ឥរិយាបថប្រើប្រាស់ប្រព័ន្ធផ្សព្វផ្សាយសង្គម ៤ យ៉ាង កំពុងបំផ្លាញអនាគតការងារបច្ចុប្បន្ន

វាជារឿងធម្មតា សម្រាប់មនុស្សក្នុងសង្គមបច្ចុប្បន្ន​ ដែលនិយមលេង Facebook។ ដូច្នេះយើងអាចបង្ហោះ និងចែករំលែក​នូវអ្វីដែលនៅក្នុងចិត្ត​ ដោយ​មិន​មាន​អារម្មណ៍​ថា​ឆ្គង​ និង​​អនុញ្ញាត​ឲ្យផ្សេង​ចូលរួមក្នុងជីវិត​របស់យើង​ដែរ។

ទោះជាយ៉ាងណាក៏ដោយ តំបន់ឯកជនដែលយើងតែងតែប្រើ​ ដើម្បីបង្ហោះសកម្មភាពឯកជន ត្រូវ​បាន​គេ​មើល​ឃើញ និង​ចូល​ប្រើប្រាស់ជា​សាធារណៈ​ ដោយ​មនុស្ស​គ្រប់គ្នា។ នៅពេលដែល​មនុស្ស​គ្រប់គ្នា​អាច​មើល​ឃើញ​ តើវា​ជា​លំហ​ឯកជន​ពិត ឬ​ជា​លំហ​ឯកជន​សាធារណៈ? បើ​អ្នក​ដែល​មក​មើល​នោះ​ជា​និយោជក​ដែរ​ អ្នក​ត្រូវ​គិត​ឲ្យ​បាន​ច្រើន ​មុន​នឹង​អ្នក​ចុច​ប្រកាស​ណា​មួយ។ ដោយសារ​តែ​យើង​មាន​សិទ្ធិ​ក្នុង​ការ​អត់​ការងារ​ធ្វើ ឬ​ត្រូវ​បាន​បដិសេធ​ការងារ។

ការ​សិក្សា​អន្តរជាតិ​បាន​រក​ឃើញ​ថា ៩០ ភាគរយ​នៃ​និយោជក​ពិចារណា​លើ​សកម្មភាព​ប្រព័ន្ធ​ផ្សព្វផ្សាយ​សង្គម​របស់​អ្នក​ដាក់​ពាក្យ​​ មុន​ពេល​ជួល ហើយ៧៩ភាគរយ​ នៃ​នាយកដ្ឋាន​ធនធាន​មនុស្ស​ នឹង​បដិសេធ​អ្នក​ដាក់​ពាក្យ។ លើសពី​នេះ​ទៀត​ សម្រាប់​បុគ្គលិក​បច្ចុប្បន្ន​ដែលកំពុងធ្វើការ ក៏មាន​ករណី​បុគ្គលិក​ត្រូវ​គេ​បណ្ដេញ​ចេញ​ ដោយ​សារ​ការ​បង្ហោះ​ការ​ត្អូញត្អែរ​អំពី​ការងារ​របស់​ពួក​គេ​ នៅ​លើ​ប្រព័ន្ធ​ផ្សព្វផ្សាយ​សង្គម។ ដូច្នេះ​ហើយ ​យើង​គួរ​ផ្ដោត​លើ​សកម្មភាព​ប្រព័ន្ធ​ផ្សព្វផ្សាយ​សង្គម​បច្ចុប្បន្ន និង​អតីតកាល​របស់​យើង។

១ ការ​បង្ហោះ​មិន​សមរម្យ​លេចឡើង ដោយសារតែ​មនុស្ស​ជាច្រើន មើលឃើញប្រព័ន្ធផ្សព្វផ្សាយសង្គម ជាកន្លែងផ្ទាល់ខ្លួន ដែល​ពួកគេ​អាច​បង្ហោះ និង​បញ្ចេញ​អ្វី​ទាំងអស់។ ដូច្នេះ​មិន​ខ្វល់​ពី​ភាព​ស័ក្ដិសម​នៃ​អ្វី​ដែល​បាន​បង្ហោះនោះ​ទេ។ ការ​បង្ហោះ​នោះ​ អាចជា​ការ​ត្អូញត្អែរ​ពី​ថៅកែ​ចាស់ ឬ​រឿង​អវិជ្ជមាន​ដែល​កើតឡើង​នៅក្នុង​ការិយាល័យ ចេតនា​បង្ក​របួស​ស្នាម​ដល់​និយោជក​ដោយ​ចេតនា វាក៏រួមបញ្ចូល​នូវសេចក្តី​ថ្លែងការណ៍​មិន​សមរម្យ ភេទ ជាតិសាសន៍ សាសនា​សារ​ប្រមាថ របស់ខុសច្បាប់ ការ​និយាយ​ស្អប់ ការចែករំលែកខ្លឹមសារដែលមាន​គុណភាពទាប ព័ត៌មាន​ក្លែងក្លាយ ពាក្យចចាមអារ៉ាម ជាដើម។ ការ​ធ្វើបែបនេះ​​មើលទៅគ្មាន​វិជ្ជាជីវៈ គ្មាន​តម្លៃ អសមត្ថភាព​ក្នុងការធ្វើការជាមួយអ្នកដទៃ ។ ជាការពិតដែលថា យើងមានសិទ្ធិក្នុងការមិនពេញចិត្តនឹងមិត្តរួមការងា ឬចៅហ្វាយរបស់យើង ដែលចង់បញ្ចេញ។ ប៉ុន្តែនិយោជក ក៏មានសិទ្ធិកម្ចាត់អ្នកដែលធ្វើបាបគាត់ដែរ។

២ បង្ហាញរូបភាពអវិជ្ជមាននៃខ្លួនអ្នក ត្រឡប់ទៅការចាប់ផ្តើម ដែល​អ្នក​រាល់​គ្នា​មើល​ឃើញ​ប្រព័ន្ធ​ផ្សព្វផ្សាយ​សង្គម​ជា​កន្លែង​ផ្ទាល់ខ្លួន​ដើម្បី​បង្ហោះ អ្នកអាចចុចដើម្បីចែករំលែកចំណាប់​អារម្មណ៍ផ្ទាល់ខ្លួន​តាមមធ្យោបាយណាមួយ។ ត្រូវ​ដឹង​ថា​រឿង​បែប​នេះ​នឹង​បង្ហាញ​រូបភាព​អវិជ្ជមាន​របស់​ខ្លួន ​ដល់​អ្នក​ដទៃ​ផង​ដែរ​។​

៣ កុហក​បំភ្លើស មនុស្សដែលមានការញៀនប្រព័ន្ធផ្សព្វផ្សាយសង្គមខ្លាំង ពួកគេចាប់ផ្តើមជក់ចិត្តនឹងការធ្វើ​បច្ចុប្បន្នភាព​អ្វីៗ​ទាំងអស់ក្នុងជីវិត នៅ​លើប្រព័ន្ធផ្សព្វផ្សាយសង្គម ដើម្បីបង្ហាញ​ដល់​មិត្តភ័ក្តិ ឬអ្នកតាមដាន។ ពួកគេ​ក៏ព្យាយាម​បំផ្លើស​ជីវិត​ នៅក្នុងពិភពនិម្មិតពីអ្វីដែល​មាន ដើម្បីទទួល​បានការចូលចិត្ត​កាន់តែច្រើន ឲ្យ​មនុស្ស​ចូល​មក​បញ្ចេញ​មតិ។ ថ្ងៃមួយ ស្រាប់តែ​គាត់​បាន​ដាក់​លិខិត​ឈប់​សម្រាក ​ដោយ​ហេតុផល​ថា​គាត់​ឈឺ។ ប៉ុន្តែ​រូបថតបែរជាមានលើ​បណ្ដាញ​សង្គម​ ឬ​លេច​ឡើង​នៅ​កន្លែង​ផ្សេង​ទៀត។ យ៉ាងណាមិញកុំភ្លេចថា ក្នុង​ចំណោម​មិត្ត​ភក្តិ​របស់​យើងនៅ​កន្លែង​ធ្វើ​ការ​ ក៏មាននិយោជករបស់យើង អាចលាក់ខ្លួនជាអ្នកដែលតាមយើងជាយូរមកហើយ។ ម្យ៉ាងទៀត ពិភពលោកនេះតូចជាងអ្នកគិត។ ពួកគេ​អាច​ដឹង​ ដោយ​មិន​ចាំ​បាច់​លើក​ទូរស័ព្ទ​ ហើយ​ចុច​ឆែក​មើល​ដោយ​ខ្លួន​ឯង។

៤ បណ្ដាញសង្គមនឹងបង្ហាញថាអ្នកជាមនុស្សបែបណា មនុស្សជាច្រើនជ្រើសរើសប្រព័ន្ធផ្សព្វផ្សាយសង្គម ដើម្បីធ្វើជាកន្លែងសម្រាប់បង្ហាញពីរឿងរ៉ាវក្នុងជីវិតរបស់ពួកគេ។ ប៉ុន្តែការពិតនៃចិត្តវិទ្យា ដែលនិយោជកយកចិត្តទុកដាក់ គាត់​បាន​វិភាគ​ការ​ប្រកាស​ត្អូញត្អែរ​នៅ​ទីនេះ។ គ្រប់ប្រភេទនៃរឿងតូចតាចនៅក្នុងជីវិតប្រចាំថ្ងៃរបស់យើង អ្វីដែលមនុស្ស និយាយឬវាយ វាតែងតែបង្ហាញថា តើយើងជាមនុស្សបែបណា។ ជាឧទាហរណ៍ ការបង្ហោះយ៉ាងហោចណាស់ ៥-៦ដងក្នុងមួយថ្ងៃ បង្ហាញពីភាពឥតប្រយោជន៍ និងការគិតមមៃរបស់យើងតែប៉ុណ្តោះ៕

ប្រែសម្រួល៖ សាង ស្រីល័ក្ខ

ចុចអាន៖តើការផ្ដល់កិត្តិយសដល់សហសេវិក មានសារៈសំខាន់ប៉ុនណា?

ចុចអាន៖៥ វិធី ផ្លាស់ប្ដូរអត្តចរិតប្រកួតប្រជែងចង់តែឈ្នះ ប្រែទៅរកភាពអវិជ្ជមានវិញ