KPT+

មេវិទ្យាស្ថានឱសថមួយរបស់ ឥណ្ឌា ក្លាយជាមហាសេដ្ឋីមានជាងគេបំផុត ក្នុងឆ្នាំ ២០២២

បានផុស

៣ years មុន

នៅ

ថ្ងៃសុក្រ ២០ ឧសភា ២០២២

ដោយ

លោក Cyrus Poonawalla ជាស្ថាបនិកវិទ្យាស្ថាន Serum នៃប្រទេសឥណ្ឌា បានក្លាយជាមហាសេដ្ឋីដែលមានជាងគេបំផុត ក្នុងវិស័យថែទាំសុខភាពក្នុងឆ្នាំ ២០២២ នេះបើយោងតាម Hurun Global Healthcare Rich List ២០២២ ជាមួយនឹងទ្រព្យសម្បត្តិសុទ្ធចំនួន២៦ ពាន់លានដុល្លារ ដោយគាត់បានផ្ដួលម្ចាស់ក្រុមហ៊ុនឱសថផ្សេងទៀត មកពីជុំវិញពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Poonawalla ជាអ្នកមានបំផុតទី ៤ របស់ឥណ្ឌា បានបង្កើនទ្រព្យសម្បត្តិរបស់គាត់ចំនួន ៤១ ភាគរយ កាលពីឆ្នាំមុនដល់ ២៦ ពាន់លានដុល្លារ ដោយសារតែការប្រើប្រាស់ដ៏ធំទូលាយ នៃវ៉ាក់សាំង Covid-19 ដែលផលិតដោយវិទ្យាស្ថានសេរ៉ូម។ ក្នុងឆ្នាំ ២០២០ Poonawalla មានទ្រព្យសម្បត្តិសុទ្ធ ៨.២ ពាន់លានដុល្លារ ដែលបានកើនឡើង ១៧.៨ពាន់លានដុល្លារក្នុងរយៈពេលពីរឆ្នាំចុងក្រោយនេះ។

លោកបានបង្កើតវិទ្យាស្ថានសេរ៉ូមក្នុងឆ្នាំ ១៩៦៦ ហើយក្រុមហ៊ុនបានរីកចម្រើន ក្លាយជាអ្នកផលិតវ៉ាក់សាំងដ៏ធំបំផុតរបស់ពិភពលោក ដោយបានផលិតវ៉ាក់សាំងជាង ១.៥ ពាន់លានដូស ដែលប្រឆាំងនឹងជំងឺកញ្ជ្រឹល ជំងឺស្វិតដៃជើង និងជំងឺគ្រុនផ្តាសាយ ក្នុងចំណោមអ្នកដទៃទៀត។

លោកក៏ត្រូវបានគេដឹងថាមានចំណង់ចំណូលចិត្តលើការប្រណាំងសេះ និងប្រមូលផ្ដុំរថយន្តហើយមុនពេល Serum ចាប់ផ្ដើមឡើងមក គាត់បានផលិតរថយន្តស្ព័រគំរូតម្លៃ ១២០ ដុល្លារ ម៉ូដែល D-type Jaguar ។ សព្វថ្ងៃនេះ គាត់មានបណ្ដុំរថយន្តស្ព័រ និងរថយន្ត limousine ដែលផលិតតាមបំណង។ ក្នុងអំឡុងពេលរបស់គាត់បានបញ្ចប់ការសិក្សាពីមហាវិទ្យាល័យពាណិជ្ជកម្ម Brihan Maharashtra (BMCC) ក្នុងឆ្នាំ ១៩៦៦។លោក និងភរិយា Villoo ត្រូវបានគេស្គាល់នៅក្នុងរង្វង់ Pune សម្រាប់សកម្មភាពសប្បុរសធម៌របស់ពួកគេផងដែរ។