KPT+

៤ គន្លឹះ ថែរក្សាកាបូបឲ្យនៅតែរលោងស្អាត ក្នុងរដូវវស្សា

បានផុស

៣ years មុន

នៅ

ថ្ងៃអង្គារ ២១ មិថុនា ២០២២

ដោយ

ខណៈពេលដែលអ្នកទើបតែទិញកាបូបថ្មី ហើយរំភើបក្នុងការប្រើប្រាស់។ ប៉ុន្តែបែរជាមានភ្លៀងធ្លាក់ជាបន្តបន្ទាប់ នៅខាងក្រៅ ច្បាស់ណាស់ថា ទឹកភ្លៀងនឹងធ្វើឲ្យកាបូបសើមខូច ឬដុះផ្សិតមិនខាន។ ប្រសិនបើអ្នកស្រលាញ់កាបូប យើងខ្ញុំមានវិធីថែរក្សាកាបូបទាំងថ្មី និងចាស់ ដើម្បីការពារកុំឲ្យសើម នៅរដូវវស្សានេះ។

១ ស្ព្រាយបាញ់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលប្រើកាបូប អ្នកអាចប្រើផលិតផលដើម្បីការពារកាបូបពីការប្រឡាក់ និងជ្រាបទឹក។ មុននឹងបាញ់ស្ព្រាយ ត្រូវប្រាកដថាកាបូបបានសម្អាតស្អាតរួចហើយ។

២ អាវភ្លៀង

មានអាវភ្លៀងតូចមួយទុកក្នុងកាបូបក៏បាន ឬដាក់តាមខ្លួនជាប់ក្នុងរដូវកាលនេះ ពិតជាប្រសើរបំផុត។ អាវភ្លៀងអាចបត់បាន ដោយដាក់ចូលក្នុងកាបូប ដែលអ្នកអាចទុកដាក់បានយ៉ាងងាយស្រួលបំផុត។

៣ ឧបករណ៍បម្លែងសំណើម

អ្នកត្រូវដាក់ឧបករណ៍បម្លែងសំណើមនៅក្នុងទូ ឬថង់ធូលី ដើម្បីការពារកាបូបពីការបង្កើតផ្សិត ដែលបង្កគ្រោះថ្នាក់ពីសំណើមនៅក្នុងខ្យល់។

៤ ពន្លឺព្រះអាទិត្យ

ប្រសិនបើមានពន្លឺព្រះអាទិត្យចូលមក សូមចាប់យកឱកាសនេះ ដើម្បីខ្យល់ចេញចូលក្នុងកាបូប។ កាបូបដែលទុកក្នុងទូយូរពេក អាចបង្កជាផ្សិត ហើយក៏ត្រូវប្រុងប្រយ័ត្នរក្សាវាឲ្យបានល្អ មុនពេលភ្លៀងដែរ។

ប្រសិនបើអ្នកបានអនុវត្តដូចដែលបានរៀបរាប់ខាងលើ យើងខ្ញុំធានាថា កាបូបនោះនឹងប្រើបន្តដល់កូនចៅមិនខានទេ៕

ប្រែសម្រួល៖ សាង ស្រីល័ក្ខ

ចុចអាន៖៥ តិចនិក ថែរក្សាកាបូបប្រណិតឲ្យនៅគង់វង្ស ប្រើដល់កូនចៅជំនាន់ក្រោយ

ចុចអាន៖៤ វិធី ការពារទឹកហូរចូលផ្ទះ ក្នុងរដូវវស្សានេះ