KPT+

ស្ត្រី ដែលអាចបង្កើតម៉ាកយីហោដោយជោគជ័យ ទាំងខ្លួនមានជំងឺប្រចាំកាយ

បានផុស

៤ years មុន

នៅ

ថ្ងៃសុក្រ ២៥ ធ្នូ ២០២០

ដោយ

ស្ថាបនិក Zakia Blain ដែលជាស្ថាបនិកនិងជានាយកប្រតិបត្តិនៃ FBF ជាម៉ាកសំលៀកបំពាក់និងម៉ូដដ៏ពេញនិយម នៅពេលត្រូវបានគេធ្វើរោគវិនិច្ឆ័យថាមានជំងឺ Chiari Malformation នៅអាយុ ៣០ ឆ្នាំ ជីវិតរបស់នាងក៏ចាប់ផ្ដើមផ្លាស់ប្ដូរ ។ ការធ្វើរោគវិនិច្ឆ័យបានផ្លាស់ប្ដូររបៀបរស់នៅរបស់ Blain ហើយគ្រូពេទ្យប្រាប់ថា នាងមិនអាចហាត់ប្រាណបានទៀតទេ រហូតនាងសម្រេចចិត្តចាប់ផ្ដើមដំណើរការសុខភាពខ្លួនឯង។

នាថ្ងៃមួយពេលកំពុងដើរ មិត្តភ័ក្ដិរបស់នាងបាននិយាយថា ” FCKBeingFat ” ។ គំនិតនៃការបំផុសបានធ្វើឲ្យនាងយកពាក្យនេះទៅបោះពុម្ពលើអាវយឺត។ ជារឿងគួរភ្ញាក់ផ្អើលនាងក៏ចាប់ផ្ដើមមានតែរឿងរីករាយថ្មីៗដោយបានបាត់បង់គីឡូអស់ជាង២៧។

បន្ទាប់ពីរឿងនេះ ក៏បានជំរុញនាងឲ្យចាប់ផ្ដើមការប្រកួតប្រជែងសម្រកទម្ងន់តាមអ៊ីនធឺណិត “ FCKBeingFat” ដែលមនុស្សរាប់ពាន់នាក់បានចូលរួម។ “ ខ្ញុំចង់ជួយមនុស្សដែលធ្លាប់មានរឿងដូចខ្ញុំដែរ។ ខ្ញុំក៏ចង់ជួយមនុស្សឲ្យមានភាពសកម្មនៅក្នុងសុខភាពរបស់ពួកគេដែរ។ ជំងឺខួរក្បាលរបស់ខ្ញុំមិនមានអ្វីដែលទាក់ទងនឹងទម្ងន់របស់ខ្ញុំទេ។ ប៉ុន្តែខ្ញុំឈប់ប្រើថ្នាំដោយពិនិត្យរបបអាហារនិងការធ្វើលំហាត់ប្រាណ។ ការរស់នៅជាមួយភាពពិការមិនបានធ្វើធ្វើឲ្យយើងចេញពីការធ្វើអាជីវកម្មទេ” ។ ក្នុងនាមជាអ្នកជំនួញ Blain ដឹងច្បាស់ពីឥទ្ធិពលខ្លួនឯងច្បាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លាមៗបន្ទាប់ពីបើកដំណើរការអាវយឺត FBF នាងបានចាប់ផ្ដើមរីកចម្រើនយ៉ាងខ្លាំង។ ចំណុចខ្ពស់បំផុតនៃបទពិសោធន៍ដោយគ្មានប្រវត្តិអាជីវកម្មផ្លូវការ បានជំរុញឲ្យនាងបង្កើតគំរូសម្រាប់អាជីវកម្មជុំវិញបញ្ហាខួរក្បាលរបស់នាង។ Blain និយាយថា បង្កើតយុទ្ធសាស្ត្រសម្រាប់ FBF ដែលអនុញ្ញាតឲ្យខ្ញុំផ្ដល់អាទិភាពដល់សុខភាពខ្លួនឯងពេលធ្វើជំនួញ។

ក្នុងឆ្នាំ ២០១២ Blain បានចាប់ផ្ដើមបង្កើតជាផ្លូវការនូវ FBF (F-k Being Fat) ដោយនាំយកមកជាមួយវិធីសាស្ត្រទម្លាក់ចូល។ “ វិធីសាស្ត្រទម្លាក់ចូលគឺជាពេលដែលយើងមានផលិតផល ហើយយើងបង្កើតនូវការប្រមើលមើល (បញ្ចេញ) ហើយអាចប្រើបានសម្រាប់ពេលវេលាកំណត់និងបរិមាណមានកំណត់។ យុទ្ធសាស្ត្រនេះបានធ្វើឲ្យ FBF លេចធ្លោ រួមទាំងជួយនាងបានស្វែងយល់បន្ថែមអំពីអតិថិជនតាមរយៈការចូលរួមរបស់ទស្សនិកជននៅលើប្រព័ន្ធផ្សព្វផ្សាយសង្គម។

Blain បានប្រើការយល់ឃើញរបស់អតិថិជនដើម្បីផ្ដល់ជាគំនិតដល់ផលិតផលថ្មីៗ។ ក្នុងឆ្នាំ ២០១៦ បន្ទាប់ពីទទួលបានការចាប់អារម្មណ៍ពីមនុស្សរាប់រយនាក់នៅពេលបង្ហាញម៉ូដសំលៀកបំពាក់ម៉ាក Miraclesuit ថ្មីរបស់នាងដែលបានធ្វើការស្រាវជ្រាវ និងមើលពីរបៀបដែលនាងអាចធ្វើឲ្យជំនួញរីកលូតលាស់បានជាមួយនឹងសំលៀកបំពាក់របស់នាងផ្ទាល់។

ក្នុងឆ្នាំ ២០១៧ FBF ត្រូវបានបង្កើតឡើងតាមអ៊ីនធឺណិតក្នុងទំហំ ៥ គុណ ដែលធ្វើឲ្យម៉ាកនេះក្លាយជាម៉ាកសំលៀកបំពាក់ដែលមានច្រើនបំផុតនៅពេលនោះ ហើយគុណភាពនៃផលិតផលនិងការលក់បាន ធ្វើឲ្យក្រុមហ៊ុនឈានដល់ចំណុចកំពូលថ្មី។

សព្វថ្ងៃឧស្សាហកម្មសំលៀកបំពាក់ធ្វើពីក្រណាត់មានតម្លៃ ៨៣ ពាន់លានដុល្លារ។ នៅពេលដែលនាងនិងក្រុមការងារបន្តកសាងក្រុមហ៊ុនពួកគេ និងបានបង្កើតឱកាសសម្រាប់សមាជិកសហគមន៍ FBF រកលុយតាមរយៈកម្មវិធីរបស់ឯកអគ្គរដ្ឋទូត។ រហូតមកដល់បច្ចុប្បន្ន FBF បានចំណាយប្រាក់ជាង ៣២.០០០ ដុល្លារ៕

ប្រែសម្រួល ៖ សាង ស្រីល័ក្ខ

ប្រភព៖forbes

ចុចអាន៖សហគ្រិនស្ត្រីវ័យក្មេង៥រូបដ៏លេចធ្លោក្នុងវិស័យជំនួញថៃ

ចុចអាន៖ទិដ្ឋភាពចម្លែកមិនគួរឱ្យជឿ នៃសាលារៀនចំនួន ៥ មើលហើយជក់ចិត្ត

Related Topics:ស្ថាបនិក Zakia Blain