KPT+

បណ្ដាញសង្គម អាចឲ្យក្មេងជំទង់ខ្លះ មិនពេញចិត្តជីវិតខ្លួនឯង

បានផុស

៣ years មុន

នៅ

ថ្ងៃអង្គារ ៥ មេសា ២០២២

ដោយ

ក្មេងស្រីៗដែលមានវ័យចន្លោះ១១ឆ្នាំ និង១៣ឆ្នាំ ដែលចំណាយពេលនៅលើបណ្ដាញសង្គម ច្រើនអាចមិនសូវមានភាពរីករាយក្នុងជីវិតប៉ុន្មានទេ។ ជាក់ស្ដែង ការសិក្សារបស់ចក្រភពអង់គ្លេស បានបង្ហាញពីចំណុចនេះ កើតលើក្មេងប្រុសដែលមានអាយុ១៤ឆ្នាំ ទៅ១៥ឆ្នាំ និងក្មេងប្រុសស្រីដែលមានអាយុ១៩ឆ្នាំ ក្រោយប្រើប្រាស់បណ្ដាញសង្គមបានមួយឆ្នាំ។

ក្រុមអ្នកវិទ្យាសាស្ត្របានប៉ាន់ប្រមាណថា ភាពងាយរងគ្រោះចំពោះបណ្ដាញសង្គមនៅអាយុជាក់លាក់នេះ អាចពាក់ព័ន្ធនឹងខួរក្បាល ការប្រែប្រួលអ័រម៉ូន និងសង្គម អំឡុងពេលនៃការអភិវឌ្ឍរបស់ក្មេងជំទង់។ យ៉ាងណាមិញ ក្រុមអ្នកស្រាវជ្រាវបានបន្ថែមថាវាជាការចាំបាច់ក្នុងការស្រាវជ្រាវបន្ថែម ដើម្បីស្វែងយល់ និងបញ្ជាក់ឲ្យកាន់តែស៊ីជម្រៅនៃទំនាក់ទំនងរវាងបណ្ដាញសង្គម និងខួរក្បាលក្មេងជំទង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រុមអ្នកស្រាវជ្រាវបានពិនិត្យលើការស្ទង់មតិដ៏ធំមួយដែលមានមនុស្សជាង៧២ ០០០នាក់ ទាក់ទងនឹងការពេញចិត្តចំពោះជីវិតខ្លួនឯង ព្រមទាំងការចំណាយពេលជជែកជាមួយនឹងមិត្តភក្ដិនៅលើបណ្ដាញសង្គមជារៀងរាល់ថ្ងៃ។ ការស្ទង់មតិនេះធ្វើឡើងរហូតដល់៧ដង ចន្លោះឆ្នាំ២០១១ និងឆ្នាំ២០១៨។ ជាលទ្ធផល ក្មេងជំទង់បានបង្ហាញពីទំនាក់ទំនងអវិជ្ជមាន រវាងបណ្ដាញសង្គម និងការពេញចិត្តចំពោះជីវិតទាំងមូល ដូចខាងក្រោម៖

អ្នកអាយុចាប់ពី១៦ឆ្នាំ ដល់២១ឆ្នាំ ប្រើបណ្ដាញសង្គមជារៀងរាល់ថ្ងៃច្រើនជាង៧ម៉ោង បានរាយការណ៍អំពីការមិនសូវពេញចិត្តចំពោះជីវិតខ្លួនឯង បើប្រៀបធៀបនឹងអ្នកដែលប្រើត្រឹម៣ម៉ោង។
អ្នកដែលមានវ័យក្មេងជាងនេះបានបង្ហាញអំពីលំនាំខុសគ្នា ដោយការពេញចិត្តនឹងជីវិតធ្លាក់ចុះកាន់តែខ្លាំង នៅពេលប្រើប្រាស់បណ្ដាញសង្គមកាន់តែច្រើន។

អ្នកអាយុចាប់ពី១៦ឆ្នាំ ដល់២១ឆ្នាំ ប្រើបណ្ដាញសង្គមជារៀងរាល់ថ្ងៃច្រើនជាង៧ម៉ោង បានរាយការណ៍អំពីការមិនសូវពេញចិត្តចំពោះជីវិតខ្លួនឯង បើប្រៀបធៀបនឹងអ្នកដែលប្រើត្រឹម៣ម៉ោង។
អ្នកដែលមានវ័យក្មេងជាងនេះបានបង្ហាញអំពីលំនាំខុសគ្នា ដោយការពេញចិត្តនឹងជីវិតធ្លាក់ចុះកាន់តែខ្លាំង នៅពេលប្រើប្រាស់បណ្ដាញសង្គមកាន់តែច្រើន។

ជាមួយនឹងកត្តាជាច្រើនផ្សេងទៀត ដូចជាមាតិកានៅក្នុងបណ្ដាញសង្គម និងមនុស្សដែលប្រាស្រ័យទាក់ទងតាមអនឡាញ គឺសុទ្ធសឹងតែមានផលប៉ះពាល់ដល់សុខុមាលភាពរបស់ក្មេងជំទង់។ ទោះជាយ៉ាងនេះក្ដី បណ្ដាញសង្គមក៏ផ្ដល់ផលវិជ្ជមានចំពោះមនុស្សមួយចំនួនផងដែរ ដោយអាចភ្ជាប់ទំនាក់ទំនងជាមួយនឹងមិត្តភក្ដិ ព្រមទាំងស្វែងរកជំនួយផ្សេងៗ៕

អត្ថបទផ្ដល់ដោយ៖Hello Krupet

ចុចអាន៖បណ្ដាញសង្គម ធ្វើឲ្យរឹតត្បិតសេរីភាពផ្លូវចិត្ត សាកល្បងបន្សាបជាតិពុលតាមវិធីនេះ

ចុចអាន៖តើវេទិកាប្រព័ន្ធផ្សព្វផ្សាយសង្គមមួយណា គួរប្រើនាបច្ចុប្បន្ននេះ ?