KPT+

៥ ចំណុចនេះហើយ តែងធ្វើឲ្យជីវិតមានភាពច្របូកច្របល់ គ្មានគោលដៅច្បាស់លាស់នឹងគេ

បានផុស

៣ years មុន

នៅ

ថ្ងៃពុធ ២៧ មេសា ២០២២

ដោយ

ជីវិតគឺដូចកំពុងនៅលើការផ្សងព្រេងគ្មានទីបញ្ចប់។ រាល់ជំហាន ឬការសម្រេចចិត្ត ត្រូវតែគិតដោយប្រុងប្រយ័ត្នបំផុត។ ប៉ុន្តែតើអ្នកដឹងទេថា ក្នុងជីវិត អ្វីៗមិនអាចដំណើរការដោយរលូនទេ។ ប្រសិនបើអ្នកកំពុងជួបប្រទះនូវអារម្មណ៍បែបនេះ គួរតែស្តាប់ហេតុផល ដែលជាដើមចមធ្វើឲ្យជីវិត តែងតែមានភាពច្របូកច្របល់កន្លងមក។

១ អ្នកគ្មានគោលដៅច្បាស់លាស់នឹងគេ

គោលដៅមានការគ្រប់គ្រងយ៉ាងសំខាន់លើជីវិត ដែលយើងកំពុងរស់នៅនាពេលបច្ចុប្បន្ន។ ដូចជាអ្នកកំពុងធ្វើដំណើរ ប្រាកដណាស់អ្នកត្រូវដឹងថា ត្រូវទៅណា កន្លែងណាដែរ។ ការមិនមានគោលដៅច្បាស់លាស់ គឺជាហេតុផលមួយដែលធ្វើឲ្យជីវិតតែងតែមានអារម្មណ៍រញ៉េរញ៉ៃ។ អ្នកមិនដឹងថា ត្រូវដាក់គោលដៅអ្វី និងផែនការប្រភេទណាដែលត្រូវធ្វើ។ ក្នុងជីវិត គ្រាន់តែដើម្បីដើរតាមកន្លែងដែលចរន្តនាំទៅប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ទំនោរមើលស្រាលបញ្ហាតូចតាចថាជាកាក់ល្អិត

បញ្ហាមិនអាចបំបែកចេញពីមនុស្សគ្រប់គ្នាបានទេ។ យើងម្នាក់ៗត្រូវតែមានដំណើរផ្លាស់ប្ដូរ និងវេននៃផ្លូវជីវិតរៀងៗខ្លួន។ ប្រសិនបើអ្នកជាមនុស្សម្នាក់ ដែលតែងតែមានអារម្មណ៍ច្របូកច្របល់គ្រប់ពេលវេលា វាអាចជាហេតុផលមួយដោយសារតែអ្នកមើលស្រាលបញ្ហាតូចតាច គិតថាជារឿងកាក់ល្អិត សម្រាប់ខ្លួនឯង។

៣ ជារឿយៗជាប់ក្នុងភាពអវិជ្ជមាន

ភាពអវិជ្ជមាននៃជាតិពុលគឺជាបញ្ហាប្រឈមមួយ ដែលជារឿយៗអូសអ្នកចូលទៅក្នុងស្ថានភាពដ៏អាក្រក់បំផុត។ ការជាប់នៅក្នុងភាពអវិជ្ជមាន គឺជាហេតុផលមួយដែលអ្នកតែងតែមានអារម្មណ៍ច្របូកច្របល់ក្នុងជីវិត។ ការមិនលើកទឹកចិត្ត និងការផ្ដល់យោបល់មិនពិត ដែលខ្ចាត់ខ្ចាយ មានសក្ដានុពលធ្វើឲ្យអ្នកច្របូកច្របល់លើសមុន ហើយថែមទាំងទម្លាក់យើងទៅក្នុងស្ថានភាពដ៏អាក្រក់បំផុតផងដែរ។

៤ គ្មានគោលការណ៍ច្បាស់លាស់

អត្ថិភាពនៃគោលការណ៍ ពិតជាដើរតួនាទីយ៉ាងសំខាន់សម្រាប់ជីវិតយើង។ តាមពិត គោលការណ៍មួយត្រូវបានគេដាក់បញ្ចូលជាញឹកញាប់ តាំងពីយើងនៅតូច។ ជាការពិតណាស់ អ្នកនៅតែចងចាំនូវដំបូន្មានមួយចំនួន ដែលបានប្រាប់អ្នកថា ជាមនុស្សដែលមានភាពរឹងមាំក្នុងបញ្ហាអ្វីមួយ ហើយមិនងាយនឹងរង្គោះរង្គើ ដោយសារតែមនុស្សផ្សេងនោះទេ។ ទោះជាយ៉ាងណា តាមការពិត មិនមែនអ្នករាល់គ្នាពិតជាយល់ពីរឿងនេះទេ។ តាមពិតទៅ ការមិនមានគោលការណ៍ជីវិតច្បាស់លាស់ គឺជាហេតុផលមួយដែលធ្វើឲ្យជីវិតរបស់អ្នកតែងតែមានភាពវឹកវរ។ ជាពិសេស ក៏ងាយនឹងមានអារម្មណ៍រសើបនៅកណ្ដាលបរិយាកាស មិនច្បាស់លាស់ដូចគ្នា។

៥ មិនធ្វើផែនការដោយប្រុងប្រយ័ត្ន

ការធ្វើផែនការ គឺជាផ្នែកសំខាន់បំផុតនៃជីវិត។ ផែនការដែលមានរចនាសម្ព័ន្ធច្បាស់លាស់ គឺដូចជាសៀវភៅណែនាំដែលនាំយើងទៅរកភាពជោគជ័យ។ ប៉ុន្តែសំណួរគឺថា តើយើងបានរៀបចំផែនការដោយប្រុងប្រយ័ត្នហើយឬនៅ? ឬយើងកំពុងរៀបចំផែនការដោយចៃដន្យ? ការរៀបចំផែនការមិនល្អ គឺជាហេតុផលមួយដែលអ្នកតែងតែមានអារម្មណ៍ច្របូកច្របល់គ្រប់ពេលវេលា។ អ្នកគ្រាន់តែដើរដោយគ្មានការពិចារណាច្បាស់លាស់។ ប្រសិនបើលក្ខខណ្ឌបែបនេះនៅតែបន្ត ពិតណាស់ នឹងមានគោលដៅ និងសកម្មភាពជាច្រើនទៀត ដែលបញ្ចប់ទៅមិនដូចការរំពឹងទុករបស់អ្នកឡើយ៕

ប្រែសម្រួល៖ សាង ស្រីល័ក្ខ

ចុចអាន៖វិធីសាស្ត្រសាមញ្ញ តែមានប្រសិទ្ធភាព ដើម្បីជួយអ្នកជំងឺបាក់ទឹកចិត្ត

ចុចអាន៖តើការរៀនមុខវិជ្ជា «ចិត្តវិទ្យា» មានទីផ្សារការងារអ្វីខ្លះ?