វប្បធម៌កូរ៉េខាងត្បូង ៥ យ៉ាង គួរបង្រៀនដល់កូនប្រុស-ស្រី

ប្រសិនបើអ្នកចូលចិត្តមើលភាពយន្ត និងរឿងភាគកូរ៉េ អ្នកប្រាកជាបាន​ឃើញ​ឈុតខ្លះ ដែលបង្ហាញពីវប្បធម៌របស់ប្រជាជន​នៅកូរ៉េ​ខាងត្បូង​ថា ពួកគេ​មាន​ទម្លាប់​បែបណា។ ជាការពិត មិនមានអ្វីខុស​ទេក្នុងការ​ចូលចិត្ត​ទស្សនា​រឿង​កូរ៉េ ជាពិសេសសម្រាប់យុវវ័យ ដោយសារ​តែ​មាន​រឿងវិជ្ជមានជាច្រើន ដែលអាចទទួលយកនិងរៀនតាមបាន ហើយ​បង្រៀន​ដល់​ក្មេងៗ​គួរយកតម្រាប់តាម។

១ តួនាទី​របស់​បងប្អូន​ប្រុស​ស្រី

នៅ​ក្នុង​វប្បធម៌​កូរ៉េ​ ក្មេង​តូចៗ​ត្រូវ​តែ​មាន​សុជីវធម៌​ចំពោះ​មនុស្ស​ចាស់។ នេះជាការពិត​ មិនត្រឹម​តែ​បង្រៀន​នៅ​ក្នុង​សាលារៀន​ប៉ុណ្ណោះ​ទេ ប៉ុន្តែនៅក្នុងគ្រួសារផងដែរ។ ជា​ធម្មតា បងប្រុស​​នឹង​ត្រូវ​បាន​បង្រៀន​តាំង​ពីតូច ឲ្យ​ចេះ​មើល​ថែ​ប្អូនប្រុស​ស្រី​ជានិច្ច ទោះ​ស្ថិតក្នុង​កាលៈទេសៈ​ណា​ក៏​ដោយ។ ការ​ធ្វើ​ដូចនេះ ​នឹង​ធ្វើឲ្យបងប្រុស​មាន​អារម្មណ៍​ថា​គាត់​មាន​ទំនួល​ខុសត្រូវ​ខ្ពស់ ​ក្នុង​ការ​ការពារ​ប្អូន​ប្រុស​ស្រី។

២ សីលធម៌​នៅ​ពេល​ញ៉ាំ

អ្នកប្រាកដជាធ្លាប់ឃើញឈុតឆាកក្នុងរឿងភាគកូរ៉េខាងត្បូង ដែលក្មេងៗ​នឹង​អញ្ជើញ​មនុស្ស​ចាស់​មក​ញ៉ាំ ឬ​ផឹក​ជាមុនសិន។ នៅ​ក្នុង​វប្បធម៌​កូរ៉េ​ខាង​ត្បូង ឪពុក​ម្ដាយ​តែង​បង្រៀន​កូន​របស់​ពួក​គេ​កុំ​ឲ្យយក​ ឬផឹកមុន​មនុស្ស​ចាស់​ទុំ​ក្នុង​រឿង​អ្វី​មួយក៏ដោយ។ តាមពិតទៅ កុមារ​ត្រូវ​បាន​បង្រៀន​ឲ្យ​ញ៉ាំអាហារឲ្យ​បានគ្រប់គ្រាន់ និងមិនទុកចោល​ណាមួយ ដើម្បី​គោរព​ដល់​ឪពុកម្តាយ​ដែល​បាន​ចម្អិន។ លើស​ពី​នេះ គេ​ក៏​ត្រូវ​បាន​គេ​បង្រៀនឲ្យ​និយាយ​ថា​ សប្បាយ​ចិត្ត​ពេល​ញ៉ាំ​អាហារ​ដែល​មនុស្ស​ចាស់​បាន​ធ្វើ។

៣ កុំបោះបង់

នៅប្រទេសកូរ៉េ តាំងពីកុមារភាពមក កុមារត្រូវបានបង្រៀនមិនឲ្យចុះចាញ់ដោយងាយ និង​ប្រឹងប្រែង​ដើម្បីទទួលបាននូវអ្វីដែលពួកគេចង់បាន។ វាមិនចាំបាច់ត្រូវមានអ្វីអស្ចារ្យនោះទេ ប៉ុន្តែ​ឪពុកម្ដាយ​នឹង​បង្កើត​ទម្លាប់​មួយ​សម្រាប់កូនៗដោយ​បង្រៀន​កូន​ឲ្យ​ទុកលុយហោប៉ៅរបស់ពួកគេ ​សម្រាប់​ការ​សន្សំ។ ក្នុង​អំឡុង​ពេល​ដំណើរ​ការ​សន្សំ ឪពុកម្ដាយ​មាន​តួនាទី​សំខាន់​ក្នុង​ការ​បន្ត​ផ្ដល់​ជំនួយ​ដល់​កុមារ ដើម្បីកុំឲ្យ​ពួកគេ​បោះបង់​ចោល​ដោយ​ងាយ។

៤ បង្ហាញពីសេចក្តីស្រលាញ់

ពេលខ្លះ កុមារមានទំនោរពិបាកក្នុងការបង្ហាញពីសេចក្តីស្រឡាញ់​របស់ពួកគេ ចំពោះ​គ្រួសាររ​ណាស់។ អ្នកដឹងទេ វប្បធម៌កូរ៉េខាងត្បូងនេះ អាចយកតម្រាប់តាមបាន។ កុមារពីកុមារភាព​ត្រូវ​បាន​ទម្លាប់និ​យាយ​ថា “Saranghae” ឬ “ខ្ញុំស្រឡាញ់អ្នក” ទៅកាន់មនុស្សដែលពួកគេ​យកចិត្តទុកដាក់ ដូចជា​ឪពុកម្ដាយ ​បងប្រុស ឬបងស្រី។ លើសពីនេះ ការស្រលាញ់ ឬស្នេហា​ក៏អាច​បង្ហាញ​តាមរយៈកាយវិការ​រាងកាយ ក្នុងទម្រង់ជា​​ម្រាមដៃបេះដូង។ ជាមួយ​នឹងវប្បធម៌នៃការបង្ហាញ ឬ​បង្ហាញ​ពីក្តី​ស្រលាញ់ដោយបើកចំហ ទំនាក់ទំនងជិ​តស្និទ្ធរវាងកុមារ និងឪពុកម្តាយនឹងត្រូវ​បាន​បង្កើត​ឡើងដោយឥតព្រាងទុក។

៥ អាកប្ប​កិរិយា​របស់​បុរស​ចំពោះ​ស្ត្រី

ប្រសិនបើអ្នកឃើញឈុតឆាកស្នេហាក្នុង​រឿងភាគកូរ៉េ ដែលតួប្រុសនឹង​ប្រព្រឹត្ត​ចំពោះគូស្នេហ៍​របស់​គេ​បានល្អនោះ នេះគឺជា​ទម្រង់​មួយនៃភាព​ជោគជ័យ​របស់​ឪពុកម្ដាយ។ នៅក្នុងវប្បធម៌កូរ៉េខាងត្បូង ឪពុកម្តាយបង្រៀនក្មេងប្រុសពីរបៀប​ប្រព្រឹត្តចំពោះ​ក្មេងស្រីបាន​យ៉ាងល្អ ជាក់ស្តែង​នៅក្នុងរឿង Descendants of the Sun តារាសម្ដែង Song Joong Ki ដែលដើរតួជា Captain Yoo Si Jin បាននិយាយថា តាំងពីកុមារភាពមក គាត់ត្រូវបានឪពុកម្តាយ​បង្រៀន​ឲ្យ​ចេះការពារមនុស្សស្រីគ្រប់កន្លែង​ដែល​គាត់​នៅ។ វាមិនចម្លែកទេ​ ដែលក្មេងប្រុសនៅ​កូរ៉េ​មាន​ទំនួលខុសត្រូវ ក្នុងការការពារក្មេងស្រីនៅជុំវិញពួកគេ។

ក្រៅ​ពី​ចំណុច​វិជ្ជមាន​ដែល​អាច​ទទួល​យក​បាន​ពី​វប្បធម៌​កូរ៉េ​ខាង​ត្បូង ឪពុក​ម្ដាយ​មាន​វិធី​ផ្ទាល់​ខ្លួន​​ក្នុង​ការ​អប់រំ​កូន​ឲ្យ​ក្លាយ​ជា​បុគ្គល​ល្អ​ប្រសើរ៕

ប្រែសម្រួល៖ សាង ស្រីល័ក្ខ

ចុចអាន៖តារា កូរ៉េ ១៣ រូប តស៊ូរហូតបញ្ចប់ការសិក្សា ទោះមានឈ្មោះល្បីរន្ទឺហើយក្ដី