KPT+
រស់នៅក្នុងការរំពឹងទុករបស់អ្នកដទៃ ជាឫសគល់មួយ ធ្វើឱ្យអ្នកបាត់បង់ភាពជាខ្លួនឯង
ការដឹងខ្លួនថា អ្នកបាត់បង់ភាពជាខ្លួនឯង គឺជាចំណុចចាប់ផ្ដើមដ៏ល្អមួយក្នុងការកែប្រែ ទៅរកអ្វីដែលថ្មី និងផ្តល់ភាពរីកចម្រើននាពេលខាងមុខ។ ប៉ុន្តែអ្វីដែលគ្រោះថ្នាក់ជាងនេះទៀត គឺការកំពុងវង្វេង ហើយមិនដឹងថា ខ្លួនអ្នកកំពុងបាត់បង់ភាពជាខ្លួនឯងទៀត។
អ្នកគួរដឹងឫសគល់ពីបញ្ហា ដែលធ្វើឱ្យអ្នកបាត់បង់ភាពជាខ្លួនឯងជាមុនសិន ទើបអ្នកអាចរកដំណោះស្រាយចេញ។ ដូច្នេះ អត្ថបទខាងក្រោម នឹងលើកយកហេតុផលទាំង ៦ ដែលជាដើមហេតុ ជំរុញអ្នកមិនឱ្យរកឃើញខ្លួនឯងពីមួយថ្ងៃទៅមួយថ្ងៃ។
១. បង្អាប់បន្ទោសខ្លួនឯង
ជារឿយៗអ្នកតែងតែនិយាយរិះគន់ខ្លួនឯង ហើយគិតថាខ្លួនអ្នកធ្វើអ្វីក៏គ្មានតម្លៃ។ បើសិនជាអ្នកមានទម្លាប់ទាំងនេះ វានឹងធ្វើឱ្យភាពជឿជាក់ និងការគោរពចំពោះខ្លួនឯងបាត់បង់ពីថ្ងៃទៅមួយថ្ងៃ។ ជាពិសេស ការគិត និងអារម្មណ៍អវិជ្ជមានផ្តល់ភាពតែលតោលក្នុងជីវិតរបស់អ្នក។
២. មិនកំណត់គោលដៅ
មុនដំបូង វាចាប់ផ្តើមពីអារម្មណ៍គ្មានគោលដៅ និងមិនពេញលេញ។ បន្ទាប់មកអ្នកនឹងស្រពិចស្រពិល មិនដឹងថាគួរធ្វើអ្វីបន្តទៀតក្នុងឆាកជីវិត ដោយគ្រាន់តែរស់មួយថ្ងៃគិតមួយថ្ងៃ។ នេះជាអារម្មណ៍មួយ ដែលមនុស្សជាច្រើនកំពុងជួបប្រទះ អ្នកមិនមែនឯកាតែម្នាក់ឯងនោះទេ។
៣. គ្មានពេលវេលាសម្រាប់ខ្លួនឯង
មនុស្សម្នាក់ៗសុទ្ធតែមានពេលវេលារវល់រៀងៗខ្លួន ប៉ុន្តែបើសិនជាអ្នកមិនឆ្លៀតទេ វាជាសញ្ញានៃភាពគ្រោះថ្នាក់មួយសម្រាប់ផែនការជីវិតនាពេលអនាគត។ ការចំណាយពេលវេលាផ្ទាល់ខ្លួន ពិតជាមានសារៈសំខាន់ណាស់ ក្នុងការជួយអ្នកឱ្យស្គាល់ពីខ្លួនឯង និងរៀនស្វែងយល់ពីខ្លួនឯង ម្តងបន្តិចៗ។ ជាក់ស្ដែង ដូចជាអ្នកម្តាយដែលមានកូនតូច ហើយពីមួយថ្ងៃទៅមួយថ្ងៃ គាត់ត្រូវចំណាយពេលវេលានៅតែមើលថែកូនជាប់ជានិច្ច។ រហូតដល់ថ្ងៃមួយទើបគាត់ដឹងខ្លួនថា គាត់មិនបានបំពេញអ្វីសោះ ក្នុងឆាកជីវិតរបស់ខ្លួនឯងផ្ទាល់។
៤. ភាពស្លន់ស្លោ
ចំពោះអ្នកដែលមានការងារច្រើនត្រូវបំពេញ ជាមួយពេលវេលាដ៏ខើចខ្លី។ ពេលវេលាកាន់តែដើរទៅមុខ ហើយកាតព្វកិច្ចតែងតែខិតចូលមកដល់ជាបន្តបន្ទាប់។
៥. រស់នៅក្នុងការរំពឹងទុករបស់អ្នកដទៃ
ការមានឱកាសបានស្តាប់ និងទទួលយកដំបូន្មានរបស់អ្នកដទៃជារឿងល្អ។ ប៉ុន្តែការបាត់បង់ខ្លួនឯង ក៏ចាប់ផ្ដើមចេញពីចំណុចនេះដែរ ដោយអ្នករស់នៅក្នុងការរំពឹងទុករបស់អ្នកដទៃ។ អ្នកតែងតែធ្វើតាមសំណូមពររបស់អ្នកដទៃ ទោះបីអ្នកមិនពេញចិត្តទាល់តែសោះ ពីព្រោះខ្លាចអ្នកដទៃអន់ចិត្ត និងខកចិត្តជាដើម។
៦. មិនពេញចិត្តការងាររបស់ខ្លួន
បើសិនជាអ្នករកឃើញថា ការងារបច្ចុប្បន្នរបស់អ្នកធ្វើឱ្យអ្នកមិនសប្បាយចិត្ត អ្នកត្រូវចាកចេញពីវាភ្លាម ដោយប្រើប្រាស់ឱ្យអស់លទ្ធភាពចំពោះវិធីដែលត្រឹមត្រូវ។ ជាការពិត លុយពិតជាសំខាន់ ប៉ុន្តែអ្វីដែលមានតម្លៃលើសនេះរាប់រយដងទៀត គឺសុខភាពផ្លូវចិត្តរបស់អ្នក។ ម្យ៉ាងបើអ្នកនៅតែបន្តធ្វើការងារដែលអ្នកមិនស្រឡាញ់ អ្នកនឹងរឹតតែបាត់បង់ខ្លួនឯងកាន់តែជ្រៅទៅៗ។
បន្ទាប់ពីអានចំណុចទាំង ៦ ខាងលើ តើអ្នកមានបានចាប់អារម្មណ៍ថាសកម្មភាព ក៏ដូចជាអត្តចរិករបស់អ្នកមានចូលក្នុងចំណុចមួយណាខាងលើឬទេ? បើសិនជាមាន វាមិនទាន់ហួសពេលក្នុងការកែប្រែទៅរកភាពជាខ្លួនឯង ជាមួយអ្វីដែលល្អ ដោយកម្ពុជាថ្មីនឹងព្យាយាមឆ្កឹះយកដំណោះស្រាយល្អៗ នៅអត្ថបទក្រោយៗទៀត។៕
ប្រែសម្រួល៖ លីលី
ចុចអាន៖សំគាល់ ៥ យ៉ាងនេះ បញ្ជាក់បានថា អ្នកកំពុងស្ថិតក្នុង Comfort Zone ហើយ
ចុចអាន៖ស្មុគស្មាញខ្លាំង គន្លឹះ ៥ នេះ នឹងជួយបំពេញជីវិតឲ្យមានន័យវិញ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
លោកសុខ ពេញវុធ ត្រូវបានប្រកាសតែងតាំងជាប្រធានក្រុមការងារយុវជនគណបក្សរាជធានីភ្នំពេញជំនួសលោក នួន ផារ័ត្ន
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
តម្លៃប្រេងកើនឡើងពេលបញ្ចប់ការជួញដូរ ជាមួយអត្រាប្រចាំសប្ដាហ៍ខ្ពស់បំផុតតាំងពីខែវិច្ឆិកា
ថៃ និងកូរ៉េខាងត្បូងចរចាគ្នា លើកិច្ចព្រមព្រៀងពាណិជ្ជកម្មសេរី
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៤ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព២ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៦ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ