ធ្មេញច្រពើស ជាស្ដង់ដារស្រីស្អាតរបស់នារីជប៉ុន

នៅក្នុងបណ្តាប្រទេសនានាលើលោក ស្នាមញញឹមដែលមានធ្មេញរាបស្មើ ត្រូវបានចាត់ជាភាពស្រស់ស្អាត ប៉ុន្តែសម្រាប់ជប៉ុនបែរជាផ្ទុយពីនេះ។ នៅជប៉ុន ស្ត្រីវ័យក្មេងជាច្រើននាក់នាំគ្នាទៅកាន់គ្លីនិកធ្មេញ ដើម្បីធ្វើធ្មេញរបស់ពួកគេឲ្យមើលទៅច្រពើស សឹងកន្លះប្រទេស។ រូបរាងធ្មេញបែបនេះ ត្រូវបានប្រជាជនក្នុងស្រុកចាត់ទុកថា គួរឱ្យស្រឡាញ់ ព្រោះពួកគេជឿថា វាជានិមិត្តរូបនៃសម្រស់ស្ដង់ដារ ឬសម្រស់ធម្មជាតិពិតៗ។

ធ្មេញច្រពើស ត្រូវបានជនជាតិជប៉ុនឱ្យឈ្មោះថា “yaeba” ឬ “snaggletooth”។ វាជាធ្មេញដែលស្ត្រីជប៉ុនចាត់ទុកជាភាពស្រស់ស្អាតត្រូវតាមស្ដង់ដារ ដោយអាចបង្កើតឱ្យមានស្នាមញញឹមឥតខ្ចោះ និងទាក់ទាញបុរសៗ។

អ៊ីចឹងហើយ ទើបបានជាក្មេងស្រីវ័យជំទង់ដែលពុំមានធ្មេញច្រពើសពីកំណើត តែងតែទៅទទួលការវះកាត់មាត់ធ្មេញ ដើម្បីពន្លូតធ្មេញរបស់ពួកគេឱ្យមើលមានរាងច្រពើស ឬពន្លូតធ្មេញឱ្យលេចចេញស្រដៀងចង្កូមឆ្មា។

ទោះយ៉ាងណា បច្ចុប្បន្នទំនៀមទម្លាប់ធ្វើធ្មេញ “yaeba” មិនមែនស្ត្រីគ្រប់គ្នាសុទ្ធតែពេញចិត្តនឹងធ្វើវាឡើយ។ ដោយសារយុគឌីជីថលចូលមកកាន់ពិភពលោក ស្ត្រីសម័យថ្មីមួយចំនួនធំ រក្សាធ្មេញពួកគេឱ្យនៅតាមបែបធម្មជាតិ ហើយមួយចំនួនទៀតនាំគ្នាពត់វាឱ្យរាបស្មើដូចស្ត្រីសាសន៍ដទៃដូច្នោះដែរ៕

ប្រែសម្រួល៖ សន្យា

ចុចអាន៖ ទំនៀមទម្លាប់សាក់លើចង្កា និងបបូរមាត់ ដើម្បីទាក់ទាញភេទផ្ទុយ