KPT+

អាហារ ១១ មុខ ជួយឲ្យបបូរមាត់មានពណ៌ផ្កាឈូកចេញពីក្នុង

បានផុស

២ years មុន

នៅ

ថ្ងៃពុធ ២៤ សីហា ២០២២

ដោយ

ការថែរក្សាបបូរមាត់តែពីខាងក្រៅ មិនទាន់គ្រប់គ្រាន់នៅឡើយទេ អ្នកគួរតែពិនិត្យមើលរបបអាហារឡើងវិញ ជាជំនួយពីខាងក្នុងមក ទើបការថែទាំទាំងប៉ុន្មានផ្ដល់ប្រសិទ្ធភាពពេញលេញ គួរជាទីគាប់ចិត្ត។ ប្រៀបដូចជាស្បែករបស់យើងដែលត្រូវការសុខភាពល្អពីក្នុងសិន ទើបងាយស្រួលដល់ការប្រើប្រាស់ផលិតផលបានផលល្អ ជាពិសេសម្ហូបអាហារនេះហើយដែលតែងតែផ្ដល់ផលល្អ និងអាក្រក់ចំពោះរាងកាយ។ ដើម្បីជួយឲ្យបបូរមាត់មានពណ៌ផ្កាឈូកស្អាត លែងស្លេកស្លាំង អ្នកគួរតែសាកបរិភោគឬប្រើអាហារទាំង ១១មុខនេះសិន ចាំអស់សង្ឃឹម៖

១. ផ្លែប៉េងប៉ោះ

ក្នុងប៉េងប៉ោះមានផ្ទុកជាតិសេលេញ៉ូម ដែលជួយការពារបបូរមាត់ពីកម្ដៅថ្ងៃ។

២. ផ្លែដូង

ការញ៉ាំទឹកដូង លាបប្រេងដូង ញ៉ាំសាច់ដូង ឬញ៉ាំខ្ទិះដូង សុទ្ធតែមានប្រយោជន៍ដល់ស្បែកនិងបបូរមាត់ទាំងអស់។

៣. វ៉ល់ណាត់

វ៉ល់ណាត់សម្បូរដោយអាស៊ីតខ្លាញ់អូមេហ្គាបី ដែលអាចរក្សាភាពយឺតនៃស្បែកព្រោះវាជួយបង្កើនការផលិតកូឡាជែន អ្នកគួរបរិភោគវាឲ្យបានទៀងទាត់ដើម្បីស្បែកក្មេងជាងវ័យ។

៤. យ៉ាអ៊ួរ

ផលិតផលទឹកដោះគោមានប្រូតេអ៊ីនដែលរក្សាស្បែកឱ្យរឹងមាំការពារការចាប់ផ្តើមនៃស្នាមជ្រួញបានយ៉ាងល្អ ចំណែកឯការលាបទឹកដោះគោជូរនៅលើបបូរមាត់របស់អ្នក ក៏អាចការពារជាតិពណ៌ផ្កាឈូកផងដែរ។

៥. តែបៃតង

តែបៃតងជាសារធាតុប្រឆាំងអុកស៊ីតកម្ម ដែលការពារការបំផ្លាញពីពន្លឺព្រះអាទិត្យ និងភាពចាស់ អ្នកថែមទាំងអាចត្រដុស ថង់តែបៃតងលើបបូរមាត់ស្ងួតប្រេះទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៦. ទឹកឃ្មុំ

ទឹកឃ្មុំមានផ្ទុកម៉ាញ៉េស្យូម និងសារធាតុប្រឆាំងអុកស៊ីតកម្ម ដែលការពារបបូរមាត់មិនឱ្យប្រែពណ៌។

៧. ប្រទាលកន្ទុយក្រពើ

ប្រទាលកន្ទុយក្រពើមានផ្ទុកសារធាតុ អាឡូស៊ីន (Aloesin) ដែលគ្រប់គ្រងសារធាតុពណ៌ធ្វើឱ្យបបូរមាត់របស់អ្នកមានពណ៌ផ្កាឈូក។ អ្នកអាចផឹក ឬលាបប្រទាលកន្ទុយក្រពើលើបបូរមាត់របស់អ្នកបាន។

៨. ក្រូចឆ្មា

ទឹកឃ្មុំទឹកក្រូចឆ្មាជាមួយទឹកក្តៅឧណ្ហៗជួយបន្សាបជាតិពុលក្នុងរាងកាយផ្តល់ឱ្យបបូរមាត់របស់អ្នកមានសុខភាពល្អ។

៩. ឪឡឹក

ផ្លែឪឡឹកមានជាតិទឹក 97% ជួយឱ្យអ្នកមានបបូរមាត់មានសំណើម និងពណ៌ផ្កាឈូក។

១០. ប៊ីទ្រូត (Beetroot)

បើអ្នកមិនមានជំងឺទឹកនោមផ្អែម អ្នកគួរញ៉ាំបន្លែនេះជាប្រចាំ។ វាមានសារធាតុរ៉ែ និងវីតាមីនដែលធ្វើអោយស្បែកភ្លឺ និងរក្សាសំណើម។ លាបប៊ីទ្រូតនៅលើបបូរមាត់របស់អ្នកដើម្បីទទួលបានពណ៌លាំពណ៌ផ្កាឈូកធម្មជាតិ។

១១. បឺរី

ការទទួលទានផ្លែស្ត្របឺរី ឬប៊្លូបឺរី ផ្តល់នូវវីតាមីន C និងសារធាតុប្រឆាំងអុកស៊ីតកម្មជួយបបូរមាត់របស់អ្នកមានពណ៌ភ្លឺថ្លា។

បបូរមាត់ផ្កាឈូកមិនត្រឹមតែបង្ហាញពីសម្រស់ស្រស់ស្អាតនោះទេ វាក៏បង្ហាញអំពីសុខភាពល្អរបស់យើងផងដែរ ដូច្នេះទើបគេចាត់ទុកចំណីអាហារសំខាន់ជាងផលិតផលដែលលាបតែពីលើ ណាមួយការប្រើប្រាស់ផលិតផលមិនមែនសុទ្ធតែមានប្រសិទ្ធិភាពនិងល្អសម្រាប់សុខភាពទេ៕

ប្រែសម្រួល៖ វារី

ចុចអាន៖អត្ថប្រយោជន៍ ៤ យ៉ាង របស់ផ្លែម្រះ ឱសថបំប៉នសម្រស់ ដែលនារីៗមិនគួររំលង