KPT+

ល្បិចទាំង ៥ ជួយឲ្យការគេងមានគុណភាពមិនអស់កម្លាំង ទោះបានតិចម៉ោងក្ដី

បានផុស

៣ years មុន

នៅ

ថ្ងៃចន្ទ ១៤ មីនា ២០២២

ដោយ

គេងលក់ស្រួល នឹងនាំឲ្យរាងកាយមានកម្លាំងពេញលេញ ដើម្បីចាប់ផ្តើមថ្ងៃថ្មី។ ទោះបីជាមនុស្សជាច្រើនមិនមានពេលគេងច្រើនដល់ទៅ ៨ ម៉ោង ដូចដែលវេជ្ជបណ្ឌិតណែនាំក៏ដោយ។ តែអ្នកអាចភ្ញាក់ពីដំណេកស្រស់ស្រាយបាន ប្រសិនបើសាកល្បងវិធីទាំង ៥ នេះ ដូចដែលបានរៀបរាប់។

១ ប្តេជ្ញាចិត្តខ្លួនឯងមុនពេលអ្នកចូលគេង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការតាំងចិត្ត ឬប្ដេជ្ញាធ្វើអ្វីមួយនៅថ្ងៃស្អែក ទន្ទឹមនឹងការប្រាប់ខ្លួនឯងថា ការគេងឲ្យបានច្រើន គឺគ្រប់គ្រាន់សម្រាប់សកម្មភាពនោះ វានឹងកំណត់ចិត្តគំនិតរបស់អ្នក ឲ្យគិតតាមរបៀបដែលអ្នកចង់បាន។ នេះនឹងជួយឲ្យការគេងកាន់តែមានប្រសិទ្ធភាពទ្វេដង។

២ រកពេលគេង ប៉ុន្តែត្រូវឲ្យបានត្រឹមត្រូវ

ការគេងពេលរសៀល នឹងជួយឲ្យរាងកាយស្រស់ស្រាយ។ ប៉ុន្តែត្រូវធ្វើតាមរបៀបត្រឹមត្រូវ ពោលគឺគេងមិនលើសពីកន្លះម៉ោង។ ប៉ុន្តែប្រសិនបើអ្នកត្រូវការពេលវេលាបន្ថែមទៀត សូមគេងមួយម៉ោងកន្លះ ហើយរកពេលគេងនៅចន្លោះម៉ោង ១:០០ ដល់ ៣:០០ រសៀល។

៣ លំហាត់ប្រាណគឺជាមិត្តល្អបំផុត

វិធីគេងឲ្យមានប្រសិទ្ធភាពជាង គឺជាការហាត់ប្រាណ (ពេលវេលាត្រឹមត្រូវគឺ ១៨:០០) ព្រោះនៅពេលដែលរាងកាយមានអារម្មណ៍អស់កម្លាំង នឹងធ្វើឲ្យកាគេងកាន់តែងាយស្រួល ចូលទៅក្នុងអន្លង់នៃដំណេក ហើយក៏មានវដ្ដនៃការគេងកាន់តែវែងផងដែរ។

៤ ប្រសិនបើអាច ចូរគេងតែម្នាក់ឯង

គ្មានអ្វីអាក្រក់ជាងការរំខានពេលកំពុងដេក នៅពាក់កណ្ដាលយប់ជ្រៅនោះទេ។ ការសិក្សាបានរកឃើញ រហូតដល់ ៥០ ភាគរយនៃអ្នកដែលគេងលើគ្រែតែមួយ គឺមិនបានគេងលក់ស្រួលដោយសារតែអ្នកដែលបានចែករំលែកគ្រែជាមូលហេតុនៃការរំខានដំណេក។

៥ ងូតទឹកក្តៅមុនពេលចូលគេង

ការងូតទឹកក្តៅឧណ្ហៗមុនពេលចូលគេង ត្រូវបានបង្ហាញឲ្យឃើញតាមបែបវិទ្យាសាស្ត្រថា ជួយឲ្យការគេងលក់ស្រួលកាត់តែលឿន។ ពេលកំពុងងូតទឹកក្ដៅឧណ្ហៗ បន្ទាប់ពីបញ្ចប់ការហាត់ប្រាណ វាក៏ជាគន្លឹះនៃការគេងឲ្យកាន់តែប្រសើរឡើងផងដែរ ៕

ប្រែសម្រួល៖ សាង ស្រីល័ក្ខ

ចុចអាន៖គិតច្រើនពិបាកគេង សាកល្បងសម្រួលខួរក្បាល តាមវិធីងាយៗប៉ុន្មាននេះ