មកដឹងពីអយស្ទ័រធំបំផុត លើពិភពលោក

អយស្ទ័រជាអាហារពេញនិយម និងមានតម្លៃថ្លៃគួរសម ប៉ុន្តែមានរសជាតិឆ្ងាញ់ជាប់ចិត្ត ជាពិសេសនៅពេលវានៅស្រស់ហើយធំៗ។ មួយរយៈនេះ ល្បីរឿងអយស្ទ័រមានជន្លេនក្រហមៗ នៅក្នុងសាច់ទើបអ្នកខ្លះគាត់ខ្ពើមរអើមមិនហ៊ានហូបទៀត ការពិតទៅជន្លេនក្រហមៗនៅក្នុងអយស្ទ័រ​ ដែលយើងឧស្សាហ៍ឃើញរាល់ដងនោះគេហៅថាជន្លេនភក់ វាមិនមែនជាតេនញាទេ ណាមួយក៏មិនបង្កគ្រោះថ្នាក់ដល់មនុស្សដែរ។

ងាកមកនិយាយពី​អយស្ទ័រ​វិញ យើងធ្លាប់តែញ៉ាំអយស្ទ័រធំៗ ប៉ុន​បាទដៃ​សាច់ណែន​ឆ្ងាញ់​ប៉ុណ្ណឹង​ ហើយ​ចុះ​ទម្រាំ​តែ​ទំហំ​ធំ​បង្អស់​ទូទាំង​ពិភពលោក​ទៀត។ ខាងក្រោមនេះ ​ជា​រូបភាព​របស់អយស្ទ័រធំបំផុតនៅលើលោក៖

យោងទៅតាមGuinness World Records អយស្ទ័រធំ​បង្អស់​គឺ​ជា​អយស្ទ័រ​ប៉ាស៊ីហ្វិក មាន​ប្រវែង​បណ្ដោយ ៣៥.៥សង់ទីម៉ែត្រ និង​ទទឹង ១០.៧សង់ទីម៉ែត្រ ចំណែក​ឯទម្ងន់វិញគឺ១.៦២គីឡូបូករួម​ទាំង​មាន​អយស្ទ័រ​ជាប់នឹង៥គ្រាប់ទៀត។ វាត្រូវគេរកឃើញ​នៅ​ប្រទេស​ដាណឺម៉ាក ហើយ​វាស់នៅ មជ្ឈមណ្ឌល​សមុទ្រ Wadden, Vester Vedsted ប្រទេស​ដាណឺម៉ាក ថ្ងៃទី១៧ ខែធ្នូ ឆ្នាំ២០១៣។ អយស្ទ័រ​ប៉ាស៊ីហ្វិក​ធំ​បង្អស់​នេះ​រក​បាន​ពី​ឆ្នេរសមុទ្រ ដាណឺម៉ាក នៃ​សមុទ្រ វ៉ាដិន (Wadden)។

សូម​បញ្ជាក់​ដែរ​ថា​លោក Jack រូបនេះ​ហើយ​ ជា​ម្ចាស់​របស់​អយស្ទ័រ​ធំ​បំផុត ព្រោះ​គាត់​ជា​អ្នក​យក​វា​ទៅ​វាស់​នៅ​ទិវា​អយស្ទ័រ​ប្រចាំ​តំបន់​នោះ៕

ប្រែសម្រួល៖វារី

ចុចអាន៖ទម្លាយអាថ៌កំបាំងរបស់អយស្ទ័រ ពាក់ព័ន្ធរឿងលើគ្រែ មនុស្សភាគច្រើនចង់ដឹងបំផុត