KPT+

ចំណុចសំខាន់ ៥ ត្រូវការពារខ្លួន ប្រសិនបើមានសង្គ្រាមនុយក្លេអ៊ែរ កើតឡើងពិតមែន

បានផុស

៣ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

សាស្ត្រាចារ្យបណ្ឌិត Jesada Denduangboriban នៅនាយកដ្ឋានជីវវិទ្យាមហាវិទ្យាល័យ វិទ្យាសាស្ត្រ Chulalongkorn បានណែនាំឲ្យប្រជាជនទាំងអស់ គួរមានលេណដ្ឋានក្រោមដី ដើម្បីការពារ ប្រឆាំងនឹងគ្រោះថ្នាក់នៃគ្រាប់បែកនុយក្លេអ៊ែរ ប្រសិនបើវាពិតជាមានមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ឱកាសតែមួយគត់នៃការរស់រានមានជីវិត នៅពេលដែលសង្គ្រាមនុយក្លេអ៊ែរផ្ទុះឡើង គឺត្រូវលាក់ខ្លួននៅក្នុងលេណដ្ឋានក្រោមដី។ ជាពិសេសគួរតែរៀបចំឲ្យងាយស្រួល ដោយប្រមូលអាហារ ថ្នាំសង្កូវ និងវត្ថុចាំបាច់ដែលយើងគិតថា វាសំខាន់ខ្លាំងក្នុងគ្រាអាសន្ននេះ។

២ រៀបចំគ្រឿងឧបភោគបរិភោគ មានដូចជាអាហារស្ងួត ដែលមានកាបូអ៊ីដ្រាតខ្ពស់ដូចជាអង្ករ គ្រាប់ ម្សៅទឹកដោះគោ ទឹកឃ្មុំ ផ្លែឈើស្ងួត និងបន្លែ។

៣ ការផឹកទឹក ទឹកសាបនៅលើផែនដី ត្រូវបានបំពុលដោយវិទ្យុសកម្ម។ ដូច្នេះ គួររក្សាទឹកសាបឲ្យបានច្រើនតាមដែលអាចធ្វើបាន គួរតែស្តុកទុកក្នុងលេណដ្ឋាន និងបិទឲ្យជិតដើម្បីការពារការបំពុល ដោយវិទ្យុសកម្មណាមួយ។

៤ ត្រូវមានឧបករណ៍សង្គ្រោះជីវិតដូចជា ឱសថ ពិល ស្គុត ថង់ខ្មៅ កាំបិត ដែកកេះទុកបំភ្លឺទៀន និងរបាំងឧស្ម័ន មិនគួរបំភ្លេចចោលឬមិនយកតាមខ្លួនឡើយ។

៥ តាមដានរាល់ព័ត៌មាន ត្រូវមានឧបករណ៍ទំនាក់ទំនងសាមញ្ញ ឧទាហរណ៍ វិទ្យុ អាគុយ ទូរស័ព្ទ គ្រឿងបន្លាស់អាចដោះដូរបាន និង power bank ដែលអាចឲ្យអ្នកទទួលបានព័ត៌មានផ្លូវការណាមួយ នៅពិភពខាងក្រៅ៕

ប្រែសម្រួល៖ សាង ស្រីល័ក្ខ

ចុចអាន៖ថាមពលនុយក្លេអ៊ែរខ្លាំងកម្រិតណា ហើយប៉ះពាល់អាយុជីវិតមនុស្សទូទាំងពិភពលោកដែរទេ?

ចុចអាន៖ក្រោយកិច្ចចរចា រុស្ស៊ី-អ៊ុយក្រែន ម្សិលមិញ តើ ពូទីន អាចចុចប៊ូតុងនុយក្លេអ៊ែរ ទេ?