ការពិតដ៏អស្ចារ្យទាំង ១០ អំពីរាងកាយមនុស្ស

ក្រឡេកមើលជុំវិញអ្នកភ្លាម អ្នកនឹងឃើញថាពិភពលោកពោរពេញដោយវិទ្យាសាស្ត្រដ៏អស្ចារ្យ យើងដឹងហើយថា អ្វីគ្រប់យ៉ាងសុទ្ធតែបង្កឡើងពីអាតូមតូចៗ ទើបអាចមានរូបរាងធំតាំងពីសំណង់អគារ ម្ហូបអាហារ ភាវៈរស់ រហូតដល់លំហអាកាស។ ក្រៅពីនេះ នៅមានរឿងគួរឲ្យចាប់អារម្មណ៍ច្រើនទៀត សូម្បីតែរាងកាយមនុស្សយើង ក៏មានចំណុចអស្ចារ្យដែរហើយអ្នកមួយចំនួន ប្រហែលជាមិនដឹងពីមុនមកទេពីការពិតដ៏អស្ចារ្យខាងក្រោមនេះ៖

១. ទារកកើតមកមានឆ្អឹងប្រហែល ៣០០ ប៉ុន្តែនៅពេលដែលទារកលូតលាស់ ផ្នែកខ្លះនៃឆ្អឹងក៏រួមបញ្ចូលគ្នានៅសល់តែ២០៦តែប៉ុណ្ណោះពេលពេញវ័យ។

២. ជាងពាក់កណ្តាលនៃឆ្អឹងរបស់អ្នក មានទីតាំងនៅដៃ កដៃ ជើង និងកជើង។

៣. រៀងរាល់វិនាទី រាងកាយរបស់អ្នកផលិតកោសិកាថ្មីចំនួន ២៥លាន។

៤. ឆ្អឹងដែលធំបង្អស់នៅក្នុងខ្លួនមនុស្សគឺឆ្អឹងភ្លៅ ចំណែកឯឆ្អឹងតូចបំផុតគឺឆ្អឹងជំនីនៅក្នុងក្រដាសត្រចៀករបស់យើង។

៥. សរសៃឈាមមនុស្សមានប្រវែង ៦ទៅ១០ម៉ឺនម៉ាលនៅក្នុងរាងកាយ។  

៦. ធ្មេញត្រូវចាត់ទុកថាជាផ្នែកមួយនៃប្រព័ន្ធគ្រោងឆ្អឹង ប៉ុន្តែមិនត្រូវបានរាប់បញ្ចូលជាឆ្អឹងឡើយ។

៧. ខួរក្បាលប្រើប្រាស់ ២០ភាគរយ នៃការផ្គត់ផ្គង់ឈាម និងអុកស៊ីសែនរបស់យើង។

៨. មនុស្សជាភាវៈដែលរត់បានឆ្ងាយបំផុត ដោយសារតែយើងមានជើងវែងនិងអាចបញ្ចេញកម្ដៅតាមញើសបាន។

៩. រាងកាយយើងបង្កឡើងពីទឹកប្រហែល ៦០ភាគរយ។

១០. ឆ្អឹងរបស់យើងរឹងមាំជាងដែកទៅទៀត ដុំឆ្អឹងដែលមានទំហំប៉ុនប្រអប់ឈើគូសអាចទ្រទ្រង់ទម្ងន់បានដល់ទៅ១៨០០០ ផោន។

សូមបញ្ជាក់ដែរថា ការពិតខាងលើត្រឹមតែជាការពិតមួយផ្នែកតូចប៉ុណ្ណោះ រាងកាយយើងនិងសកលលោកនៅមានរឿងអស្ចារ្យបែបនេះច្រើនលានរឿងទៀតទុកឲ្យយើងស្វែងយល់ដោយខ្លួនឯង៕

ប្រែសម្រួល៖ វារី

ចុចអាន៖កំពូលសត្វល្អិតបង្កគ្រោះថ្នាក់ដល់ជីវិតមនុស្សទាំង ១០ គួរប្រុងប្រយ័ត្ន

ចុចអាន៖ពូជសុនខ ១០ ប្រភេទ មានរូបរាងស្រស់ស្អាត និងវ៉ៃឆ្លាតខ្លាំង