KPT+
ពេលមេរោគបង្ខំាងយើងនៅផ្ទះ ស្ត្រេស? មានរឿងខ្លះយើងអាចធ្វើបាន!
នៅផ្ទះយូរពេកក៏កើតមានអារម្មណ៍ឆាប់ខឹង អផ្សុក ឬបាក់ទឹកចិត្ត ខ្សោយគំនិតច្នៃប្រតិដ្ឋ សកម្មភាពក៏យឺតយ៉ាវមិនស្វាហាប់។
ក្នុងពេលនេះ អ្នកខ្លះចាប់ផ្ដើមធុញទ្រាន់មិនដឹងថាធ្វើអ្វី ហើយក៏ដេកក្រោក អង្គុយអូសទូរសព្ទចុះឡើងអស់ថ្មក៏សម្រាកទៅ។ ផ្លូវចិត្តនៅតែមានបញ្ហា។
នេះជាវិធី ៩ យ៉ាងដែលអាចប្រើបានខណៈពេលជាប់នៅផ្ទះឱ្យទៅជាប្រយោជន៍៖
១. ស្វែងរកទម្លាប់ថ្មី
![](https://kampucheathmey.com/wp-content/uploads/2020/12/Family-at-Table-1024x709.jpg)
ពីមុនមកអ្នកអាចជាមនុស្សដែលក្រោកយូរៗ រួចក៏ប្រញាប់ប្រញាល់ទៅធ្វើការ មិនបានហាត់ប្រាណ ហើយជួនកាលមិនទាំងបានញ៉ាំអាហាពេលព្រឹកផង។ ប៉ុន្តែពេលនេះអ្នកមិនអាចចេញក្រៅដូចពីមុនទេ ដូច្នេះវាជាពេលផ្លាស់ប្ដូរទម្លាប់មិនល្អខ្លះចេញ និងជំនួសដោយទម្លាប់ថ្មី។ កែទម្លាប់ថ្មីដោយព្យាយាមក្រោកពីដំណេកឲ្យទៀងទាត់ ចំណាយពេលទទួលអាហារពេលព្រឹកឲ្យបានស្រួលបួល និងចាប់ផ្ដើមធ្វើអ្វីដែលខ្លួនចូលចិត្តពេលព្រហាមឡើង។
២. រៀនជំនាញថ្មី
ភ្លាមៗនេះអ្នកកំពុងមានមានពេលទំនេរច្រើន តើអ្នកនឹងធ្វើអ្វី? ទាន់ឱកាសល្អមានពេលទំនេរ អ្នកអាចចុះឈ្មោះចូលរៀនវគ្គសិក្សាថ្មីតាមអ៊ិនធរណេតដូចជា រៀនយូហ្គា ឬរៀនភាសាថ្មីជាដើម។ បើមានសមាជិកក្នុងផ្ទះនៅជាប់ក្នុងផ្ទះជាមួយគ្នា អ្នកអាចអនុវត្តវគ្គថ្មីជាមួយគេបាន។
៣ មើលភាពយន្តឬកម្មវិធីទូរទស្សន៍ជាភាសាថ្មី
![](https://kampucheathmey.com/wp-content/uploads/2020/12/asian-family-watching-tv-and-sit-on-sofa-in-leving-room-anek-suwannaphoom.jpg)
វាមានប្រយោជន៍សម្រាប់អ្នកដែលមើលភាពយន្តឬកម្មវិធីទូរទស្សន៍ជាភាសាថ្មី ជាពិសេសអ្នកដែលកំពុងរៀនភាសាបរទេសហើយចង់បង្កើនវាក្យសព្ទរបស់ខ្លួន។ មានខ្សែភាពយន្តភាសាបរទេសជាច្រើនដែលអាចរកបាននៅលើបណ្តាញស្ទ្រីម ឬគេហទំព័រ ហើយរឿងទាំងនោះភាគច្រើនថតបានល្អៗទៀតផង។
៤. ភ្ជាប់ទំនាក់ទំនងសង្គម
ទោះបីជាលើពិភពលោកកំពុងជឿនលឿនដោយបច្ចេកវិទ្យារួមមាន WhatsApp Skype Facebook Instagram និងបណ្ដាញជាច្រើនទៀតក្ដី ប៉ុន្តែការរក្សាទំនាក់ទំនងបច្ចុប្បន្នហាក់មិនសូវជិតស្និទ្ធប៉ុន្មានឡើយ។ ក្នុងពេលនេះជាវេលាល្អដែលអាចឲ្យអ្នកភ្ជាប់ទំនាក់ទំនងជាមួយក្រុមគ្រួសារ និងមិត្តភក្ដិបានយូរជាងមុន និងល្អជាងមុនក៏ថាបាន ព្រោះអ្នកមានពេលនៅផ្ទះច្រើន។ មិនថាការហៅតាមទូរសព្ទឬវិធីណាក៏ដោយ អ្នកគួរភ្ជាប់បណ្តាញជាមួយមិត្តភក្តិសាលា ឬមិត្តរួមការងារចាស់ និងពិភពលោកជានិច្ច។
៥. ស្វែងរករសជាតិថ្មីនៃពិភពលោក
ការសរសេរ ការអានសៀវភៅធ្វើដំណើរឬប្រលោមលោក សុទ្ធតែអាចនាំអ្នកទៅកាន់ពេលវេលានិងទីកន្លែងមួយផ្សេងទៀតដែលអ្នកចង់បាន។ ជ្រើសរើសសៀវភៅធ្វើដំណើរឬប្រលោមលោកដែលបំផុសគំនិតនៅក្នុងប្រទេសមួយដែលអ្នកមិនធ្លាប់ទៅ នោះអ្នកនឹងរកឃើញអ្វីថ្មីៗ ហើយប្លែកអារម្មណ៍មិនខាន។
៦. ចម្អិនអាហារ
![](https://kampucheathmey.com/wp-content/uploads/2020/12/asian-cooking-and-petite-fashion-blog-ann-taylor-blouse-705x1024.jpg)
រឿងល្អបំផុតមួយពីការនៅផ្ទះ គឺចូលផ្ទះបាយដោយគ្មានកំណត់។ បើអ្នកអាចចេញទៅហាងដើម្បីទិញអាហារ ហេតុអ្វីបានជាមិនរៀនធ្វើម្ហូបដោយខ្លួនឯងដោយស្រាវជ្រាវតិចតួចតាមអ៊ិនធរណេតឬក្នុងសៀវភៅធ្វើម្ហូប ឬសម្រាប់អ្នកចេះធ្វើម្ហូបស្រាប់អាចសាកល្បងរូបមន្តថ្មីៗ។ ថាមិនត្រូវអ្នកអាចក្លាយជាអ្នកចម្អិនអាហារជំនាញផងក៏មិនដឹង!
៧. បង្កើតសួនពណ៌បៃតង
![](https://kampucheathmey.com/wp-content/uploads/2020/12/191029-better-taking-care-house-plants-se-530p_375c6d9e457e1fa8b42eef3816be60a6-1024x769.jpg)
បើមានកន្លែងទំនេរនៅខាងក្រៅ ព្យាយាមកុំទំនេរដៃដោយធ្វើការនៅសួនច្បារខ្លះ ហើយបង្វែរវាទៅជាសួនបន្លែ ឬសួនផ្កា ឬសួនអ្វីក៏បានឲ្យតែមានប្រយោជន៍។ បន្ទាប់ពីសួនចេញផ្លែផ្កានិងមានពណ៌បៃតង អ្នកនឹងទទួលអារម្មណ៍ល្អតាមរយៈវាមិនខាន។
៨. បិទអ៊ិនធើណេត
ពិភពអ៊ិនធរណេតអាចរំខានយើងវិលវល់លើសលុបនៅពេលខ្លះ។ គួរកាត់បន្ថយពេលវេលាលើអេក្រង់ឬបិទវាមួយរយៈ។ សម្រាកពីព័ត៌មានឌីជីថលនិងប្រព័ន្ធផ្សព្វផ្សាយសង្គមក៏អាចធ្វើឲ្យសុខភាពផ្លូវចិត្តរបស់យើងប្រសើរដែរ។ អ្នកអាចទុកទូរសព្ទចោលសិន ហើយចេញក្រៅផ្ទះស្រូបខ្យល់អាកាសបរិសុទ្ធ នោះអ្នកនឹងមានអារម្មណ៍ធូរស្បើយនិងស្រស់ស្រាយមុនពេលចាប់ផ្ដើមធ្វើអ្វីផ្សេងទៀត។
៩. សម្រាក
![](https://kampucheathmey.com/wp-content/uploads/2020/12/asian-woman-doing-yoga-meditation-at-home-free-photo-1024x681.jpg)
ទោះបីជាអ្នកជាប់នៅផ្ទះ ក៏វាមិនមែនជាសម្ពាធអ្វីដែរ យើងអាចនិយាយបានថាវាជាពេលល្អសម្រាប់សម្រាកលំហែរពីភាពអ៊ូអរនៃសង្គម។ ជាពិសេសអ្នកអាចមានពេលស្ងាត់ពីការរំខានដើម្បីសមាធិឲ្យអារម្មណ៍ស្ងប់បានទៀតផង៕
ប្រែសម្រួល៖ សន្យា
ប្រភព៖ ef.com
ចុចអាន៖ វិធី ៥ យ៉ាងដើម្បីបង្កើតផលិតភាពការងានៅផ្ទះឲ្យល្អដូចធ្វើការនៅការិយាល័យ
ចុចអាន៖ ទិញអីវ៉ាន់ ទិញដោយវិធីឆ្លាតវៃទំាងនេះក្នុងរដូវកាលកូវីដ-១៩
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានអន្ដរជាតិ២ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ៦ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត
-
សន្តិសុខសង្គម២ ថ្ងៃ ago
របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍
-
ជីវិតកម្សាន្ដ៥ ថ្ងៃ ago
មិនដឹងមានវិបត្តិអ្វី! Justin Bieber ប្រែស្គមស្គាំង ដើរម្នាក់ឯង ដូចមនុស្សមានបញ្ហាផ្លូវចិត្ត