KPT+

មកស្គាល់ប្រវត្តិបិតានុយក្លេអ៊ែរ និងរូបមន្តផលិតអាវុធប្រល័យលោក J. Robert Oppenheimer

បានផុស

៣ years មុន

នៅ

ថ្ងៃព្រហស្បតិ៍ ១០ មីនា ២០២២

ដោយ

J. Robert Oppenheimer ត្រូវបានគេហៅថា “បិតានៃគ្រាប់បែកបរមាណូ” ដោយដឹកនាំគម្រោង Manhattan ដែលជាកម្មវិធីដែលបង្កើតអាវុធនុយក្លេអ៊ែរដំបូងគេ ក្នុងអំឡុងសង្គ្រាមលោកលើកទីពីរ។

តើ J. Robert Oppenheimer ជានរណា? រូបវិទូនេះ បានបម្រើការជានាយកមន្ទីរពិសោធន៍ Los Alamos កំឡុងពេលបង្កើតគ្រាប់បែកបរមាណូ។ បន្ទាប់ពីការលុកលុយប្រទេសប៉ូឡូញឆ្នាំ ១៩៣៩ ដោយពួកណាស៊ីអាល្លឺម៉ង់ លោកត្រូវបានជ្រើសរើសឲ្យគ្រប់គ្រងមន្ទីរពិសោធន៍ដើម្បីអនុវត្តគម្រោង Manhattan ដែលជាកម្មវិធីដែលបង្កើតអាវុធនុយក្លេអ៊ែរដំបូងគេ ក្នុងកំឡុងសង្គ្រាមលោកលើកទីពីរ។ បន្ទាប់ពីលាលែងពីមុខតំណែងនៅឆ្នាំ ១៩៤៥ លោកបានក្លាយជាប្រធានគណៈកម្មាធិការប្រឹក្សាទូទៅនៃគណៈកម្មការថាមពលអាតូមិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជីវិតដំបូង និងការអប់រំ កើតនៅថ្ងៃទី ២២ ខែមេសា ឆ្នាំ ១៩០៤ នៅទីក្រុងញូវយ៉ក និងជាជនអន្តោប្រវេសន៍ជ្វីហ្វអាល្លឺម៉ង់។ បន្ទាប់ពីបញ្ចប់ការសិក្សានៅសកលវិទ្យាល័យ Harvard លោកបានជិះទូកទៅអង់គ្លេស ហើយបានចុះឈ្មោះចូលរៀននៅសាកលវិទ្យាល័យ Cambridge ជាកន្លែងដែលលោកបានចាប់ផ្តើមការស្រាវជ្រាវអាតូមិចនៅមន្ទីរពិសោធន៍ Cavendish ក្នុងឆ្នាំ១៩២៥។ មួយឆ្នាំក្រោយមក គាត់បានសហការជាមួយ Max Born នៅសាកលវិទ្យាល័យ Göttingen ជាកន្លែងដែលគាត់បានជួបអ្នករូបវិទ្យាលេចធ្លោ រួមទាំង Niels Bohr ។

គម្រោង Manhattan លោកបានក្លាយជាសកម្មនយោបាយក្នុងទសវត្សរ៍ឆ្នាំ ១៩៣០ ហើយបានយល់ព្រមជាមួយ Albert Einstein និង Leo Szilard ថាពួកណាស៊ីអាចបង្កើតអាវុធនុយក្លេអ៊ែរបាន។ បន្ទាប់ពីការលុកលុយប្រទេសប៉ូឡូញឆ្នាំ ៩៣៩ ដោយពួកណាស៊ីអាល្លឺម៉ង់ លោកត្រូវបានជ្រើសរើសឲ្យគ្រប់គ្រងមន្ទីរពិសោធន៍ដើម្បីអនុវត្តគម្រោង Manhattan ដែលជាការពិសោធន៍របស់កងទ័ពសហរដ្ឋអាមេរិក ដែលមានគោលបំណងប្រើប្រាស់ថាមពលអាតូមិចសម្រាប់គោលបំណងយោធា។ គាត់បានដឹកនាំការបញ្ចប់ផ្នែកវិទ្យាសាស្ត្រនៃគម្រោង Manhattan នៅ Los Alamos រដ្ឋ New Mexico ដែលចាប់ផ្តើមនៅឆ្នាំ ១៩៤២។ គម្រោងនេះត្រូវបានប្រមូលផ្ដុំដោយអ្នកវិទ្យាសាស្ត្រជាច្រើន ដែលបានរួចផុតពីរបបហ្វាស៊ីសនៅអឺរ៉ុប ហើយបេសកកម្មរបស់ពួកគេ គឺស្វែងរកដំណើរការបំបែកឯកសារថ្មីដែលពាក់ព័ន្ធនឹងសារធាតុ uranium-២៣៥ ដែលពួកគេសង្ឃឹមថា នឹងបង្កើតគ្រាប់បែកនុយក្លេអ៊ែរ មុនពេល Adolf Hitler អាចបង្កើតវាបាន។

គម្រោងនេះត្រូវបានរដ្ឋាភិបាលសហរដ្ឋអាមេរិក ផ្ដល់ឲ្យដំបូងចំនួន ៦,០០០ ដុល្លារ ប៉ុន្តែដល់ពេលដែលការងារបានបញ្ចប់ក្នុងឆ្នាំ ១៩៤៥ ថវិកាបានកើនឡើងដល់ ២ ពាន់លានដុល្លារ។ នៅឆ្នាំនោះ គឺជាការសាកល្បងគ្រាប់បែកលើកដំបូង ហើយជាមួយនឹងភាពជោគជ័យរបស់វា គ្រាប់បែកពីរគ្រាប់ទៀត ត្រូវបានដាក់ពង្រាយក្នុងខែបន្ទាប់ មួយនៅណាហ្គាសាគី ប្រទេសជប៉ុន និងមួយទៀតនៅហ៊ីរ៉ូស៊ីម៉ា។ សកម្មភាពទាំងនេះ បានបិទបញ្ចប់សង្គ្រាមលោកលើកទី២។ ទោះជាយ៉ាងណាក៏ដោយ បន្ទាប់ពីបានឃើញការបំផ្លិចបំផ្លាញរបស់គ្រាប់បែកនោះ Oppenheimer បានប្រកែកប្រឆាំងនឹងការអភិវឌ្ឍន៍បន្ថែមទៀតរបស់វា ហើយគាត់បានលាលែងពីមុខតំណែងរបស់គាត់នៅឆ្នាំដដែលនោះ។

ជីវិតក្រោយសង្គ្រាមលោកលើកទី២ លោកបានបន្តធ្វើជាប្រធានគណៈកម្មាធិការប្រឹក្សាទូទៅនៃគណៈកម្មការថាមពលអាតូមិច ដែលនៅខែតុលា ឆ្នាំ ១៩៤៩ បានប្រឆាំងនឹងការអភិវឌ្ឍន៍គ្រាប់បែកអ៊ីដ្រូសែន។ ការប្រឆាំងដ៏គួរឲ្យភ្ញាក់ផ្អើលនេះ បាននាំឲ្យមានការចោទប្រកាន់ថា លោកគឺជាអ្នកគាំទ្រកុម្មុយនិស្ត។ ដូច្នេះហើយ នៅឆ្នាំ ១៩៥៣ គាត់ត្រូវបានព្យួរពីការស្រាវជ្រាវនុយក្លេអ៊ែរសម្ងាត់ ដោយបានដកហូតការបោសសំអាតសន្តិសុខរបស់គាត់ ដោយគណៈកម្មការថាមពលអាតូមិក។ នៅឆ្នាំ ១៩៦៣ ប្រធាន John F. Kennedy បានប្រកាសថា Oppenheimer នឹងទទួលបានពានរង្វាន់ Enrico Fermi ។

ការទទួលមរណភាព គាត់បានស្លាប់ដោយសារជំងឺមហារីកបំពង់ក នៅថ្ងៃទី ១៨ ខែកុម្ភៈឆ្នាំ ១៩៦៧ នៅ Princeton រដ្ឋ New Jersey ។ សព្វថ្ងៃនេះ គាត់ត្រូវបានគេស្គាល់ច្បាស់ថាជា “បិតានៃគ្រាប់បែកបរមាណូ”៕

ប្រែសម្រួល៖ សាង ស្រីល័ក្ខ

ចុចអាន៖ថាមពលនុយក្លេអ៊ែរខ្លាំងកម្រិតណា ហើយប៉ះពាល់អាយុជីវិតមនុស្សទូទាំងពិភពលោកដែរទេ?

ចុចអាន៖ចំណុចសំខាន់ ៥ ត្រូវការពារខ្លួន ប្រសិនបើមានសង្គ្រាមនុយក្លេអ៊ែរ កើតឡើងពិតមែន