KPT+

ទម្លាយអាថ៌កំបាំងជនជាតិ ជប៉ុន ពីវិធីរក្សាបន្លែទុកបានរាប់ខែ និងនៅតែឆ្ងាញ់

បានផុស

៣ years មុន

នៅ

ថ្ងៃអាទិត្យ ២២ ឧសភា ២០២២

ដោយ

ការរក្សាបន្លែដោយប្រើវិធីបង្កកត្រឹមត្រូវ ជារឿងដែលមនុស្សសម័យនេះពិបាកធ្វើ ព្រោះបន្លែខ្លះ មិនអាចទុកបានយូរដល់រាប់ខែទេ។ ជាពិសេស បន្លែឆាប់រលួយ ទិញមកភ្លាម ត្រូវធ្វើម្ហូបឲ្យអស់ៗ។

ប៉ុន្តែពេលនេះ លែងពិបាកសម្រាប់មេផ្ទះទៀតហើយ កម្ពុជាថ្មី សូមណែនាំពីវិធីរក្សាបន្លែដែលនៅសេសសល់ ទុកបានយូរ ដោយការបង្កក តាមទម្លាប់ជនជាតិជប៉ុន។

១ ខ្ទឹមបារាំង ចិតសំបក និងកាត់ជាបំណែកតូចៗ ងាយស្រួលញ៉ាំ ដាក់ក្នុងថង់ផ្លាស្ទិកមួយ។ បន្ទាប់មក ទុកក្នុងទូទឹកកនោះ វានឹងរក្សាបានដល់ ១ ខែឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ការ៉ុត ចិតសំបក និងកាត់ជាបំណែកតូចៗ ដើម្បីងាយស្រួលញ៉ាំ។ ដាក់ក្នុងថង់ផ្លាស្ទិចដូចគ្នា ហើយដាក់ទូទឹកក អាចទុកដលល់១ខែ។

៣ ដំឡូបារាំង លាងសំអាតដំឡូងបារាំងឲ្យបានស្អាត បន្ទាប់មក ដាក់ទាំងមូលនៅក្នុងថង់ប្លាស្ទិកហើយ រក្សាទុកក្នុងទូរទឹកកករហូតដល់ ១ខែ។

៤ ដំឡូងជ្វា លាងសម្អាតវាឲ្យស្អាត រួចកាត់វាជាដុំៗ ដែលអាចងាយយកមកញ៉ាំ។ ដាក់ក្នុងថង់ផ្លាស្ទិច អាចទុកដល់ ១ ខែដូចគ្នា។

៥ ស្ពៃក្តោប លាងសម្អាតវាឲ្យស្អាត រួចកាត់វាជាដុំៗនិងដាក់ក្នុងថង់ផ្លាស្ទិច អាចទុករហូតដល់ ១ ខែ។

៦ ប៉េងប៉ោះ លាងសម្អាតឲ្យបានស្អាត ហើយកុំដកទងចេញឲ្យសោះ បន្ទាប់មកដាក់ក្នុងថង់ប្លាស្ទិក វាអាចរក្សាទូរទឹកកកបានរហូតដល់ទៅ ២ខែ។ ពេលយកចេញទៅញ៉ាំ ត្រូវកាត់ក្បាលប៉េងប៉ោះចេញជាការស្រេច។

៧ សាឡាត់ លាងសម្អាតវាឲ្យស្អាត រួចកាត់វាជាដុំៗដែលងាយញ៉ាំ។ ដាក់ក្នុងថង់ផ្លាស្ទិច ទុកក្នុងទូរទឹកកករហូតដល់១ ខែ។

៨ ឆៃថាវ លាងសម្អាតវាឲ្យស្អាត រួចកាត់វាជាដុំៗដែលងាយញ៉ាំ។ ដាក់ក្នុងថង់ផ្លាស្ទិច ទុកក្នុងទូរទឹកកករហូតដល់ ១ ខែ។

៩ ល្ពៅ កាត់វាជាដុំតូចៗរួច ដាក់ក្នុងថង់ផ្លាស្ទិច រក្សាទុកក្នុងទូរទឹកកកបានរហូតដល់ទៅ១ ខែ ឬអាចរក្សាផ្លែល្ពៅក្នុងទូកកបានដូចគ្នា។

១០ ម្ទេសប្លោក លាងជម្រះឲ្យបានស្អាត សឹមដាក់ក្នុងថង់ប្លាស្ទិក ហើយរក្សាទុកក្នុងទូរទឹកកក បានរហូតដល់ទៅ ១ ខែ។

១១ ត្រសក់ លាងឲ្យស្អាត ហាន់ជាបន្ទះស្តើងៗ ដាក់អំបិលបន្តិចពីលើត្រសក់ដែលហាន់រួចទុកមួយសន្ទុះ បន្ទាប់មកច្របាច់ទឹកចេញ ហើយដាក់ក្នុងថង់ប្លាស្ទិក សម្រាប់បង្កក។ ទុកក្នុងទូរទឹកកករហូតដល់ ១ ខែ។

ទន្ទឹមនោះ ក្រៅពីការបរិភោគបន្លែសមនឹងតម្លៃចង់បាន ការរក្សាបន្លែដោយបង្កក គឺជាវិធីដ៏ល្អមួយ ដើម្បីសន្សំសំចៃផងដែរ។ ជាពិសេសនាពេលបច្ចុប្បន្ន ដែលតម្លៃនៃការរស់នៅ និងអាហារហូបចុក គឺមានការកើនឡើងជារៀងរាល់ថ្ងៃ៕

ប្រែសម្រូល៖ សាង ស្រីល័ក្ខ

ចុចអាន៖បន្លែ ៧ ប្រភេទ ល្អសម្រាប់អ្នកចង់សម្រកទម្ងន់ ទោះហូបច្រើនប៉ុណ្ណាក៏មិនធាត់

ចុចអាន៖ការងារ ១០ ប្រភេទ មានសម្ពាធខ្លាំង តែប្រាក់ខែវិញកប់ក្ដោង