KPT+

ប្រវត្តិត្រួសៗលោក HOWARD SCHULTZ ថៅកែដំបូងរបស់ STARBUCKS

បានផុស

៥ years មុន

នៅ

ថ្ងៃសុក្រ ២៥ ធ្នូ ២០២០

ដោយ

Howard Schultz ជាអ្នកជំនួញជោគជ័យម្នាក់ដែលកើតចេញពីគ្រួសារក្រីក្រ។ សព្វថ្ងៃលោកជាបុរសម្នាក់ក្នុងចំណោមក្រុមអ្នកមានទ្រព្យធនបំផុតនៅលើពិភពលោក។ នៅពីក្រោយកេរ្តិ៍ឈ្មោះបច្ចុប្បន្ននៃមហាសេដ្ឋីHoward Schultz មានរឿងមានតម្លៃជាច្រើន ដែលយើងគួរសិក្សាមកប្រើលើជីវិតផ្ទាល់ខ្លួន។

តើ Howard Schultz ជានរណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Howard Schultz ជាអ្នកជំនួញជនជាតិអាមេរិកល្បីល្បាញបំផុតមួយរូបនៅលើពិភពលោក។ លោកជាអតីតម្ចាស់ក្រុមហ៊ុន Seattle SuperSonics និងជាអតីតនាយកប្រតិបត្តិនិងជាប្រធានក្រុមហ៊ុន Starbucks។

កំណើត

Schultz កើតនៅថ្ងៃទី ១៩ ខែកក្កដា ឆ្នាំ ១៩៥៣ នៅ Brooklyn រដ្ឋញូវយ៉ក។ លោកមកពីគ្រួសារជ្វីហ្វ (ជនជាតិមួយរបស់អ៊ីស្រាអែល)។ ឪពុកឈ្មោះ Fred Schultz និងម្ដាយ Elaine ។ ឪពុករបស់លោកជាអតីតកងទ័ពសហរដ្ឋអាមេរិក និងក្រោយមកគាត់ធ្វើការជាអ្នកបើកឡានដឹកទំនិញ។

បងប្អូនបង្កើត

ក្នុងវ័យកុមារភាពលោកបានរស់នៅក្នុងគម្រោងលំនៅដ្ឋាន Canarsie Bayview របស់អាជ្ញាធរទីក្រុងញូវយ៉ករួមជាមួយបងប្អូន។ Schultz មានបងប្រុសម្នាក់ឈ្មោះ Michael និងប្អូនស្រីម្នាក់ឈ្មោះ Ronnie ។

កីឡា

SEATTLE – OCTOBER 20: Howard Schultz, Chairman of the Basketball Club of Seattle chats with Rashard Lewis #7 and Desmond Mason#24 of the Seattle Sonics before the preseason game against the Sacramento Kings on October 20, 2002 at Key Arena in Seattle, Washington. The Kings won 91-90. NOTE TO USER: User expressly acknowledges and agrees that, by downloading and or using this photograph, User is consenting to the terms and conditions of the Getty Images License Agreement. Mandatory copyright notice: Copyright NBAE 2002 (Photo by: Jeff Reinking/NBAE/Getty Images)

កីឡាជាក្តីសង្ឃឹមតែមួយគត់របស់មហាសេដ្ឋីរូបនេះឲ្យរួចផុតពីភាពក្រីក្រ។ ទោះបីកើតនៅក្នុងគ្រួសារក្រលំបាកក៏ដោយ ក៏ Schultz អាចលេងកីឡាមួយចំនួនដូចជាបាល់បោះ បាល់ទាត់ និងវាយកូនគោល បានល្អ រហូតផ្លាស់ប្ដូរជីវិតក្លាយជានិស្សិតអាហារូបករណ៍។

ការអប់រំ

នៅឆ្នាំ ១៩៧១ លោកបានបញ្ចប់ការសិក្សានៅវិទ្យាល័យ Canarsie រួចបន្តទៅសាកលវិទ្យាល័យ Northern Michigan។ ដោយសារលេងកីឡាបានល្អ លោកទទួលបានអាហារូបករណ៍អត្តពលកម្មដើម្បីសិក្សានៅសាកលវិទ្យាល័យ។ Schultz ជាមនុស្សទីមួយនៅក្នុងគ្រួសារដែលអាចរៀននៅសាកលវិទ្យាល័យបាន។ នៅឆ្នាំ ១៩៧៥ លោកបានបញ្ចប់បរិញ្ញាបត្រផ្នែកទំនាក់ទំនង។

គ្រួសារ

លោក Howard បានរៀបការជាមួយនាង Sheri Kersch ក្នុងឆ្នាំ ១៩៨២។ ក្នុងឆ្នាំ ១៩៩៦ លោកស្រី Sheri Kersch បានបង្កើតមូលនិធិគ្រួសារ Schultz ជាមួយស្វាមីមូលនិធិនេះវិនិយោគលើភាពជាដៃគូនិងដំណោះស្រាយថ្មីៗដើម្បីពង្រឹងអាជីវកម្មនិងសហគមន៍។

ប្ដីប្រពន្ធគូនេះមានកូនពីរនាក់ ស្រីម្នាក់និងកូនប្រុសម្នាក់។ កូនប្រុសឈ្មោះ Eliahu Jordan Schultz កើតនៅឆ្នាំ ១៩៨៦។ កូនស្រីឈ្មោះ Addison កើតនៅឆ្នាំ ១៩៩០។

ការងារដំបូង

ការងារដំបូងរបស់អតីតមេ Starbucks គឺជាបុគ្គលិកផ្នែកលក់របស់សាជីវកម្ម Xerox ។ ដោយសារបំពេញការងារបានល្អ ក្នុងរយៈពេលដ៏ខ្លីលោកទទួលបានការផ្សព្វផ្សាយជាអ្នកលក់ពេញសិទ្ធិ។

អ្នកគ្រប់គ្រងទូទៅ

Schultz ត្រូវបានតែងតាំងជាអ្នកចាត់ការទូទៅរបស់ក្រុមហ៊ុនផលិតផ្លាស្ទិក Hammarplast របស់ស៊ុយអ៊ែត ក្នុងឆ្នាំ ១៩៧៩ ។

លោកប្រឡូកជាមួយហាងកាហ្វេ Starbucks ដំបូងក្នុងឋានៈជានាយកផ្នែកទីផ្សារ នាឆ្នាំ ១៩៨២។ មកដល់ឆ្នាំ ១៩៨៦ លោកឡើងតំណែងជា CEO នៃហាងកាហ្វេល្បីលំដាប់ពិភពលោកមួយនេះ៕

ប្រែសម្រួល៖ សន្យា

ប្រភព៖ myinterestingfacts

ចុចអាន៖ប្រវត្តិធំៗ ៥ យ៉ាងអំពីលោហធាតុ «ប្រាក់»

ចុចអាន៖ស្ត្រី ដែលអាចបង្កើតម៉ាកយីហោដោយជោគជ័យ ទាំងខ្លួនមានជំងឺប្រចាំកាយ