KPT+

៣ វិធី ឈប់ត្រាំត្រែងនឹងស្នេហាដែលស្រលាញ់គេតែម្ខាង

បានផុស

៣ years មុន

នៅ

ថ្ងៃសុក្រ ១៧ មិថុនា ២០២២

ដោយ

ស្រលាញ់គេ តែគេមិនស្រលាញ់ ជាអារម្មណ៍នៃការឈឺចាប់ខ្លាំង ព្រោះត្រូវស៊ូទ្រាំនឹងស្នេហាដែលគេមិនតបស្នងមកវិញ ហើយវាក៏ប៉ះពាល់យ៉ាងខ្លាំង ដល់សុខភាពផ្លូវចិត្ត និងរាងកាយរបស់យើងដូចគ្នា។

ការព្យាយាមបំភ្លេចមនុស្សដែលយើងលួចស្រលាញ់ គឺពិបាកណាស់។ ប៉ុន្តែ អ្នកអាចធ្វើវាបាន ប្រសិនបើចិត្តនិងបេះដូងមួយនេះ ពិតជាចង់បញ្ចប់ទៅពិតមែន។

១ ទទួលយកការពិតគ្រប់យ៉ាងទាំងអស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកត្រូវតែទទួលយកការពិត ថាអ្នកស្ថិតក្នុងស្ថានភាពស្នេហាតែម្ខាង បើសិនម្ខាងទៀតមិនបានឆ្លើយតបនឹងសេចក្ដីស្រឡាញ់ដែលអ្នកមានចំពោះគេទេ។ ដូច្នេះហេតុអ្វីបានជាត្រូវខ្ជះខ្ជាយពេលវេលា ទៅលើការព្យាយាមដែលមិនបានផល? ប្រសិនបើអ្នកបានប្រឹងប្រែងអស់ពីសមត្ថភាព ដើម្បីបង្ហាញគាត់ថា តើអ្នកមានសារៈសំខាន់ប៉ុណ្ណា។ ប៉ុន្តែនៅទីបញ្ចប់ វានៅតែមិនអាចទៅរួច។ គាត់មិនស្រឡាញ់អ្នកដូចដែលអ្នកចង់បានទេ។ គួរតែឈប់រំពឹងអ្វីដែលមិនអាចទៅរួច ព្រោះវានឹងធ្វើឲ្យអ្នករងទុក្ខ កាន់តែខ្លាំងឡើងទៅៗ។

២ កុំជាប់ក្នុងភាពសោកសៅយូរ រហូតភ្លេចថា នៅមានក្ដីស្រឡាញ់ដ៏ល្អកំពុងរង់ចាំ

នៅពេលដែលដឹងថា ម្ខាងទៀតមិនបានស្រលាញ់អ្នកទេ អ្នកអាចបណ្ដោយឲ្យខ្លួនឯងធ្លាក់ក្នុងភាពសោកសៅ ហើយយំដោយមិនខ្វល់ពីអ្វីទាំងអស់។ ប៉ុន្តែភាពសោកសៅ ការយំយែក មិនគួរយូរពេក រហូតភ្លេចខ្លួននោះទេ។ អ្នកអាចសោកស្តាយវាបាន ប៉ុន្តែមិនមែនមានន័យថា ត្រូវធ្វើឲ្យជីវិតខូចខាត រហូតភ្លេចមើលមនុស្សល្អៗដែលបម្រុងដើរចូលមកជីវិតអ្នកឡើយ។ មានមនុស្សដែលត្រៀមខ្លួនផ្ដល់ក្ដីស្រលាញ់ដល់អ្នក ហើយមិនចាំបាច់ព្យាយាម គ្រាន់តែពេលនេះ វាមិនមែនជាពេលវេលាសម្រាប់យើងនិងគេប៉ុណ្ណោះ។

៣ ក្រោកឡើង ហើយចាប់ផ្ដើមជីវិតថ្មី

នៅពេលដែលអ្នកចង់រួចផុតពីទុក្ខ អ្នកគួរតែក្រោកឡើងហើយប្រយុទ្ធនឹងជីវិតនេះបន្តទៅមុខទៀត។ បន្ទាប់មកបង្វែរទំនាក់ទំនងដែលមិនអាចទៅរួច។ កុំទុកពេលឲ្យពេលវេលានោះខ្ជះខ្ជាយ ចូររស់នៅដោយសុភមង្គលផ្ទាល់ខ្លួនរបស់អ្នកហើយចាប់ផ្ដើមជីវិតថ្មី។ សំខាន់នៅពេលធ្វើការសម្រេចចិត្ត កុំមើលទៅក្រោយ ព្រោះវាអាចធ្វើឲ្យបេះដូងរបស់អ្នកលោតញាប់។ ដូច្នេះត្រូវរឹងមាំ ហើយទន្ទេញថា ខ្ញុំអាចសប្បាយចិត្តដោយខ្លួនឯង ដោយគ្មានគេបាន។

ទំនាក់ទំនងស្នេហាតែម្ខាង វាជាស្នេហាដែលធ្វើឲ្យគ្រប់មនុស្សដែលចង់សាករសជាតិនេះ តែងទទួលបានការឈឺចាប់និងរងទុក្ខ។ ប៉ុន្តែមិនថាអ្នកជួបស្នេហាប្រភេទណា ចូរប្រែក្លាយទុក្ខសោកទៅជាថាមពល ដើម្បីផ្លាស់ប្តូរខ្លួនឯងឲ្យកាន់តែប្រសើរឡើង។ កុំបន្ទោសអ្នកណា ឬខ្លួនឯង ថាមកពីបែបនេះបែបនោះ តែត្រូវលើកទឹកចិត្តខ្លួនឯងវិញ។ ប្រសិនបើអ្នកចង់បានមនុស្សល្អៗចូលមកជីវិត អ្នកក៏ត្រូវរៀនស្រឡាញ់មើលថែខ្លួនឯង និងឲ្យតម្លៃខ្លួនឯងមុន មិនមែនបន្ទាបកាយរហ័សជាងមាត់នោះទេ។ អ្វីដែលបានដោយងាយ វាក៏របូតទៅងាយ សូមចងចាំទុក៕

ប្រែសម្រួល៖ សាង ស្រីល័ក្ខ

ចុចអាន៖ហេតុផល ៥ យ៉ាង បង្ហាញថា អ្នកនិងដៃគូ មិនអាចសាងអនាគតរួមគ្នាបានទេ

ចុចអាន៖ចរិតលក្ខណៈ ៥ យ៉ាង របស់គូស្នេហ៍ ដែលបញ្ចាក់ថា គាត់ស្រលាញ់អ្នកស្មោះខ្លាំង