KPT+

បកស្រាយ! អាល់កុលឬជែល ទុកក្នុងឡាន ចតក្រោមពន្លឺថ្ងៃ អាចឆាបឆេះបានទេ?

បានផុស

៣ years មុន

នៅ

ថ្ងៃពុធ ២ មីនា ២០២២

ដោយ

អាល់កុលបានក្លាយជាវត្ថុចាំបាច់ ដែលមនុស្សជាច្រើនយកតាមខ្លួន ក្នុងអំឡុងពេលមានជំងឺកូវីដ ជាពិសេសអ្នកដែលបើកបរជាប្រចាំ ត្រូវតែមានដបបាញ់អាល់កុល ទុកក្នុងឡានផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងរហូតមកទល់ពេលនេះ នៅតែមានសំណួរជាច្រើនបានសួរថា តើគួរទុកអាល់កុលក្នុងឡានចោល នៅក្រោមពន្លឺថ្ងៃឬអត់? តើវានឹងបង្កគ្រោះថ្នាក់ទេ?

ទោះបីជាជែល ឬអាល់កុលក៏ដោយ វាជាសារធាតុងាយឆេះ ដែលមានហានិភ័យនៃការឆេះយ៉ាងឆាប់រហ័ស។ ប៉ុន្តែវាមិនអាចឆេះដោយខ្លួនឯងបានទេ។ លុះត្រាតែវាត្រូវភ្លើងឆេះ។ អាល់កុលត្រូវតែត្រូវបានកំដៅដល់ ៣៧០ អង្សាសេដើម្បីបញ្ឆេះ។ សីតុណ្ហភាពនៅខាងក្នុងរថយន្ត ដែលចតក្រោមពន្លឺថ្ងៃ គឺមិនខ្ពស់រហូតធ្វើឲ្យឆាបឆេះនោះទេ។

លើសពីនេះ ដបបាញ់អាល់កុលភាគច្រើន មិនត្រូវបានដាក់សម្ពាធដូចម៉ាស៊ីនបន្សុទ្ធខ្យល់ធម្មតានោះទេ។ ដូច្នេះ កម្ដៅមិនប៉ះពាល់ដល់សម្ពាធនៅក្នុងដបដែលបណ្ដាលឲ្យផ្ទុះឡើយ។ ដូច្នេះហើយ អាល់កុលអាចរក្សាទុកក្នុងរថយន្តដោយសុវត្ថិភាព។

ទោះជាយ៉ាងណាក៏ដោយ អាល់កុលដែលបានប៉ះពាល់នឹងកម្ដៅខ្ពស់ ក្នុងរយៈពេលយូរ អាចធ្វើឲ្យប្រសិទ្ធភាពនៃការសម្លាប់មេរោគថយចុះ។ ដូច្នេះគួរទុកនៅកន្លែងដែលមានសីតុណ្ហភាពថេរ។ ចៀសវាងការប៉ះពន្លឺព្រះអាទិត្យដោយផ្ទាល់ ឬកម្ដៅខ្លាំង រួមទាំងគម្របត្រូវតែបិទជិត ដើម្បីការពារការលេចធ្លាយ នឹងមិនធ្វើឲ្យខូចផ្នែកខាងក្នុងឡើយ។

ម៉្យាងទៀត ជាតិអាល់កុលដែលមិនត្រូវបានធ្វើឲ្យសកម្ម នឹងមានអាយុកាលជាមធ្យម ២-៣ ឆ្នាំ ប៉ុន្តែប្រសិនបើបានធ្វើឲ្យសកម្ម វាគួរតែត្រូវបានប្រើក្នុងរយៈពេល ៣០ថ្ងៃ ដើម្បីទទួលបានប្រសិទ្ធភាពសម្លាប់មេរោគអតិបរមា៕

ប្រែសម្រួល៖ សាង ស្រីល័ក្ខ

ចុចអាន៖កំហុសឆ្គងមួយចំនួននៃការប្រើជែលលាងសំអាតដៃខុស ជាពិសេសក្នុងអំឡុងកូវីដ

ចុចអាន៖ប្រុងប្រយ័ត្ន ជែលឬអាល់កុលអាចគ្មានប្រសិទ្ធភាពឬហួត ខណៈប្រើក្នុងរយៈពេល ២៨ ថ្ងៃ ក្រោយបើករួច