KPT+

ទំហំប្រាក់មហាសេដ្ឋីអចលនទ្រព្យមានបំផុតរបស់ហ្វីលីពីន MANNY VILLAR នៅតែហក់ឡើង

បានផុស

៥ years មុន

នៅ

ថ្ងៃអង្គារ ១ កញ្ញា ២០២០

ដោយ

មហាសេដ្ឋីអចលនទ្រព្យគឺលោក Manny Villar នៅតែជាអ្នកមានបំផុតរបស់ហ្វីលីពីន។ នេះបើយោងតាមបញ្ជីឈ្មោះមហាសេដ្ឋីឆ្នាំ ២០២០ ដែលចេញផ្សាយដោយ Forbes នៅថ្ងៃអង្គារទី ៧ ខែមេសា។

Forbes ក៏បានប៉ាន់ប្រមាណថា ទ្រព្យសម្បត្តិសុទ្ធរបស់ Villar មានចំនួន ៥,៦ ពាន់លានដុល្លារ ខ្ពស់ជាងកាលពីឆ្នាំមុន ៥,៥ ពាន់លានដុល្លារ។ លោកគឺជាមហាសេដ្ឋីជាប់ចំណាត់ថ្នាក់ទី ២៨៦ នៅលើពិភពលោក។ លោក Villar អាយុ ៧០ ឆ្នាំ ធ្លាប់មានបំណងប្រាថ្នាចង់ធ្វើជាប្រធានាធិបតីរបស់ប្រទេសនេះ។

បច្ចុប្បន្នជាប្រធានក្រុមហ៊ុន Starmalls និង Vista Land & Lifescapes ។ លោកក៏ជាម្ចាស់ក្រុមហ៊ុន Golden Bria ដែលជាក្រុមហ៊ុនអភិវឌ្ឍន៍លំនៅឋាននិងខុនដូផងដែរ។

នេះជាជនជាតិហ្វីលីពីនដែលមានទ្រព្យសម្បត្តិសុទ្ធយ៉ាងហោចណាស់ ១ ពាន់លានដុល្លារ យោងតាមទស្សនាវដ្ដី Forbes ៖

Manny Villar៥,៦ ពាន់លានដុល្លារ

Enrique Razon Jr ៣,៤ ពាន់លានដុល្លារ

Hans Sy ២ ពាន់លានដុល្លារ

Herbert Sy ២ ពាន់លានដុល្លារ

Harley Sy ១,៩ ពាន់លានដុល្លារ

Henry Sy Jr ១,៩ ពាន់លានដុល្លារ

Andrew Tan ១,៩ ពាន់លានដុល្លារ

Teresita Sy Coson ១,៨ ពាន់លានដុល្លារ

Roberto Ongpin ១,៧ ពាន់លានដុល្លារ

Lucio Tan ១,៧ ពាន់លានដុល្លារ

Tony Tan Caktiong ១,៧ ពាន់លានដុល្លារ

Elizabeth Sy ១,៦ ពាន់លានដុល្លារ

Ramon Ang ១,៤ ពាន់លានដុល្លារ

Robert Coyiuto Jr ១,៤ ពាន់លានដុល្លារ

Eduardo Cojuangco ១ ពាន់លានដុល្លារ

មានតែ Villar និង Roberto Ongpin ប៉ុណ្ណោះ ដែលបានឃើញការកើនឡើងនៃទ្រព្យសម្បត្តិ ខណៈពេលដែលនៅសល់មានការថយចុះ។ ចំណែកទ្រព្យសម្បត្តិសុទ្ធរបស់ Ongpin បានកើនឡើងបន្តិច បើធៀប ១,១ ពាន់លានដុល្លារកាលពីឆ្នាំមុនដល់ ១,៧ ពាន់លានដុល្លារ។

ទ្រព្យសម្បត្តិសុទ្ធរបស់ក្រុមហ៊ុន Lucio Tan បានថយចុះ ៦១% ស្មើនឹង ១,៤ ពាន់លានដុល្លារ បើប្រៀបធៀប ៤,៤ ពាន់លានដុល្លារក្នុងឆ្នាំ ២០១៩ ។ Jollibee Tony Tan Caktiong និងក្រុមគ្រួសាររបស់លោក សុទ្ធតែបានថយចុះទ្រព្យសម្បត្តិជាង ៥៦% ពី ៣,៩ ពាន់លានដុល្លារទៅ ១,៧ ពាន់លានដុល្លារ។

ដោយឡែក នាយកប្រតិបត្តិក្រុមហ៊ុន Amazon លោក Jeff Bezos គឺជាអ្នកមានបំផុតនៅលើពិភពលោកសម្រាប់ឆ្នាំទី ៣ ជាប់ៗគ្នាជាមួយនឹងទឹកប្រាក់សុទ្ធប្រមាណ ១១៣ ពាន់លានដុល្លារ។ លោក Bill Gates (៩៨ ពាន់លានដុល្លារ) របស់ក្រុមហ៊ុន Microsoft លោក Bernard Arnault (៧៦ ពាន់លានដុល្លារ) របស់ក្រុមហ៊ុន Louis Vuitton មហាសេដ្ឋីជំនួញលោក Warren Buffett (៦៧.៥ ពាន់លានដុល្លារ) និងលោក Larry Ellison (៥៩ ពាន់លានដុល្លារ) បានប្រមូលផ្តុំមហាសេដ្ឋីកំពូលទាំង ៥ ។

Forbes បាននិយាយថា មានមហាសេដ្ឋីចំនួន ២,០៩៥ នាក់នៅក្នុងបញ្ជីឆ្នាំ ២០២០ ដែលធ្លាក់ចុះពីចំនួន ២,១៥៣ នាក់នៅក្នុងឆ្នាំ ២០១៩ ។ ទ្រព្យសម្បត្តិសុទ្ធសរុបរបស់មហាសេដ្ឋីនានានៅឆ្នាំនេះគឺ ៨ ទ្រីលានដុល្លារ ធ្លាក់ចុះពី ៨,៧ ទ្រីលានដុល្លារក្នុងឆ្នាំ ២០១៩ ដែលជាការឆ្លុះបញ្ចាំងពីទីផ្សារដែលមានភាពច្របូកច្របល់ និងការរីករាលដាលនៃជំងឺឆ្លង៕

ប្រែសម្រួល៖ សាង ស្រីល័ក្ខ

ចុចអាន៖អ្នកមានធំៗ តែងតែមានអាថ៌កំបាំងម្យ៉ាងនេះ ជុំវិញទម្លាប់រស់នៅរបស់ពួកគេ

ចុចអាន៖សិល្បៈគំនូរនិងការថតរូបដែលបង្ហាញពីអត្ថន័យនៃជនជាតិស្បែកខ្មៅ ដែលគួរតែដឹង

Related Topics:មហាសេដ្ឋី