KPT+

នៅពីក្រោយជីវិតពិតមហាសេដ្ឋី ថៃ Nualphan Lamsam តែងចាយវាយលើរបស់ទាំងនោះ មិនសំចៃ

បានផុស

៣ years មុន

នៅ

ថ្ងៃព្រហស្បតិ៍ ៣១ មីនា ២០២២

ដោយ

នៅប្រទេសថៃ គ្មានអ្នកណាម្នាក់ដែលមិនស្គាល់កំពូលមហាសេដ្ឋី Nualphan Lamsam ខណៈនាងជាជំនាន់ទី៥ នៃគ្រួសារ Lamsam ដែលមានឈាមជ័រជនជាតិថៃកាត់ចិន និងបានបង្កើតធនាគារ Kasikorn រហូតមានទ្រព្យសម្បត្តិជិត ១០០ ពាន់លានដុល្លារអាមេរិក។

នាងក៏ត្រូវបានគេស្គាល់ថា ជាថៅកែស្រីនៅក្នុងពិភពធានារ៉ាប់រង និងជាបុគ្គលដែលស្រឡាញ់វិស័យកីឡាបាល់ទាត់ជាតិរបស់ប្រទេសកំណើតនាងជាខ្លាំង។ ទន្ទឹមនោះ ប្រិយមិញអ្នកអាន ប្រាកដជាចង់ដឹងពីរឿងរ៉ាវផ្ទាល់ខ្លួនរបស់មហាសេដ្ឋីរូបនេះថា តើនាងធ្វើអ្វីខ្លះ ក្រៅពីមុខជំនួញសព្វថ្ងៃ?

១ នាងមានទូដាក់កាបូបប្រណីតៗ ច្រើនរាប់មិនអស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលក្លាយជាអ្នកតំណាងពហុសញ្ញា ដែលមានថាមពលខ្ពស់ មហាសេដ្ឋី Lamsam បានចាប់ផ្ដើមអាជីពរបស់នាងក្នុងនាមជាម្ចាស់អ្នកចែកចាយកាបូប Hermès របស់ប្រទេសថៃ គឺ Saint Honorè។ អ្វីដែលគួរឲ្យភ្ញាក់ផ្អើលនោះ នាងបានប្រមូលផ្ដុំកាបូប និងសំលៀកបំពាក់ប្រណីតៗរបស់នាងផ្ទាល់ ។ “ខ្ញុំចូលចិត្តទិញទំនិញ ហើយខ្ញុំចំណាយប្រាក់ច្រើនលើវា។ ខ្ញុំតែងតែជាអ្នកគាំទ្រ និងជាអតិថិជនរបស់ Hermès” នាងបានប្រាប់ Prestige ដូច្នេះ។ នាងក៏បានបន្ថែមទៀតថា “ពួកវាមានច្រើនជាងវត្ថុម៉ូត ឧទាហរណ៍ កាបូប Birkin មួយ ត្រូវចំណាយពេលមិនតិចជាង ១៦ ម៉ោងដើម្បីផលិត វាជាការងារពិតនៃសិល្បៈ។

២ សំបូរគ្រឿងអលង្ការភ្លឺចិញ្ចាច

នៅពេលដែលនាងធ្វើដំណើរទៅក្រុមហ៊ុន Muang Thai Insurance និងជួយក្រុមបាល់ទាត់លីគកំពូលថៃ Port Football Club នៅលើទីលាននោះ Lamsam ក៏ចូលចិត្តគ្រឿងអលង្ការផងដែរ។ សង្គមថៃនៃពួកអភិជនល្បីៗតែងតែដឹងថា នាងពូកែពាក់គ្រឿងអលង្ការស្អាតៗ និងល្បីៗមកជានិច្ច។

៣ នាងចាយលើអាហារឆ្ងាញ់ៗ

អតីតនិស្សិតបញ្ចប់ការសិក្សានៅសាកលវិទ្យាល័យ Boston រូបនេះ បានធ្វើដំណើរកម្សាន្តទៅកាន់ទីក្រុងឈៀងម៉ៃ នាងបានពន្យល់ប្រាប់ Prestige ថា “ខ្ញុំចូលចិត្តទៅរកអាហារឆ្ងាញ់ៗដើម្បីញ៉ាំ ខ្ញុំចូលចិត្តម្ហូបធម្មតា មិនថាឡាប ប្រហិតសាច់អាំងជាមួយបន្លែ ខ្ញុំពិតជាអាចទទួលយកកំដៅ និងអាហារជូរហឹរនោះជាខ្លាំង” ។

៤ ជាបុគ្គលដែលស្រលាញ់ក្រុមបាល់ទាត់នារីយ៉ាងខ្លាំង

Lamsam ក៏លះបង់មួយចំណែកនៃប្រាក់របស់នាង ទៅឲ្យក្រុមបាល់ទាត់ជម្រើសជាតិថៃផងដែរ។ យោងតាមជំនួយការនិពន្ធកីឡារបស់កាសែត The New York Times លោក Andrew Das មហាសេដ្ឋីកីឡាមិនត្រឹមតែបានបម្រើការជាអ្នកគ្រប់គ្រងក្រុមបាល់ទាត់ជម្រើសជាតិនារីរបស់ប្រទេសថៃប៉ុណ្ណោះទេ ប៉ុន្តែនាងក៏ជាអ្នកមានគុណដ៏អស្ចារ្យបំផុតម្នាក់ផងដែរ។ ក្នុងឆ្នាំ ២០១៩ លោក Das បានចែករំលែកនៅក្នុង tweets ជាបន្តបន្ទាប់ថា Lamsam ក៏បានជួលកីឡាករនៅ Muang Thai Insurance ដើម្បីឲ្យពួកគេអាចមានការត្រួតពិនិត្យប្រាក់ឈ្នួលទៀងទាត់ និងផ្ដោតលើបាល់ទាត់ក្នុងពេលតែមួយ។

យ៉ាងណាមិញ មហាសេដ្ឋីថៃរូបនេះ បានពង្រីកកិច្ចការសប្បុរសធម៌របស់ខ្លួននៅក្រៅបាល់ទាត់។ នៅពេលដែលនាងបានបោះពុម្ពជីវប្រវត្តិរបស់នាងក្នុងឆ្នាំ ២០១៧ នាងថែមទាំងបានបរិច្ចាគភាគរយនៃប្រាក់ចំណូលរបស់សៀវភៅនេះ ទៅមូលនិធិសម្រាប់មនុស្សខ្វាក់នៅក្នុងប្រទេសថៃ នេះបើយោងតាម The Nation ដែលជាគេហទំព័រព័ត៌មានឌីជីថលដែលមានមូលដ្ឋាននៅប្រទេសថៃ៕

ប្រែសម្រួល៖ សាង ស្រីល័ក្ខ

ចុចអាន៖តារាស្រី ថៃ ៨ រូប មានវាសនា រៀបការជាមួយស្វាមី សុទ្ធតែជាមហាសេដ្ឋី

ចុចអាន៖តារាសម្ដែងថៃ ៨ រូប កើតចេញពីគ្រួសារមហាសេដ្ឋី