KPT+

មនុស្ស ៣ ប្រភេទ គួរនិយាយប្រយោគសុំទោសទាំងនេះ ចៀសវាងអ្វីៗយឺតពេល

បានផុស

៣ years មុន

នៅ

ថ្ងៃសុក្រ ២៩ មេសា ២០២២

ដោយ

ការសុំទោសគឺជាវិធីមួយ ដែលយើងអាចធ្វើដើម្បីដឹងពីកំហុស ដែលបានធ្វើចំពោះអ្នកដទៃ។ ពាក្យសុំទោសក៏បង្ហាញថា យើងជាអ្នកទទួលខុសត្រូវក្នុងការសម្រេចចិត្ត។ ការសុំទោសនឹងបញ្ចប់វិវាទនឹងគ្នា រាល់បញ្ហាទាំងអស់អាចត្រូវបានដោះស្រាយដោយភាពស្មោះត្រង់ ជាពិសេស ពាក្យទាំងនេះ ពិតជាអាចលុបបំបាត់ស្នាមរបួសនៃបេះដូង។

នេះជាប្រយោគគួរនិយាយពាក្យសុំទោសទៅកាន់អ្នកដទៃ ឪពុកម្ដាយ ប្តីប្រពន្ធ ដែលអាចនិយាយអស់ពីចិត្ត និងបានដឹងនូវកំហុសខ្លួនប្រព្រឹត្តពិតមែន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ពាក្យសុំទោសអ្នកដទៃ

-“ខ្ញុំមិនសុំទោស អ្វីដែលមិនបានល្អឥតខ្ចោះនោះទេ ប៉ុន្តែខ្ញុំសុំទោសដែលតែងតែធ្វើខុស។

-ខ្ញុំគ្រាន់តែអាចសុំទោសអ្នក។ ខ្ញុំដឹង ប្រហែលជាខ្ញុំមិនសមនឹងសុំទោសទេ”។ “ខ្ញុំសុំទោសចំពោះកំហុសរបស់ខ្ញុំ ខ្ញុំសុំទោសអស់ពីចិត្តពីបេះដូងនូវកំហុសនេះ”។

-“សុំទោស បើពេលខ្លះខ្ញុំមិនដូចអ្វីដែលអ្នករំពឹងទុក ហើយតែងតែធ្វើឲ្យអ្នកខកចិត្ត”។ សូមអភ័យទោសចំពោះរាល់កំហុសឆ្គង។ ខ្ញុំពិតជាមិនមានន័យដូច្នោះទេ។ ពេលខ្លះពាក្យសម្ដីរបស់ខ្ញុំក៏មុតស្រួច។ ប៉ុន្តែ ខ្ញុំមិនមានបំណងធ្វើឲ្យអ្នកខូចចិត្តនោះទេ។”

– “ខ្ញុំសុំទោស ខ្ញុំនឹងមិនបណ្តោយឲ្យកំហុសឆ្គង និងភាពល្ងង់ខ្លៅរបស់ខ្ញុំ កើតឡើងមកបំបែករវាងមិត្តភាពដ៏ស្រស់ស្អាតរបស់យើងទេ។

២ ពាក្យសុំទោសទៅកាន់ឪពុកម្ដាយ

-“ប៉ាម៉ាក់ កូនសុំទោស ប្រសិនបើមានកំហុសច្រើនក្នុងអំឡុងពេលនេះ។ កូនដឹងថាការសុំទោស នឹងមិនយកការឈឺចាប់ទៅឆ្ងាយទេ ទោះជាយ៉ាងណា កូនសូមឲ្យបេះដូងរបស់ប៉ាម៉ាក់ អភ័យទោសឲ្យខ្ញុំ។ ខ្ញុំបានក្លាយទៅជាក្មេងរឹងរូស ខ្ញុំសង្ឃឹមថា ប៉ាម៉ាក់នឹងអត់ទោឲ្យខ្ញុំ” ។

– “សុំទោសផង ដែលខ្ញុំបានឆ្លាក់ស្នាមរបួសជាច្រើន នៅក្នុងចិត្តរបស់ប៉ានិងម៉ាក់។ ខ្ញុំពិតជាសុំទោស ខ្ញុំនឹងព្យាយាម ដើម្បីក្លាយជាក្មេង ដែលអ្នកអាចមានមោទនភាពទៅថ្ងៃមុខ។

៣ ពាក្យសុំទោស ចំពោះដៃគូរបស់អ្នក

–“បេះដូងខ្ញុំលោតសម្រាប់តែអ្នក សូមអភ័យទោសឲ្យខ្ញុំ” ។

-“សុំទោសដែលខ្ញុំនិយាយខុសញឹកញាប់ និយាយពាក្យដែលធ្វើឲ្យអ្នកឈឺចាប់ ដោយសារតែខ្ញុំពិតជាស្រលាញ់អ្នក ខ្ញុំសុំទោសម្តងទៀត មិនអីទេ?”

– “ការអភ័យទោស មិនផ្លាស់ប្ដូរអតីតកាលទេ តែវាពង្រីកអនាគត”។ ស្នេហារបស់យើងរឹងមាំ និងគ្មានដែនកំណត់ កុំឲ្យការត្អូញត្អែរតូចមួយ បំផ្លាញពិភពលោកដ៏ស្រស់ស្អាតនេះ ខ្ញុំស្រឡាញ់អ្នក ហើយខ្ញុំសុំទោស” ។

– “មិនថាមានរឿងអ្វីកើតឡើងទេ អ្នកនៅតែជាលេខមួយរបស់ខ្ញុំ តើអ្នកអាចអត់ទោសឲ្យខ្ញុំ ចំពោះអ្វីដែលខ្ញុំបានធ្វើ?”

យ៉ាងណាមិញ ទាំងនេះគឺជាពាក្យសុំទោសដ៏ស្មោះស្ម័គ្រ ដែលអ្នកអាចប្រើទៅកាន់ឪពុកម្តាយ សាច់ញាតិ ប្តីប្រពន្ធ ទៅកាន់អតីតរបស់អ្នក។ ចូរសុំទោស មុនពេលអ្វីៗយឺតពេល៕

ប្រែសម្រួល៖ សាង ស្រីល័ក្ខ

ចុចអាន៖៥ វិធី ដោះស្រាយជាមួយមនុស្សគ្មានសីលធម៌ ពូកែជីកកកាយ តែរឿងផ្ទាល់ខ្លួនគេ

ចុចអាន៖៣ វិធីងាយៗ កម្ចាត់អារម្មណ៍ឯកា តាមរយៈសកម្មភាពថ្មីៗ