KPT+

មកដឹងពី Oiran ស្ត្រីសម្រាប់កម្សាន្តអារម្មណ៍ នៅប្រទេស ជប៉ុន តែប៉ុណ្ណោះ

បានផុស

២ years មុន

នៅ

ថ្ងៃពុធ ៨ មិថុនា ២០២២

ដោយ

អយរ៉ាន់ (Oiran) គឺជាមនុស្សស្រីដែលមានកិត្តិយស សេចក្ដីថ្លៃថ្នូរ និងឋានៈខ្ពស់បំផុតក្នុងចំណោមស្ត្រីរកស៊ីផ្លូវភេទនៅប្រទេសជប៉ុន។ កាលពីឆ្នាំ ១៦០០ ដល់ឆ្នាំ ១៨៦៨ (Yoshiwara ដែលបច្ចុប្បន្នជាទីក្រុង តូក្យូ) នៅទីនោះជាតំបន់ដែលច្បាប់អនុញ្ញាត ឲ្យការរកស៊ីផ្លូវភេទជាអំពើស្របច្បាប់ក្នុងប្រទេសជប៉ុន។

**អយរ៉ាន់ និង កាមូរ៉ូ (Kamuro) ក្មេងស្រីបម្រើជំនិតរបស់អយរ៉ាន់**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យ “អយរ៉ាន់” មានន័យថា បងស្រីធំរបស់ពួកយើង ដែលក្មេងៗបម្រើពួកនាងតែងតែហៅនៅជំនាន់នោះ រួចជាប់មកជាផ្លូវការតែម្ដងទៅ។ អ្នកដែលអាចហៅ អយរ៉ាន់ មកកំដរអារម្មណ៍បាន ត្រូវតែមានផ្ទះជាធ្នាក់ហៅនាងមក ហើយគេត្រូវប្រាកដថាភ្ញៀវនោះជាមនុស្សមានប្រាក់ មានអំណាច ទើបគេទទួលមុននឹងបម្រើសេវាកម្មផ្លូវភេទនេះ ភ្ញៀវត្រូវជួបមុខអយរ៉ាន់គ្រប់បីដងដូចខាងក្រោមសិន៖

-ដំណាក់កាលទី១៖ អយរ៉ាន់ មកអង្គុយឆ្ងាយពីភ្ញៀវ នាងមិនផឹក មិនហូប មិននិយាយអ្វីទាំងអស់ទុកឲ្យភ្ញៀវបង្ហាញពីអំណាច និងទឹកប្រាក់ជាមុន

– ដំណាក់កាលទី២៖ ការណាត់ជួបលើកនេះដូចលើកទីមួយដែរ ប៉ុន្តែនាងខិតជិតជាងមុន

-ដំណាក់កាលទី៣៖ អយរ៉ាន់នឹងផ្ដល់សេវាកម្មដល់ភ្ញៀវនោះ។

គួរបញ្ជាក់ដែរថា អ្នកមិនអាចហៅ អយរ៉ាន់ មកបានតាមចិត្តចង់នោះទេ ពីព្រោះក្រុមនេះមានម៉ែយ៉ែមមួយហៅថា យ៉ារីតេ (yarite) ដើម្បីទុកឲ្យភ្ញៀវទំនាក់ទំនងតាមគាត់។ យ៉ាងណាមិញ បើទោះបី អយរ៉ាន់ ជាស្ត្រីរកស៊ីផ្លូវភេទ ប៉ុន្តែនាងមានឋានៈខ្ពស់ជាងភ្ញៀវ មិនថាភ្ញៀវនោះជាអ្នកមានអំណាចមកពីណាក៏ដោយ៕

អត្ថបទ៖ វារី

ចុចអាន៖ការជ្រលក់ម្រាមដៃជាមួយទឹកថ្នាំ ក្រោយបោះឆ្នោតរួច មានប្រវត្តិយ៉ាងណា?

ចុចអាន៖រឿងរ៉ាវប្លែកៗ ៩ ប្រភេទលើលោក មនុស្សជាច្រើនមិនសូវជាដឹងនោះទេ