KPT+

គុក ១០ កន្លែង ល្បីថា សាហាវឃោរឃៅ និងហិង្សាលើអ្នកទោសជាងគេ លើពិភពលោក

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

ពន្ធនាគារត្រូវបានធ្វើឡើង សម្រាប់ដាក់ឧក្រិដ្ឋជន ហើយពន្ធនាគារខ្លះ ធ្វើជាពិសេស សម្រាប់ឧក្រិដ្ឋជនគ្រោះថ្នាក់បំផុត របស់ពិភពលោក។

ខាងក្រោម ជាគុកសាហាវព្រៃផ្សៃ និងធ្វើហិង្សាលើអ្នកទោស សឹងតែស្លាប់ក៏មាន ៖

១ គុក Carandiru Penitentiary (ប្រេស៊ីល)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គុក Carandiru Penitentiary នៅប្រេស៊ីល អាមេរិកខាងត្បូង គឺជាពន្ធនាគារដែលមានអំពើហិង្សា និងសម្លាប់មនុស្សច្រើនជាងគេបំផុត ក្នុងពិភពលោក។ ក្នុងឆ្នាំ ១៩៩២ ការសម្លាប់រង្គាលនៅក្នុងពន្ធនាគារដ៏ឃោរឃៅមួយ បានកើតឡើងនៅពេលដែលអ្នកទោស ១០២ នាក់ ត្រូវបានបាញ់សម្លាប់។ គុកនេះក៏ត្រូវបានគេស្គាល់ថា មានបញ្ហាសុខភាពដ៏គួរឲ្យខ្លាច។ នៅក្នុងផ្នែកសុខភាពរបស់គុក អ្នកទោសម្នាក់ក្នុងចំណោមអ្នកទោស៥នាក់ ត្រូវបានគេធ្វើរោគវិនិច្ឆ័យថាមានផ្ទុកមេរោគអេដស៍។

២ គុក Tadmor (ស៊ីរី)

គុក Tadmor នៅទីក្រុង Palmyra ប្រទេសស៊ីរី ត្រូវបានគេស្គាល់ថា ជាគុកមួយក្នុងចំណោមគុកដែលគាបសង្កត់អ្នកទោសរាប់រយអ្នក។

៣ La Sabaneta (វ៉េណេស៊ុយអេឡា)

គុក La Sabaneta មានទីតាំងនៅ Venezuela អាមេរិកខាងត្បូង។ គ្រឿងបរិក្ខារនៃគុកនេះ ត្រូវបានរចនាឡើងសម្រាប់ដាក់អ្នកទោសចំនួន ១៥,០០០ ប៉ុន្តែតាមពិត មានផ្ទះចំនួន ២៥,០០០ ។ គុកនេះមានបុគ្គលិកតិច ដោយមានអ្នកយាមប្រហែល ១ នាក់ សម្រាប់អ្នកទោសម្នាក់ៗ ១៥០ នាក់។ គុក La Sabaneta ត្រូវបានគេស្គាល់ថា មានឧប្បត្តិហេតុហិង្សា ការប្រយុទ្ធគ្នាដោយអាវុធហិង្សាក្នុងឆ្នាំ ១៩៩៤ បានបណ្ដាលឲ្យអ្នកទោស១០៨នាក់ស្លាប់។ លើសពីនេះទៀត អ្នកទោសចំនួន ១៩៦ នាក់ ត្រូវបានសម្លាប់ និង ៦២៤ នាក់ បានរងរបួស ដោយសារតែអំពើហិង្សាក្នុងពន្ធនាគារក្នុងឆ្នាំ ១៩៩៥ ។

៤ Diyarbakir (តួកគី)

គុក Diyarbakir ក្នុងទីក្រុង Diyarbakir ប្រទេសទួកគី មានភាពអមនុស្សធម៌។ ចំណុចងងឹតមួយនៃអតីតកាលរបស់គុកនេះ ត្រូវបានគេដឹង គឺការឃុំឃាំងកុមារឲ្យជាប់ពន្ធនាគារអស់មួយជីវិត។ ក្នុងឆ្នាំ ១៩៩៦ ឧប្បត្តិហេតុមួយបានកើតឡើង ដែលឆ្មាំនិងប៉ូលីសបានវាយអ្នកទោសយ៉ាងធ្ងន់ធ្ងរ។ ហេតុការណ៍នេះ បានបណ្ដាលឲ្យអ្នកទោសស្លាប់ ១០នាក់ និងរបួស ២៣ នាក់។

៥ La Sante (ប៉ារីស ប្រទេសបារាំង)

ទីក្រុងប៉ារីស ប្រទេសបារាំង គឺជាផ្ទះរបស់គុក La Sante ។ គុកនេះត្រូវបានគេស្គាល់ថា ជាកន្លែងដ៏ឃោរឃៅមួយដែលអ្នកទោសជាច្រើន បានយកជីវិតខ្លួនឯងទៅកាត់ទោសនៅទីនោះ។ ឆ្នាំ ១៩៩៩ បានឃើញការធ្វើអត្តឃាតរបស់អ្នកទោស ១២៤។ ប្រព័ន្ធពន្ធនាគារ ក៏បង្កើតរចនាសម្ព័ន្ធឋានានុក្រម ដែលធ្វើឲ្យអ្នកទោសខ្លះ មានអំណាចជាងអ្នកដទៃ ហើយលក្ខខណ្ឌ ក៏កាន់តែអាក្រក់សម្រាប់អ្នកទោសទន់ខ្សោយ។ ក្នុងកំឡុងសង្គ្រាមលោកលើកទី២ វាបានឃុំឃាំងអ្នកទោសសង្គ្រាម និងឧក្រិដ្ឋជនជាប្រចាំ។

៦ ADX-Florence Supermax Facility (ខូឡូរ៉ាដូ)

ADX-Florence ក្នុងរដ្ឋ Colorado ត្រូវបានរចនាឡើង ដើម្បីផ្ទុកអ្នកទោសដ៏អាក្រក់បំផុត និងឃុំឃាំងពួកគេឲ្យនៅតែម្នាក់ឯង។ បណ្ដឹងមួយត្រូវបានដាក់នៅខែមិថុនា ឆ្នាំ២០១២ ដោយអ្នកទោសជាច្រើននាក់។ បណ្ដឹងចោទប្រកាន់ថា លក្ខខណ្ឌនៃពន្ធនាគារបង្កើតបរិយាកាសសម្រាប់ការរំលោភបំពាន និងទារុណកម្មអ្នកទោសខ្លាំងក្លា។

៧ Alcatraz (សាន់ហ្វ្រាន់ស៊ីស្កូ)

ទោះបីជាគុក Alcatraz ដែលមានទីតាំងនៅលើកោះ Alctraz នៃឆ្នេរសមុទ្រ San Francisco រដ្ឋកាលីហ្វ័រញ៉ា ហើយត្រូវបានបិទអស់រយៈពេលជាច្រើនឆ្នាំក៏ដោយ វាមានឧក្រិដ្ឋជនដ៏គ្រោះថ្នាក់មួយចំនួន នៅក្នុងប្រវត្តិសាស្ត្រ។ គុកត្រូវបានគេស្គាល់ថា សម្រាប់ការប៉ុនប៉ងរត់គេចខ្លួនដោយហិង្សា ដែលល្បីល្បាញបំផុត ថាជា “សមរភូមិ Alcatraz” ក្នុងខែឧសភា ឆ្នាំ ១៩៤៦ ។ Alcatraz ត្រូវបានបង្ខំឲ្យបិទទ្វារនៅថ្ងៃទី ២១ ខែមីនា ឆ្នាំ ១៩៦៣ ដោយសារតែកេរ្តិ៍ឈ្មោះមិនល្អ និងការចំណាយខ្ពស់ នៃការថែរក្សាពន្ធនាគារ។

៨ គុកនៃកោះ Rikers (NY)

គុក Rikers Island ក្នុងទីក្រុងញូវយ៉ក មានកេរ្តិ៍ដំណែលនៃអំពើហិង្សាអ្នកទោស។ បុរសម្នាក់ឈ្មោះ John Reyes ដែលជាឆ្មាំគុកក្នុងឆ្នាំ ១៩៩១ បាននិយាយថា មានការភ័យខ្លាចជារៀងរាល់ថ្ងៃ ដោយសារតែការវាយដំ និងឃាតកម្មដែលគាត់បានឃើញនៅទីនោះ។ ដោយសារតែប្រវត្តិនៃការប្រើអំពើហិង្សារបស់គុក ឥឡូវវា ក្លាយជាគុកដ៏តឹងរ៉ឹងបំផុតមួយក្នុងពិភពលោក។

៩ Bang Kwang (ប្រទេសថៃ)

ស្ថិតនៅចម្ងាយពីរបីម៉ាយពីទីក្រុងបាងកក គឺជាគុកដ៏តឹងតែងបំផុតមួយ នៅក្នុងប្រទេសថៃ ដែលមានឈ្មោះហៅក្រៅថា “Bangkok Hilton” គុក Bang Kwang Maximum-Security ផ្ទុកអ្នកទោសបរទេសយ៉ាងច្រើន។

អ្នកទោសត្រូវបានប្រមូលផ្តុំទៅក្នុងកោសិកាតូចៗ ហើយអ្នកទោសជាប់ឃុំឃាំង តែងតែត្រូវបានផ្តល់ការជូនដំណឹងតិចជាងពីរម៉ោង មុនពេលពួកគេត្រូវបានអូសទៅការប្រហារជីវិត។ សម្រាប់រយៈពេលបីខែដំបូងនៃការកាត់ទោសអ្នកទោស ពួកគេពាក់ខ្សែពួរ។ ប្រហែល ១០ភាគរយនៃអ្នកទោស កំពុងរង់ចាំការប្រហារជីវិត។ អ្នកខ្លះស្លាប់ដោយពាក់ខ្សែដែកជាប់នឹងជើង។ ម៉្យាងទៀតអ្នកទោសទាំងអស់ត្រូវជាប់ពន្ធនាគារយ៉ាងតិច ២៥ ឆ្នាំ។

អាហារូបត្ថម្ភមានក្នុងទម្រង់ជាបាយមួយចាន ជាមួយបន្លែញ៉ាំម្តងក្នុងមួយថ្ងៃ។ អាហារដ្ឋានមានសម្រាប់អ្នកទោសទិញអាហារបន្ថែម ឬរបស់របរដែលត្រូវការ។ មនុស្សជាច្រើនទទួលរងពីកង្វះអាហារូបត្ថម្ភ និងជំងឺដែលអាចការពារបាន។ ពន្ធនាគារគ្មានទឹកប្រើប្រាស់ ប្រព័ន្ធលូមិនដំណើរការ ហើយមានមនុស្សចង្អៀតខ្លាំងថែមទៀត។

១០ San Quentin (កាលីហ្វ័រញ៉ា)

គុក San Quentin ត្រូវបានបង្កើតឡើងក្នុងឆ្នាំ ១៨៥២ ហើយជាគុកចំណាស់ជាងគេបំផុត នៅក្នុងរដ្ឋកាលីហ្វ័រញ៉ា។ ទោះបីជាគុកមានបន្ទប់ឧស្ម័នក៏ដោយ ការប្រហារជីវិតតែមួយគត់ ដែលត្រូវបានអនុវត្តនៅទីនោះ គឺដោយការបាញ់សម្លាប់។ អំពើហឹង្សាគឺជាបញ្ហាបន្តនៅ San Quentin ទោះបីជាមានបុគ្គលិកយាមច្រើនក៏ដោយ។

ឧបទ្ទវហេតុពិសេសមួយបានកើតឡើងនៅក្នុងខែកុម្ភៈ ឆ្នាំ ២០០៦ នៅពេលដែលការវាយប្រហារ ដោយការរើសអើងជាតិសាសន៍មួយចំនួន បានបណ្តាលឲ្យអ្នកទោសចំនួន ១០០ នាក់រងរបួស។

បន្ថែមលើនេះ អ្នកទោសពីរនាក់ ត្រូវបានសម្លាប់ និងត្រូវបានគេស្គាល់ដោយសារស្ថានភាពមិនល្អ ៕

ប្រែសម្រួល៖ សាង ស្រីល័ក្ខ

ចុចអាន៖មិនធម្មតា! ឆ្នាំ ២០២១ មហាសេដ្ឋី ចិន នាំមុខគេក្នុងបញ្ជីខាតចំណូលច្រើន មិនធ្លាប់មាន

Related Topics:ចំណេះដឹងទូទៅ