KPT+
ប្រទេស និងរដ្ឋចំនួន ៣ មិនមានច្បាប់ឱ្យប្ដីប្រពន្ធលែងលះគ្នា
អ្នកប្រហែលជាមិនដឹងទេថា បច្ចុប្បន្ននេះ ប្រទេសអៀរឡង់ ហ្វីលីពីន និងរដ្ឋវ៉ាទីកង់ គឺជាប្រទេសដែលមិនមានច្បាប់អនុញ្ញាតឱ្យប្ដីប្រពន្ធលែងលះឡើយ។ ច្បាប់នេះក្រៅពីការលើកកម្ពស់ជីវិតអាពាហ៍ពិពាហ៍ឱ្យមានស្ថិរភាព ប្រទេសនិងរដ្ឋទាំង ៣ ក៏មានមូលហេតុផ្សេងៗគ្នាដូចតទៅ៖
សាធារណរដ្ឋអៀរឡង់
![](https://static1.bestie.vn/Mlog/ImageContent/202205/nhung-quoc-gia-khong-giai-quyet-don-ly-hon-yeu-nhau-toi-gia-nhe-d4420b.jpg)
សាធារណរដ្ឋអៀរឡង់ ពិតជាមានរឿងគួរឱ្យចាប់អារម្មណ៍មួយ ដែលអ្នកប្រហែលជាមិនទាន់ដឹងនៅឡើយ នោះគឺច្បាប់ពិសេសស្តីពីអាពាហ៍ពិពាហ៍ និងការលែងលះនៅក្នុងប្រទេសនេះ។
នៅក្នុងសាធារណរដ្ឋអៀរឡង់ ប្រជាពលរដ្ឋទទួលខុសត្រូវចំពោះនីតិវិធីចុះឈ្មោះអាពាហ៍ពិពាហ៍ប៉ុណ្ណោះ ចំពោះពាក្យសុំលែងលះវិញ មិនត្រូវអនុញ្ញាតនោះទេ។ ឮបែបនេះ មហាជនជាច្រើនប្រាកដជាភ្ញាក់ផ្អើល និងងឿងឆ្ងល់ថា ចុះបើប្ដីប្រពន្ធមិនអាចរស់នៅជាមួយគ្នាបានទៀត គួរធ្វើយ៉ាងណា? ចម្លើយគឺ ប្រទេសនេះអនុវត្តរបបអាពាហ៍ពិពាហ៍ដែលមានរយៈពេលកំណត់។
![](https://static1.bestie.vn/Mlog/ImageContent/202205/nhung-quoc-gia-khong-giai-quyet-don-ly-hon-yeu-nhau-toi-gia-nhe-7afa46.jpg)
អាពាហ៍ពិពាហ៍រយៈពេលកំណត់មានន័យថា ប្ដីប្រពន្ធគ្រប់គូអាចចុះឈ្មោះអាពាហ៍ពិពាហ៍ក្នុងរយៈពេល ១ឆ្នាំ ឬ១០០ឆ្នាំ។ បន្ទាប់ពីរយៈពេលនៃការចុះឈ្មោះបានបញ្ចប់ ទំនាក់ទំនងអាពាហ៍ពិពាហ៍ក៏បានបញ្ចប់ ហើយពួកគេអាចរៀបការជាមួយអ្នកដទៃដោយស្របច្បាប់ ឬក៏អាចសុំបន្ថែមពេលអាពាហ៍ពិពាហ៍របស់អ្នកបន្ត ១ឆ្នាំទៀតបាន។
ជាមួយនឹងអាណត្តិ ១ឆ្នាំ ប្តីប្រពន្ធត្រូវចំណាយប្រាក់ ២០០០ផោន (ជិត ២៥០០ដុល្លារអាមេរិក)។ ផ្ទុយទៅវិញប្រសិនចុះឈ្មោះរយៈពេល ១០០ឆ្នាំ ប្តីប្រពន្ធត្រូវចំណាយត្រឹមតែ ០.៥ ផោនប៉ុណ្ណោះ (ប្រហែល ៦២សេន)។ ការធ្វើបែបនេះ ក្នុងបំណងជំរុញឱ្យគូស្វាមីភរិយារស់នៅជាមួយគ្នាបានយូរ។
រដ្ឋវ៉ាទីកង់ឮ
![](https://static1.bestie.vn/Mlog/ImageContent/202205/nhung-quoc-gia-khong-giai-quyet-don-ly-hon-yeu-nhau-toi-gia-nhe-ac649b.jpeg)
វ៉ាទីកង់ ជារដ្ឋអធិបតេយ្យមួយ ដែលព័ទ្ធជុំវិញនៅក្នុងទីក្រុងរ៉ូម ប្រទេសអ៊ីតាលី។ ស្ថិតនៅលើផ្ទៃដីត្រឹមតែ ៤៤ហិចតា និងមានប្រជាជនតិចជាង ១០០០នាក់ (ទិន្នន័យក្នុងឆ្នាំ ២០១៩) បុរីវ៉ាទីកង់ត្រូវបានទទួលស្គាល់ជាប្រទេសឯករាជ្យតូចបំផុតក្នុងពិភពលោក ទាំងផ្ទៃដី និងចំនួនប្រជាជន។
![](https://static1.bestie.vn/Mlog/ImageContent/202205/nhung-quoc-gia-khong-giai-quyet-don-ly-hon-yeu-nhau-toi-gia-nhe-e87cfb.jpeg)
សាសនារបស់រដ្ឋ Vatican គឺសាសនាកាតូលិក ដែលមានសម្តេចប៉ាបជាប្រមុខដឹកនាំ។ ឥទ្ធិពលយ៉ាងជ្រាលជ្រៅនៃសាសនាកាតូលិកគឺថា មនុស្សនៅទីនេះមិនត្រូវបានអនុញ្ញាតឱ្យលែងលះគ្នានោះទេ។
សាធារណរដ្ឋហ្វីលីពីន
![](https://static1.bestie.vn/Mlog/ImageContent/202205/image01-22205f9f8c3e4bbfb2ab3a7d8d95ee2d-75cace.jpg)
យោងតាមច្បាប់របស់ប្រទេសនានាជុំវិញពិភពលោក ប្រជាពលរដ្ឋមានសិទ្ធិចូលរោងការដោយស្ម័គ្រចិត្ត ហើយប្តីប្រពន្ធអាចប្តឹងលែងលះបាន ប្រសិនបើអាពាហ៍ពិពាហ៍មិនចុះសម្រុង។ ទោះយ៉ាងណា សាធារណរដ្ឋហ្វីលីពីន មានភាពខុសគ្នាពីប្រទេសនានាលើលោក។ ប្រទេសនេះមិនមានច្បាប់លែងលះឡើយ ដោយសាររដ្ឋធម្មនុញ្ញហ្វីលីពីនចែងយ៉ាងច្បាស់ថា “អាពាហ៍ពិពាហ៍គឺជាស្ថាប័នសង្គមដែលមិនអាចរំលោភបាន និងមូលដ្ឋានគ្រឹះនៃគ្រួសារ ហើយគួរតែត្រូវបានការពារដោយរដ្ឋ” ។
![](https://static1.bestie.vn/Mlog/ImageContent/202205/ly-hon-2-qexs-b0e267.jpg)
ការលែងលះនៅប្រទេសហ្វីលីពីនគឺពិបាកខ្លាំងណាស់។ ដោយសារតែ ភាគច្រើននៃអ្នកកាន់សាសនាគ្រឹស្តរៀបការនៅក្នុងព្រះវិហារ។ ដូច្នេះ ដើម្បីចាកចេញពីអាពាហ៍ពិពាហ៍ដែលមិនចុះសម្រុង ពួកគេត្រូវតែទទួលបានការយល់ព្រមពីព្រះវិហារ និងទទួលបានការយល់ព្រមពីអាជ្ញាធរ។ ដំណើរការនេះចំណាយពេលច្រើនឆ្នាំ ហើយមានតម្លៃថ្លៃណាស់។
![](https://static1.bestie.vn/Mlog/ImageContent/202205/2a-55e186.jpg)
ជាទូទៅស្ត្រីជាច្រើនមិនអាចលែងលះពីស្វាមីបានទេ ទោះបីជាអាពាហ៍ពិពាហ៍មិនបាននាំមកនូវសុភមង្គលដល់ពួកនាងក៏ដោយ។ បច្ចុប្បន្ន ញត្តិស្នើឲ្យការមានលែងលះស្របច្បាប់ កំពុងត្រូវបានពិចារណាដោយសភាតំណាងហ្វីលីពីនហើយ៕
តើប្រិយមិត្តយល់យ៉ាងណាដែរ ចំពោះច្បាប់នេះ?
ប្រែសម្រួល៖ សន្យា
ចុចអាន៖ មិនស្រួលទេ! ដើម្បីក្លាយជាបុរសពេញលក្ខណៈ កុលសម្ព័ន្ធនៅព្រៃ Amazon ត្រូវឆ្លងកាត់ភាពឈឺចាប់ ឲ្យស្រមោចខាំ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច