មូលហេតុ WASABI​ សុទ្ធ មានតម្លៃថ្លៃកប់ពពក

និយាយពី Wasabi នឹកឃើញទឹកស៊ីអ៊ីវជប៉ុននិងត្រីសាល់ម៉ុនភ្លាម ប៉ុន្តែអ្នកដែលចូលចិត្តភាគច្រើន មិនដឹងទេថា Wasabi រាល់ថ្ងៃមិនមែន​ជា​របស់​ពិត​​ទេ​ ព្រោះ​របស់ពិតមានរសជាតិត្រឹមតែ ១៥នាទីតែប៉ុណ្ណោះ។ Wasabi ស្រស់សុទ្ធមានតម្លៃខ្ទង់២០០ដុល្លារក្នុងមួយគីឡូក្រាម ដូច្នេះ​ភោជនីយដ្ឋាន​ច្រើន​មិន​ប្រើរបស់ពិតទេ ​គេប្រើ Wasabi សិប្បនិម្មិត​ជំនួសវិញ។

Wasabi ជាដំណាំដុះនៅប្រទេសជប៉ុន កូរ៉េខាងត្បូង សាខាលីន និងរុស្ស៊ី ហើយលក្ខខណ្ឌក្នុងការដាំដុះវាគឺគេដាំនៅតំបន់ភ្នំមានសីតុណ្ណភាពត្រជាក់ពី៨ទៅ២០អង្សាសេ ពីធម្មជាតិនិងនៅក្នុងម្លប់ អ្វីដែលគួរឲ្យភ្ញាក់ផ្អើលនោះគឺវាដុះពីថ្មក្រួស មិនប្រើដីដូចដំណាំទូទៅនោះទេ បើទឹកដែលត្រូវផ្គត់ផ្គង់វាទៀតសោត ត្រូវតែហូរមិនឈប់ មិនដូច្នោះទេ Wasabi ប្រាកដជាលូតលាស់មិនល្អ ឬមិនលូតលាស់តែម្ដង។ ស្របនឹងការថែរក្សាយ៉ាងយកចិត្តទុកដាក់ ការប្រមូលផលក៏ពិបាកមិនចាញ់ពេលដាំដែរ ទម្រាំតែដល់ពេលប្រមូលវាយើងត្រូវរង់ចាំដល់ទៅ ១ឆ្នាំកន្លះឯណោះ ហើយយើងមិនអាចប្រមូលផលដោយម៉ាស៊ីនឬឧបករណ៍ជាដាច់ខាតដើម្បីរក្សាគុណភាពដើម Wasabi។

ជាក់ស្ដែង​រសជាតិ Wasabi សុទ្ធ​ មិន​ឈួល​ខ្លាំង​ដូច​របស់​សិប្បនិម្មិត​នោះ​ទេ វា​មាន​រសជាតិ​ផ្អែម​ឆ្ងាញ់​ឈួល​តិចៗ ​ធ្វើ​ឲ្យ​អ្នក​បាន​ញ៉ាំ​ហើយ ​មិន​ជិនណាយ៕

អត្ថបទ៖ វារី

ចុចអាន៖វ៉ាសាប៊ី មានអត្ថប្រយោជន៍ តែយ៉ាងណា ក៏គួរតែប្រុងប្រយ័ត្ន មុនពេលញ៉ាំ

ចុចអាន៖មនុស្សស្រី​ស្រាតដាក់អាហារ​ Sushi​ លើរាងកាយ តាមពិតជាប្រពៃណីទំនៀមទម្លាប់របស់ ជប៉ុន