KPT+

ថ្នាំ ៩ មុខ មិនអាចខ្វះមិនបាន ពេលធ្វើដំណើរផ្លូវឆ្ងាយ

បានផុស

៣ years មុន

នៅ

ថ្ងៃអាទិត្យ ១៤ សីហា ២០២២

ដោយ

នៅពេលមានដំណើរកម្សាន្តណាមួយ រឿងដំបូងដែលអ្នកគិតមុនគេ ប្រាកដជាត្រូវរៀបចំសំលៀកបំពាក់ និងត្រៀមរបស់ផ្សេងៗតាមខ្លួន។ ប៉ុន្តែកុំភ្លេចយកថ្នាំទៅជាមួយផង ពេលដែលអ្នកទៅផ្លូវឆ្ងាយពីផ្ទះ ព្រោះប្រសិនបើមានអ្វីមួយកើតឡើង ឬមានរោគសញ្ញាមិនប្រក្រតី ភាពសប្បាយរីករាយនឹងបញ្ចប់ដោយឥតប្រយោជន៍ ។

១ ថ្នាំបំបាត់ការឈឺចាប់ ឬថ្នាំប្រឆាំងនឹងរោគ

ប្រើពេលក្ដៅខ្លួន ឬឈឺក្បាល ត្រូវបានគេណែនាំឲ្យប្រើជាថ្នាំប៉ារ៉ាសេតាម៉ុល 500 mg លេប ១ គ្រាប់ក្នុងពេលតែមួយ ធ្វើម្តងទៀតរៀងរាល់ ៦ម៉ោងម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ថ្នាំប្រឆាំងនឹងអ៊ីស្តាមីន

ដល់ពេលធ្វើដំណើរទៅកន្លែងថ្មី ជាញឹកញាប់យើងសាកល្បងម្ហូបចម្លែក ដែលអាចបណ្តាលឲ្យរមាស់អាឡ័កស៊ី។ ថ្នាំប្រឆាំងនឹងអ៊ីស្តាមីន មិនធ្វើឲ្យងងុយដេក (សម្រាប់មនុស្សភាគច្រើន) ដូចជា cetirizine ឡើយ។

៣ ថ្នាំសម្រាប់ជំងឺ / ពុលរលកសមុទ្រ / ជំងឺខ្យល់ចាប់ជាដើម

អាចព្យាបាលអាការស្រវឹងស្រា ពុលរលក ពុលឡានឬមានជំងឺខ្យល់ចាប់ ។ ប៉ុន្តែត្រូវប្រយ័ត្នថា ថ្នាំនេះអាចធ្វើឲ្យអ្នកងងុយគេងខ្លាំង។

៤ ថ្នាំលាងរបួស

សម្រាប់ប្រើនៅពេលមានរបួសចំហរលើស្បែក រួមទាំងរបួសផ្សេងៗ ដែលកើតមានជាយថាហេតុ។ វាក៏ត្រូវបានណែនាំឲ្យប្រើជាមួយថ្នាំអង់ទីប៊ីយោទិចដូចជា Mupirocin ។

៥ បង់រុំរបួស

ជ្រើសរើសការរចនាដែលមានរន្ធសម្រាប់ខ្យល់ចេញចូល។ អ្នកគួរតែយកបំណែកជាច្រើន ព្រោះពួកវាត្រូវជំនួសជាញឹកញាប់។ កុំបិទជាប់មួយសន្លឹក ក្នុងរយៈពេលយូរឲ្យសោះ។

៦ ឱសថបំបាត់កន្ទួល

ប្រសិនបើមានកន្ទួលពីមូសខាំសត្វល្អិត ឱសថព្យាបាលរោគដូចជា Hydrocortisone ជាស្តេរ៉ូអ៊ីតស្រាល ដែលអាចប្រើបាន។

៧ ជែលដៃឬអាកុល

លាងដៃរបស់អ្នកបន្ទាប់ពីចូលបន្ទប់ទឹក និងមុនពេលញ៉ាំ នេះនឹងកាត់បន្ថយហានិភ័យនៃការពុលអាហារ និងជំងឺឆ្លងជាច្រើនទៀតដែលកំពុងមានសព្វថ្ងៃនេះ។

៨ ថ្នាំបំបាត់មុន

ការគេងមិនលក់ អាចបណ្ដាលឲ្យកើតមុនរលាក (ហើម ក្រហម ឈឺ) ឡើងប៉ោង ដូច្នេះ អ្នកគួរតែប្រើថ្នាំបំបាត់មុនដូចជា Erythromycin gel សម្រាប់ប្រើជាបន្ទាន់ណាមួយ។

៩ ថ្នាំផ្ទាល់ខ្លួន

ក្នុងករណីមានជំងឺពីកំណើត អ្នកគួរតែមានថ្នាំផ្ទាល់ខ្លួនឲ្យបានគ្រប់គ្រាន់ និងមានការវេចខ្ចប់ក្នុងកញ្ចប់ត្រឹមត្រូវ។ កុំខ្ចប់ថ្នាំដាក់ក្នុងធុងថ្នាំ ដើម្បីកុំឲ្យមានបញ្ហានៅពេលកំពុងស្វែងរក ហើយគួរតែសុំវិញ្ញាបនបត្រពេទ្យ ភ្ជាប់មកជាមួយជានិច្ច ដើម្បីងាយស្រួលមើលពីរបៀបលេប ក្នុងករណីបន្ទាន់ណាមួយ៕

ប្រែសម្រួល៖ សាង ស្រីល័ក្ខ

ចុចអាន៖អត្ថប្រយោជន៍ ៤ យ៉ាង របស់ផ្លែម្រះ ឱសថបំប៉នសម្រស់ ដែលនារីៗមិនគួររំលង

ចុចអាន៖ហេតុផល ៥ យ៉ាង នៅពីក្រោយអ្នកដែលចូលចិត្តលាក់អារម្មណ៍