KPT+

៧ យ៉ាង គួរធ្វើ ដើម្បីមានអាយុវែង គ្មានជំងឺដំកាត់ មកយាយី

បានផុស

៣ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

មនុស្សជាច្រើនប្រហែលជាចង់បានជីវិតមានសុខភាពល្អ និងអាយុវែង គ្មានជំងឺដំកាត់មកយាយី។ យ៉ាងណាមិញ យើងក៏មានវិធីជាច្រើន ជួយឲ្យរាងកាយស្រស់ស្រាយ និងរស់នៅបានយូរ មិនមានអ្វីមកឲ្យជីវិតកាន់តែស្មុគស្មាញ។

នេះគឺជារឿង ៧ យ៉ាង ដែលអាចធ្វើបាន ដើម្បីអាយុវែង ឬយ៉ាងហោចណាស់ វាធ្វើឲ្យយើងស្រស់ស្រាយ គ្មានទុក្ខកង្វល់ចូលមកក្នុងជីវិត។

១ តុល្យភាពការងារ និងជីវិត

ចូរស្វែងរកតុល្យភាពរវាងជីវិត និងការងារក្នុងពេលនេះ មិនថារវល់យ៉ាងណា។ ក្នុងសម័យនេះ គេអាចនិយាយបានថា ការងារលំបាក នឹងសម្លាប់មនុស្សបាន។ ការងារជាមូលហេតុចម្បង ដែលធ្វើឲ្យមនុស្សធុញថប់ និងមានអារម្មណ៍មិនសប្បាយចិត្តជាមួយជីវិត។ ដូច្នេះ ចូររក្សាតុល្យភាពការងារឲ្យមានលំនឹង នៅក្នុងជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ធ្វើរឿងដែលធ្វើឲ្យយើងសប្បាយចិត្ត

រឿងរ៉ាវបច្ចុប្បន្ននេះ បានធ្វើឲ្យយើងមានភាពតានតឹងក្នុងជីវិត បើដូច្នេះ ចូរស្វែងរកពេលវេលាសមស្របណាមួយ ដើម្បីធ្វើរឿងដែលអ្នកចូលចិត្ត។ ធ្វើអ្វីមួយដែលធ្វើឲ្យអ្នកសប្បាយចិត្ត មិនថាដេកលើគ្រែ អានសៀវភៅ មើលកុន ឬដើរលេងទេ នឹងជួយឲ្យអ្នកកាន់តែសប្បាយចិត្ត និងអាយុវែង។

៣ ជួបមិត្តជិតស្និទ្ធជាញឹកញាប់

មានការស្រាវជ្រាវគួរឲ្យចាប់អារម្មណ៍មួយចំនួន ដែលបង្ហាញថា មនុស្សដែលមិនបានជួបអ្នកដទៃ មនុស្សដែលគ្មានទំនាក់ទំនងសង្គមគឺ ៥០ភាគរយ ងាយស្លាប់ ជាងអ្នកដែលជួបមិត្តភក្តិ។

៤ ធ្វើសមាធិ ៥ នាទីក្នុងមួយថ្ងៃ

មានការស្រាវជ្រាវជាច្រើន ដែលបង្ហាញថា ការធ្វើសមាធិ ល្អសម្រាប់សុខភាពទាំងផ្លូវកាយ និងផ្លូវចិត្ត។ កុំគិតវែងឆ្ងាយថាយើងអង្គុយរាប់ម៉ោង គ្រាន់តែ ៥ នាទីក្នុងមួយថ្ងៃ គឺគ្រប់គ្រាន់ហើយ។

៥ ផឹកស្រាក្នុងកម្រិតមធ្យម

ការផឹកស្រាក្នុងកម្រិតមធ្យម អាចមានឥទ្ធិពល និងប្រយោជន៍លើរាងកាយរបស់អ្នក ដូចជាកាត់បន្ថយហានិភ័យនៃជំងឺបេះដូង និងជំងឺដាច់សរសៃឈាមខួរក្បាល ហើយវាក៏ត្រូវបានគេរាយការណ៍ថា ជួយកាត់បន្ថយជំងឺវង្វេងផងដែរ។តែបើផឹកលើសនោះ អាចជាហានិភ័យនៃជាតិអាកុលច្រើនលើរាងកាយវិញទេ។

៦ ធ្វើលំហាត់ប្រាណ ៣០នាទីក្នុងមួយថ្ងៃ

ការធ្វើលំហាត់ប្រាណ យ៉ាងហោចណាស់ ៣០ នាទីក្នុងមួយថ្ងៃ មានអត្ថប្រយោជន៍យ៉ាងធំធេងចំពោះសុខភាព។ ជាពិសេស អាចកាត់បន្ថយហានិភ័យនៃជំងឺផ្សេងៗ ជួយឲ្យគេងលក់ស្រួល អារម្មណ៍ល្អ រាងស្អាត។

៧ ចេញទៅទទួលពន្លឺថ្ងៃ ប៉ុន្តែកុំភ្លេចឡេការពារកម្តៅថ្ងៃ

ពន្លឺព្រះអាទិត្យ ផ្តល់វីតាមីនឌី D ដល់រាងកាយ នេះជួយធ្វើមានតុល្យភាពសារធាតុរ៉ែដូចជាកាល់ស្យូម និងផូស្វ័រ រួមចំណែកដល់ការពង្រឹងប្រព័ន្ធភាពស៊ាំនៃរាងកាយ និងពង្រឹងឆ្អឹង។

ផ្អែកតាមការបញ្ចាក់ខាងលើ តាមពិតទៅរឿង ៧ យ៉ាងនេះ មិនពិបាកធ្វើទេ តែណាស់តែយើងម្នាក់ៗខ្ចិល ឬមិនបង្កើតទម្លាប់ធ្វើឲ្យលឿន។ ដូច្នេះគួរកាត់រឿងដែលបំផ្លាញសុខភាពរាងកាយចេញ ឲ្យកាន់តែលឿន ហើយដាក់តែរឿងណាធ្វើឲ្យសុខភាពរាងកាយ មានសភាពរឹងមាំ ទើបជីវិតអាចរស់នៅដោយផាសុកភាព និងអាយុវែង៕

ប្រែសម្រួល៖ សាង ស្រីល័ក្ខ

ចុចអាន៖វប្បធម៌តឹងរ៉ឹងទាំង ១០ នៅឥណ្ឌា ត្រូវដឹងមុនធ្វើដំណើរទៅ ប្រយ័ត្នមានបញ្ហាពិបាកនៅស្រុកគេ