ងៃ ដែល​អនុញ្ញាត​ឲ្យ​មាន​ការ​ស្នាក់នៅ​មួយ​យ ប់​ដើម្បី​ធ្វើការ​តភ្ជាប់ និង​តម្រៀប​ទិដ្ឋាការ និង​ឯកសារ​ផ្សេងៗ​ទៀត។ ការធ្វើដំណើរ តម្រូវ​ឲ្យ​មាន​ការ​ផ្លាស់ប្ដូរ​ខ្លីៗ​ រវាង​ស្ថានីយ ​ត្រូវ​បាន​គណនា​ដោយ​អ្នក​ប្រើប្រាស់​គេហទំព័រ Reddit ដោយ​មាន​ជំនួយ​ពី​អ្នក​ចូលចិត្ត​រថភ្លើង​ជនជាតិ​អង់គ្លេស លោក Mark Smith ។

២ ទីក្រុងមូស្គូ ទៅទីក្រុង​ព្យុងយ៉ាង (៦,៣៧៩ ម៉ាយ)

នេះគឺជាសេវារថភ្លើងដែល​វែង​ជាងគេ​ បំផុតក្នុងពិភពលោក រហូតដល់​ខែ​កុម្ភៈ ឆ្នាំ ២០២០ នៅ​ពេល​ដែល​សេវាកម្ម​ពី​រុស្ស៊ី​ទៅ​កាន់​កូរ៉េ​ខាងជើង​ត្រូវ​បាន​ផ្អាក។ ដំណើរការដោយផ្លូវដែករដ្ឋកូរ៉េ លាតសន្ធឹងពី ១០,២៦៧ គីឡូម៉ែត្រ​ និង​ឈប់ចុះចត ១៥៧ កន្លែង​ ដោយ​ចំណាយ​ពេល ៨ ថ្ងៃ​កន្លះ​ ​ក្នុង​ការ​ធ្វើដំណើរ​ដើម្បីទៅដល់គោលដៅ។

៣ ផ្លូវដែកឆ្លងកាត់ស៊ីបេរី (៥,៧៧២ ម៉ាយ)

រថភ្លើងនេះ ធ្វើដំណើរជាង ១០,០០០ គីឡូម៉ែត្រ ក្នុងរយៈពេលជិតមួយសប្តាហ៍ និងឆ្លងកាត់តំបន់ជាច្រើនរាប់មិនអស់។ វាឆ្លង់កាត់ ប្រទេសរុស្ស៊ី ចិន និងម៉ុងហ្គោលី និងទន្លេសំខាន់ៗចំនួន ១៦ ស្ពានចំនួន ៤៩៧ ទីក្រុងធំៗចំនួន ៨៧ ស្ថានីយចំនួន ៨៧៦ និងទ្វីបចំនួន ២។

៤ Toronto ទៅ Vancouver (២,៧៧៥ ម៉ាយ)

រថភ្លើងនេះ ឆ្លងកាត់ទ្វីបជាច្រើន និងចំណាយពេល ៤ យប់ ដើម្បីទៅដល់ទីក្រុង Vancouver ពី Toronto ។ ការធ្វើដំណើរនៅលើផ្លូវប្រវត្តិសាស្ត្រនៃប្រទេសកាណាដា និងឆ្លងកាត់វាលស្មៅ​ ចម្លាក់ដ៏ស្រស់ស្អាតនៃ Rockies និងឆ្នេរខាងលិចដ៏ស្ងប់ស្ងាត់។ ​អ្នកធ្វើដំណើរ​តាម​រថភ្លើង​​ គឺទទួល​បាន​ទិដ្ឋភាព​នៃ​សម្រស់​ពិត ​នៃ​ប្រទេស​កាណាដា។

៥ សៀងហៃទៅ ឡាសា (ប្រទេសចិន) – ២,៧១៧ ម៉ាយ

មិនត្រឹម​តែ​ជារថភ្លើងដែលជិះយូរជាងគេ ​ក្នុងប្រទេសចិនប៉ុណ្ណោះទេ វាគឺជាការធ្វើដំណើររថភ្លើង​ដែល​វែង​ជាង​គេ​បំផុតនៅលើពិភពលោក។ ធ្វើដំណើរឆ្លងកាត់ខេត្តចំនួន ៨ នៃប្រទេសចិន រថភ្លើង Shanghai-Lhasa ធ្វើ​ដំណើរ​ចំ​កណ្តាលភ្នំ និង​អនុញ្ញាត​ឲ្យ​អ្នកទស្សនានូវទិដ្ធភាពដ៏​អស្ចារ្យ​ ជាមួយ​នឹង​ទេសភាព​ដ៏​ស្រស់​ស្អាត​នៃ​ប្រទេស​ដ៏​ធំ​នេះ។

៦​ ប៉ាស៊ីហ្វិកឥណ្ឌា ស៊ីដនី ទៅ ភើត (អូស្ត្រាលី) ២៧០៤ ម៉ាយល៍

ប៉ាស៊ីហ្វិកឥណ្ឌា ជាប់ក្នុងបញ្ជីនៃការធ្វើដំណើរតាមរថភ្លើង វែងជាងគេលើពិភពលោក។ ការធ្វើដំណើរពីឆ្នេរសមុទ្រមួយទៅឆ្នេរសមុទ្រមួយទៀត និងធ្វើឲ្យមានការឆ្លងទ្វីប​។ ​រថភ្លើងនេះធ្វើដំណើរឆ្ពោះទៅទិសខាងកើត បំប្លែងទិដ្ឋភាពដ៏អស្ចារ្យនៃបង្អួច ពីអគារខ្ពស់ៗទៅជ្រលងភ្នំព្រៃ ច្រាំងថ្មភក់ និងទៅទេសភាពដ៏អស្ចារ្យ។

រថភ្លើងនេះ នឹងឆ្លងកាត់ភ្នំ Blue Mountains តំបន់ស្ងួតនៃ South Wales និងទេសភាពវាលខ្សាច់នៃ Broken Hill រូបចម្លាក់នៅវាលខ្សាច់ និងវិចិត្រសាល Pro Hart ក្នុងអំឡុងពេលដំណើរផងដែរ៕

ប្រែសម្រួល៖ សាង ស្រីល័ក្ខ

ចុចអាន៖កំពូលមេដឹកនាំនយោបាយលើពិភពលោក ១០ រូប ល្បីថាសង្ហាខ្លាំង ទាក់ទាញ ស្រីៗឲ្យលង់ស្នេហ៍

ចុចអាន៖មិនថាពិភពលោកជឿនលឿន តែ ប៊ូតង់ នៅតែប្រកាន់ខ្ជាប់ទំនៀមទម្លាប់បានល្អ នេះមូលហេតុពិត