KPT+

កុំចេះតែ Makeup ឲ្យក្មេងស្រីតូចៗ ប្រយ័ត្នបង្កគ្រោះថ្នាក់ធំ

បានផុស

៣ years មុន

នៅ

ថ្ងៃចន្ទ ៣ មករា ២០២២

ដោយ

Sonya

ម៉ាក់ៗទូទៅ តែងតែចង់ឲ្យកូនស្រីៗស្អាត ខ្យូត ដោយជាញឹកញាប់តុបតែង (Makeup) ឲ្យកូនតូច ជាពិសេសពេលមានកម្មវិធីជួបជុំគ្រួសារ បុណ្យ ឬមង្គលការជាដើម។ តែបើតាមអ្នកជំនាញសិង្ហបុរី ណែនាំឲ្យរង់ចាំ ដល់កូនស្រី ឈានដល់វ័យ ១៦ឆ្នាំ ឬលើសនេះសិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Lynn Chiam អ្នកជំនាញផ្នែកសើស្បែកនៅគ្លីនិកសក់ ស្បែកកុមារ និងមនុស្សពេញវ័យ នៅសិង្ហបុរី បញ្ជាក់ថា ស្បែកក្មេងៗ ស្ដើងជាង និងមុខងារការពារតិចជាង ស្បែកមនុស្សពេញវ័យ។ ដូច្នេះ សមាសធាតុគីមីក្នុងគ្រឿង Makeup អាចបណ្ដាលឲ្យស្បែកស្ងួត កន្ទួល រមាស់ និងរលាក។ បើបន្ដប្រើប្រាស់ វាបង្កផលប៉ះពាល់យ៉ាងខ្លាំង លើរចនាសម្ព័ន្ធ និងមុខងារការពាររបស់ស្បែក។

វេជ្ជបណ្ឌិតដដែល បន្តថា ការ Makeup ក៏អាចបណ្ដាលឲ្យក្មេងស្រីតូចៗ ប្រឈមនឹងការកើតមុនដែរ នៅពេលលាងសម្អាតមិនស្អាត ឬខ្វះអនាម័យ ក៏អាចឆ្លងបាក់តេរីទៀតផង។

70 Little Asian Child Playing With Mothers Makeup Stock Photos, Pictures & Royalty-Free Images - iStock

ងាកទៅការលាបពណ៌សក់ក្មេងស្រីតូចៗវិញ វេជ្ជបណ្ឌិតខាងលើ បញ្ជាក់ថា វាបណ្ដាលឲ្យសក់ និងស្បែកក្បាលរបស់ក្មេងតូចៗកែប្រែជាច្រើន ដូច្នេះពួកគេងាយជួបបញ្ហាប្រតិកម្ម និងខូចសក់។ វេជ្ជបណ្ឌិត បកស្រាយថា នេះដោយសារសមាសធាតុគីមី បានទៅបំផ្លាញសារធាតុរាវសម្រាប់ការពារស្បែកក្បាលរបស់ក្មេងៗ ហើយធ្វើឲ្យក្មេងៗ ងាយប្រឈមនឹងបញ្ហាជ្រុះសក់ និងរមាស់ស្បែកក្បាល បណ្ដាលមកពីបរិស្ថាន ផលិតលាប ឬបាញ់សក់ និងបាកតេរី។

ចំណែកប្រដាប់លាបក្រចកដៃវិញ វេជ្ជបណ្ឌិតណែនាំឲ្យចៀសវាងលាបវាលើក្មេងស្រីតូចៗ។ នេះដោយសារផលិតផលភាគច្រើន មានសមាសធាតុគីមីពុល ចំនួន ៣ប្រភេទ។ ទី១ គឺសមាសធាតុ Toluene បង្កបញ្ហាដល់ប្រព័ន្ធសរសៃប្រសាទ និងប្រព័ន្ធដង្ហើមខាងលើ ទី២ គឺសមាសធាតុ Dibutyl Phthalate ប៉ះពាល់ដល់ការបន្ដពូជ និងទី៣ គឺសមាសធាតុ Formaldehyde បង្កបញ្ហាប្រព័ន្ធដង្ហើម និងបង្កើនហានិភ័យនៃការកើតជំងឺមហារីក បើប្រើរយៈពេលយូរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សារធាតុគីមីក្នុងគ្រឿងសម្អាង និងទឹកអប់ ជាមូលហេតុនាំឱ្យក្មេងស្រីឆាប់ពេញវ័យមុនអាយុ

ចុចអាន៖