KPT+

មូលហេតុ ៥ យ៉ាង មនុស្សសម័យនេះ ចង់នៅលីវច្រើនជាងមានគូ

បានផុស

៣ years មុន

នៅ

ថ្ងៃចន្ទ ៩ ឧសភា ២០២២

ដោយ

ទទួលស្គាល់ថា ការមានដៃគូ នឹងជួយបន្ថែមរសជាតិជីវិតឲ្យផ្អែមល្ហែម មានក្ដីសុខដូចរឿងព្រេងនិទាន យ៉ាងណា នៅលីវក៏មិនអន់ដែរ ម៉្យាងម្នាក់ពីអ្នកមានគូជីវិតដូចគ្នា។

ទន្ទឹមនេះ អ្នកនៅលីវខ្វះអីរឿងល្អៗចូលមក ហើយក៏មិនមែនឯកាសុទ្ធឯណា យើងមានមិត្តភ័ក្ដិ គ្រួសារ មានជីវិតប្រចាំថ្ងៃបែបឯករាជ្យ និងបើកចំហ។ គ្រាន់តែទទួលរងសម្ពាធ ពីអ្នកសួរដេញដោលឥតប្រយោជន៍ ពីសង្គមខាងក្រៅខ្លះៗ។ ប៉ុន្តែមនុស្សនៅលីវ នៅតែប្រសើរផ្លូវចិត្តច្រើន ដូច្នេះ កម្ពុជាថ្មី នឹងបង្ហាញពីមូលហេតុដែលមនុស្សសម័យនេះ ចូលចិត្តនៅលីវច្រើនជាងមានគូជីវិត៖

១.រវល់រៀបចំជីវិត ជីវិតដែលពោរពេញទៅដោយក្ដីស្រមៃ និងគោលដៅសម្រាប់សម្រេចជាច្រើន។ នៅពេលដែលអ្នកនៅលីវ មិនចាំបាច់ចំណាយពេលជាមួយដៃគូឡើយ ពេលវេលាដែលយើងមានយកទៅធ្វើការអ្វីក៏បាន រៀនសូត្របន្ថែម មិនពិបាករំលែកពេលវេលានាំពិបាកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២.ស្រលាញ់ខ្លួនឯងឲ្យច្រើន បុណ្យទិវាម្ដងៗ ពិបាកចិត្តរឿងទិញកាដូឲ្យគ្នាទៅវិញទៅមក។ បើនៅម្នាក់ឯងម៉ង់ៗស្រួលទេ បុណ្យអីក៏ទិញឲ្យខ្លួនឯងដែរ អត់ទិញក៏គ្មានបញ្ហា មិនចាំបាច់ចំណាយលុយកាក់ឥតប្រយោជន៏។ ចំណែកឯដំណេកវិញក៏គេងបានគ្រប់គ្រាន់ មិនវក់និយាយទូរស័ព្ទដល់យប់ជ្រៅដូចអ្នកមានគូសោះ។ ជាពិសេស ការស្លៀកពាក់ ចង់ស្លៀកអីក៏គ្មានអ្នកហាម រករឿងរញ៉េរញ៉ៃដែរ។

៣.មិនឈឺចាប់ អ្នកមានគូប្រឈមមុខជាមួយបញ្ហាជាច្រើនដូចជា៖ ការប្រច័ណ្ឌ ឈ្នានីស ហួងហែង ក្បត់ផិត ឈានទៅរកការប្រើប្រាស់ពាក្យសម្ដីមិនសមរម្យដល់ថ្នាក់មានអំពើហិង្សាទៀតផង។ ត្រង់ចំណុចនេះអ្នកនៅលីវ មិនជួបប្រទះនាំឈឺក្បាលទេ គឺតែងគេចផុតរហូត។

៤.មានពេលទំនេរសម្រាប់គ្រួសារ និងមិត្តភ័ក្ដិ គេថាអ្នកមានស្នេហាជីវិតពោរពេញដោយក្ដីស្រលាញ់ ភាពកក់ក្ដៅ និងក្ដីសុខ។ អ្នកត្រូវដឹងថា គ្រួសារក៏អាចផ្ដល់ការស្រលាញ់ និងភាពកក់ក្ដៅមិនចាញ់ស្នេហាឡើយ ថែមទាំងគ្មានការឈឺចាប់ដែលត្រូវប្រឈមទៀត។ ការចំណាយពេលជាមួយគ្រួសារ មានតម្លៃមិនអាចកាត់ថ្លៃបាន។

៥.ត្រៀមខ្លួនដើម្បីមានសាងស្នេហាច្បាស់លាស់ សង្សារមិនពិបាករកទេ អ្វីដែលពិបាករក គឺមនុស្សដែលរួមសុខទុកជាមួយអ្នកបានគ្រប់ពេលគ្មានលក្ខខណ្ឌ។ អ្នកគួររស់នៅឲ្យបានល្អបំផុត ពេលវេលាមកដល់ ស្នេហានឹងរត់រកអ្នកដោយឯកឯងមិនខាន៕

នេះគឺជាការពិតក៏មិនមែនអភិនីហារដែរ!

ប្រែសម្រួល៖ វារី

ចុចអាន៖៥ វិធី តទល់ ជាមួយស្វាមីពូកែផិតក្បត់

ចុចអាន៖៥ វិធី ដើរចេញពីស្នេហាតែម្ខាង ដែលយើងគិតថា មិនអាចទៅរួច