KPT+

តើម៉ាសសន្លឹក ល្អបំផុតនៅពេលណាខ្លះ?

បានផុស

៣ years មុន

នៅ

ថ្ងៃសុក្រ ៦ ឧសភា ២០២២

ដោយ

ម៉ាសសន្លឹកត្រូវបានគេដឹងថា ជាគ្រឿងថែទាំស្បែកដែលមានឬអត់ក៏បាន និងអាចប្រើបានញឹកញាប់ ជាពិសេសជួយបន្ធូរអារម្មណ៍មុនពេលចូលគេងថែមទៀត។ ខណៈស្បែកយើងត្រូវការតែហ្វូម គ្រីមផ្ដល់សំណើម និងគ្រីមការពារកម្ដៅថ្ងៃតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកចង់បន្ថែមរសជាតិ ដល់ស្បែកមុខ នោះម៉ាសសន្លឹកគឺជាជម្រើសដ៏ល្អបំផុត ហើយខ្វះមិនបាននៅពេលដែល ៖

១.គេងមិនគ្រប់គ្រាន់

យើងដឹងស្រាប់ហើយ នៅពេលដែលគេងមិនគ្រប់គ្រាន់ មុខប្រែកាយលឿនណាស់ មើលសឹងមិនយល់ទេ។ គ្រាន់តែម៉ាស់ត្រជាក់មួយសន្លឹក ក៏អាចជួយឲ្យមុខមានជីវិតជីវ៉ាឡើងវិញបាន ហើយសភាពស្ពុលៗនៅលើមុខ ក៏ស្រក ដែលធ្វើឲ្យស្រស់ស្រាយទាំងស្បែក និងអារម្មណ៍។

២.ស្បែកស្ងួត

មិនថាពេលណាក៏ដោយ ឲ្យតែមុខស្ងួត អ្នកអាចទាញម៉ាសមួយសន្លឹកមកបិទបាន។ ម៉ាសដែលផ្ដល់សំណើមមានច្រើនប្រភេទណាស់ អ្នកគួររើសយកម៉ាសដែលមានពាក្យ Hydrating ដើម្បីជំនួយដល់ស្បែក។

៣.មុខចេញមុន

គ្រប់គ្នាប្រាកដជាធ្លាប់កើតមុនហើយ នៅពេលដែលវាចេញទប់អត់ឈ្នះ អ្នកគួរស្វែងរកម៉ាសប្រភេទជម្រុះកោសិកា ឬម៉ាស់ដែលជួយលាងសម្អាតមុខបានជ្រះល្អ។

៤.គ្មានពេលម៉ាស្សាមុខ

ម៉ាសមួយចំនួនមានសមត្ថភាពខ្លាំងស្មើការម៉ាស្សាមុខ ប៉ុន្តែមិនអាចប្រើបានរាល់ថ្ងៃទេ។ ម៉ាសដែលមាននាទីម៉ាស្សាមុខភាគច្រើនតម្រូវឲ្យយើងបិទរយៈពេលយូរ មិនមែន ១០ ២០ នាទីដូចម៉ាស់ធម្មតាទេ។

លើសពីនេះ ការបិទម៉ាសរាល់ថ្ងៃ មិនមានផលប៉ះពាល់ទេ លើកលែងម៉ាសដែលជាប្រភេទជម្រុះកោសិកា។ រាល់ព្រឹកកុំភ្លេចលាបគ្រីមការពារកម្ដៅថ្ងៃ មិនដូច្នោះទេផលិតផលល្អថ្លៃៗ ល្អៗ ដែលអ្នកបានប្រើប្រាស់ទាំងប៉ុន្មានគឺស្មើសូន្យជាក់ជាមិនខានឡើយ៕

ប្រែសម្រួល៖ វារី

ចុចអាន៖បញ្ឈប់ការឡើងមុននៅដងខ្លួន ដោយវិធីសម្អាត ព្យាបាល និងប្រើប្រាស់ឡេផ្ដល់សំណើម

ចុចអាន៖វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន