KPT+

សួយសារអាករអ្វីដែលព្រះមហាក្សត្រី ELIZABETH មានសិទ្ធទទួលយកពីប្រទេសផ្សេង?

បានផុស

៤ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

មហាក្សត្រី Elizabeth មានទ្រព្យសម្បត្តិ ដែលអាចគ្របដណ្ដប់លើរាជវង្ស និងអ្វីៗជាច្រើនផ្សេងទៀត ហើយក្រមរាជអង់គ្លេសជាទូទៅណែនាំដល់រាជវង្សានុវង្សប្រឆាំងនឹងការទទួលយកអំណោយពីអ្នកផ្សេង។

ប៉ុន្តែមានអំណោយខ្លះ ដែលខ្សែរាជវង្សអាចទទួលយកបានក្នុងករណីលើកលែង។

នេះគឺជាអំណោយការទូតចំនួន ៨ សម្រាប់ខ្សែរាជវង្ស អាចទទួលយកបាន ៖

១. ឃ្មោះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឃ្មោះដែលធ្វើពីដែក បានព្យួរដោយស្នែងខ្មៅពីរនៅលើមូលដ្ឋានចតុកោណ ជាអំណោយរបស់ Tuanku Ja’afar ibni Almarhum Tuanku Abdul Rahman ជូនដល់ព្រះមហាក្សត្រិយានីអំឡុងពេលអាហារថ្ងៃត្រង់នៅវិមាន Buckingham នៅឆ្នាំ ១៩៩៥ បានឆ្លាក់ជាតំណាងឲ្យប្រទេសម៉ាឡេស៊ី។

២. សំពៅមិត្តភាព

ដោយយកគំរូតាមសំពៅកំណប់របស់ Zheng He ដែលជាអ្នករុករកនិងអ្នកការទូតម្នាក់ ក្នុងរាជវង្ស មិង សំពៅនៃមិត្តភាពនេះត្រូវបានប្រគល់ឲ្យព្រះមហាក្សត្រិយានី ដោយ ប្រធានាធិបតី Xi Jinping ក្នុងដំណើរទស្សនកិច្ចនៅឆ្នាំ ២០១៥ ។

សំពៅនេះបង្ហាញពីការរចនាដ៏ល្អឯក និងមានសត្វព្រាប olive ជានិមិត្តសញ្ញាចិន នៃសន្តិភាពនិងមិត្តភាព។

៣. ប្រអប់ម្រ័ក្សណ៍មាស

ប្រអប់ម្រ័ក្សណ៍មាសនេះមានរូបភាពជាសត្វ heron ត្រូវបានបង្កើតឡើងដោយអធិរាជ Meiji និងអ្នកលេងខ្មុកម្រ័ក្សណ៍សម័យ Shirayama Shosai ។ អធិរាជ Showa នៃប្រទេសជប៉ុនបានផ្ញើទៅព្រះមហាក្សត្រិយានីនៅឆ្នាំ ១៩៥៣ ។

៤. វាយនភណ្ឌនៃសំលៀកបំពាក់របស់នាគ

បំណែកនៃវាយនភណ្ឌឆ្លាក់ពីមាស ដែលមានរូបរាងដូចនាគរបស់ហុងកុង បានប្រគល់ជាអំណោយទៅដល់ព្រះមហាក្សត្រិយានីក្នុងកំឡុងដំណើរទស្សនកិច្ចផ្លូវការនាឆ្នាំ ១៩៧៥ ។

៥. រូបចម្លាក់ Diwan-i-Khas

រូបចម្លាក់ប្រាក់នៃព្រះពន្លា Diwan-i-Khas ត្រូវបានប្រគល់ជូនដោយនាយករដ្ឋមន្ត្រីឥណ្ឌា លោក Morarji Desai ក្នុងឱកាសខួបរំលឹកពីប្រាក់របស់ព្រះមហាក្សត្រិយានី ក្នុងឆ្នាំ ១៩៧៧ ។

៦. ប្រអប់រូបរូបតុក្កតាត្លុក

ស្ដេច Hamengkubuwono ទី១០នៃ ស៊ុលតង់និងជាទេសាភិបាលទី ១ នៃ Yogyakarta និងជាអនុប្រធានាធិបតីនៃឥណ្ឌូណេស៊ី បានប្រគល់ប្រអប់រូបតុក្កតាត្លុកនេះដល់ព្រះមហាក្សត្រិយានីក្នុងដំណើរទស្សនកិច្ចផ្លូវរដ្ឋនៅឥណ្ឌូណេស៊ីក្នុងឆ្នាំ ១៩៧៤ ដែលជារចនាបថបែបប្រពៃណីរបស់ឥណ្ឌូណេស៊ីនៃ wayang golek។

៧. ប្រអប់មាសរាងចតុកោណកែង

នៅឆ្នាំ ១៩៧២ ព្រះមហាក្សត្រីនិងព្រះអង្គម្ចាស់ Philip បានបំពេញទស្សនកិច្ចនៅប្រទេសថៃ និងបានទទួលប្រអប់អញ្ជើញមួយដែលមានរាងចតុកោណកែង ពីព្រះរាជានិងមហាក្សត្រីថៃ។

ផ្នែកខាងក្រៅនៃប្រអប់ ជាលោហៈនិងលាយជាមួយមាស ហើយគម្របនោះត្រូវបានតុបតែងជានិមិត្តតំណាងជាតិ។

៨. ថ្មម៉ាបនិងត្រាថ្មកែវ

ប្រធានាធិបតីសាំងហ្គាពួរលោក Wee Kim Wee បានប្រគល់អំណោយថ្មម៉ាបមួយគូរួមជាមួយត្រាថ្មកែវ ទៅព្រះមហាក្សត្រិយានីក្នុងដំណើរទស្សនកិច្ចនៅប្រទេសសិង្ហបុរី នាឆ្នាំ ១៩៨៩ ៕

ប្រែសម្រួល៖ សាង ស្រីល័ក្ខ

ប្រភព៖scmp

ចុចអាន៖មកដឹងវិធីសាស្ត្រនៃកំពូលសេដ្ឋី ៥ រូប មានកំណើតចេញពីគ្រួសារក្រីក្រ

ចុចអាន៖សិក្សាអំពីព្រះនាង NOOR ដែលនិរទេសចេញពីអ៊ីរ៉ង់ តែបេះដូងឲ្យតម្លៃជាតិជានិច្ច

Related Topics:អំណោយ