KPT+

ឈប់ច្រឡំ ៣ វិធីនេះ មិនបានជួយសន្សំសាំង ក្នុងឡាន-ម៉ូតូ សូម្បីតែបន្តិចណាសោះ

បានផុស

៣ years មុន

នៅ

ថ្ងៃព្រហស្បតិ៍ ១៧ មីនា ២០២២

ដោយ

ក្នុងអំឡុងនៃតម្លៃសាំងកាន់តែឡើងខ្ពស់ ពីមួយថ្ងៃទៅមួយថ្ងៃ មនុស្សជាច្រើនកំពុងប្រើបច្ចេកទេសបើកបរ ដែលអាចជួយសន្សំសំចៃ និងជាពិសេស គឺដើម្បីសន្សំប្រាក់ក្នុងហោប៉ៅរបស់ពួកគេ។ ប៉ុន្តែសព្វថ្ងៃនេះ នៅតែមានជំនឿមិនពិត បន្ថែមទៀតអំពីការសន្សំសំចៃប្រេង តោះទៅមើលថាជាអ្វី។

១ ចាក់ប្រេងសាំងនៅពេលព្រឹកនិងពេលយប់ នឹងទទួលបានប្រេងបន្ថែមទៀត?

ដោយសារតែច្បាប់តម្រូវឲ្យស្ថានីយ៍ប្រេងឥន្ធនៈទាំងអស់ ត្រូវរក្សាទុកប្រេងនៅក្នុងធុងក្រោមដី។ ហើយសីតុណ្ហភាពត្រូវបានគ្រប់គ្រងគ្រប់តាមពេលវេលា ដូច្នេះលក្ខខណ្ឌអាកាសធាតុ មិនបានប៉ះពាល់ដល់ការពង្រីកប្រេងទេ។ ការចាក់ប្រេងនៅពេលព្រឹក ឬពេលរសៀល គឺទទួលបាននៅបរិមាណប្រេងដូចតែគ្នានោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ការបំពេញធុងពាក់កណ្តាលជាមួយឧស្ម័ន កាត់បន្ថយការហួត ធ្វើឲ្យរថយន្តមិនធ្ងន់ ?

ការបំពេញធុងពាក់កណ្តាល ឬពេញធុង មានភាពខុសគ្នានៃទម្ងន់ត្រឹមតែ ១០-២០ គីឡូក្រាមប៉ុណ្ណោះ។ នេះធ្វើឲ្យមានភាពខុសប្លែកគ្នាបន្តិចបន្តួច ទាក់ទងនឹងការកាត់បន្ថយការប្រើប្រាស់ប្រេងឥន្ធនៈ ប៉ុន្តែវាប្រាកដណាស់ថា ប្រេងឥន្ធនៈកន្លះធុង នឹងត្រូវការការបញ្ចូលប្រេងញឹកញាប់ជាង បើប្រៀបធៀបទៅនឹងធុងពេញ។ វាជាការល្អបំផុត ក្នុងការបំពេញធុងលើសពី ៣/៤ នៃធុង ហើយត្រលប់វាវិញ នៅពេលដែលបរិមាណប្រេងត្រូវបានកាត់បន្ថយមកត្រឹម ១/៤ នៃធុង ដើម្បីការពារការខូចខាតដល់ស្នប់ធីក និងរក្សាសម្ពាធឲ្យបានត្រឹមត្រូវនៅក្នុងធុង។

៣ កំដៅម៉ាស៊ីនយាន្តជំនិះ មុនពេលបើកបរ ជួយសន្សំសំចៃប្រេង ?

ដោយសារប្រទេសយើង មានអាកាសធាតុក្ដៅ ការកំដៅម៉ាស៊ីន គឺមិនចាំបាច់ទាល់តែសោះ។ ហើយម៉ាស៊ីនកាលបើវាដំណើរការកាន់តែយូរ អាចនឹងឆេះ។ ជាការល្អបំផុត ក្នុងការប្រើល្បឿនទាប ខណៈពេលដែលម៉ាស៊ីនត្រជាក់ រហូតទាល់តែប្រេងម៉ាស៊ីនត្រូវបានបញ្ជូន ដើម្បីរំអិលផ្នែកទាំងនោះយ៉ាងពេញលេញ។ វានឹងរក្សាម៉ាស៊ីន ក្នុងរយៈពេលយូរ។

ទោះយ៉ាងណាក៏ដោយ មានមធ្យោបាយជាច្រើន ក្នុងការបើកបររថយន្តឬម៉ូតូ ដែលអាចជួយសន្សំសំចៃប្រេងសាំង ដូចជាការប្រើប្រាស់ល្បឿនថេរ។ ចៀសវាងការកើនឡើង ដើម្បីបំប៉ោងសំបកកង់ សមស្របតាមការណែនាំរបស់អ្នកផលិត។ កុំឲ្យសម្ពាធកង់រថយន្តខ្សោយពេក រួមទាំងផែនការធ្វើដំណើរត្រឹមត្រូវ។ ចៀសវាងការកកស្ទះចរាចរណ៍ ទាំងនេះអាចជួយសន្សំប្រាក់យ៉ាងច្រើន នៅក្នុងកាបូបរបស់អ្នកផងដែរ៕

ប្រែសម្រួល ៖ សាង ស្រីល័ក្ខ

ចុចអាន៖សាំងកំពុងឡើងតម្លៃស្រឺតៗ ប្រើគន្លឹះ ៦ នេះ ធានាជួយសន្សំសំចៃបានច្រើន

Related Topics:ចំណេះដឹង