KPT+

៦ ឃ្លាត្រូវចាំ និងប្រាប់ខ្លួនឯងពេលអស់សង្ឃឹមរលីងក្នុងជីវិត

បានផុស

៤ years មុន

នៅ

ថ្ងៃអង្គារ ២០ តុលា ២០២០

ដោយ

Sonya

ត្រូវចាំថាជីវិតមិនងាយស្រួលរហូតទេ។ យើងមិនអាចទទួលបានតែអ្វីដែលយើងចង់បានឡើយ ហើយយើងអាចនឹងមានអារម្មណ៍ថាកំពុងតែបាត់បង់រាល់ពេលវេលា។ ត្រូវគិតថាមិនមែនមានតែយើងម្នាក់ទេដែលជួបបញ្ហា មនុស្សជុំវិញពិភពលោកក៏ជួបនឹងបញ្ហាដូចគ្នាអ្នកខ្លះទៀតអាចនិងមានរឿងច្រើនជាងយើងទៀតក៏ថាបាន

ជាញឹកញាប់រឿងអាក្រក់ដែលកើតឡើងក្នុងជីវិតរបស់យើងនឹងធ្វើឱ្យយើងដើរទៅកាន់ផ្លូវដែលល្អបំផុតនៅពេលអនាគត

នៅពេលមានរឿងអាក្រក់កើតឡើងក្នុងជីវិតរបស់យើង វាពិតជារៀបចំផ្លូវសម្រាប់យើងនិងពេលវេលាល្អៗ ។ អ្វីដែលពិបាកបំផុតក្នុងជីវិតរបស់យើងគឺការរៀបចំឱ្យស្រស់ស្អាតនិងមានតម្លៃបំផុត។ ប៉ុន្តែនៅពេលដែលមានបញ្ហាយើងគួរតែស្នើសុំការគាំទ្រពីមិត្តភក្តិនិងក្រុមគ្រួសាររបស់យើង។

កុំភ្លេចដើរចេញទាំងដកដង្ហើមវែងៗនិងរំលឹកខ្លួនយើងថាយើងជានរណានៅទីណា

នៅពេលយើងមានអារម្មណ៍ថាបាត់បង់អ្វីម្យ៉ាងនៅក្នុងជីវិតវាអាចជាសញ្ញាមួយដែលយើងមិនមានពេលវេលាគ្រប់គ្រាន់សម្រាប់ខ្លួនឯង។ ដូច្នេះធ្វើឱ្យជីវិតរបស់យើងសាមញ្ញហើយចំណាយពេលឱ្យច្រើនសម្រាប់ខ្លួនផ្ទាល់។ ចំណាយពេលក្នុងការដើរលេងផ្ទាល់ខ្លួននិងឈប់គិតរឿងមិនល្អហើយស្ងប់ស្ងាត់គិតគូររឿងល្អៗនិងធ្វើដំណើរកម្សាន្តតាមតំបន់ធម្មជាតិ។ ល។

ឈប់គិតច្រើនពេក ហើយទៅកន្លែងណាដែលបេះដូងរបស់យើងនាំ

ការគិតច្រើនពេកធ្វើឱ្យយើងមានអារម្មណ៍ថាវង្វេង។ ដូច្នេះយើងត្រូវធ្វើតាមវិចារណញាណរបស់យើងដោយមិនអនុញ្ញាតឱ្យការគិតអវិជ្ជមានមកលើខ្លួនយើងនិងរំខានដល់សុភមង្គលផ្ទាល់ខ្លួនឡើយ។

អព្ភូតហេតុកើតឡើងជារៀងរាល់ថ្ងៃដូច្នេះកុំអស់សង្ឃឹម

ត្រូវតែជឿជាក់លើខ្លួនឯងកុំបាត់បង់ក្តីសង្ឃឹមហើយចងចាំថាយើងត្រូវការរៀនពីទុក្ខលំបាក ហើយយើងត្រូវការភាពងងឹតដើម្បីឱ្យពន្លឺរបស់ខ្លួនយើងមានតម្លៃ។

មិនចាំបាច់គិតខ្វល់ថាការងារដែលយើងកំពុងធ្វើបានសម្រេចនៅថ្ងៃខាងមុខទេ

ឈប់រង់ចាំចម្លើយដែលលេចចេញមក។ ផ្ទុយទៅវិញធ្វើតាមបេះដូងរបស់យើងហើយធ្វើការសម្រេចចិត្ត។ យើងមិនចាំបាច់ដឹងអ្វីៗទាំងអស់មុនពេលកើតឡើងឡើយ។

ការប្តេជ្ញាចិត្តធ្វើអ្វីមួយដែលយើងស្រលាញ់ពិតជារឿងមួយដែលល្អបំផុតនៅពេលយើងមានអារម្មណ៍ថាបាត់បង់នៅក្នុងជីវិត

នៅពេលដែលយើងធំដឹងក្ដីឡើងមានបញ្ហាជាច្រើនដែលតម្រូវឱ្យយើងមានទំនួលខុសត្រូវ ប៉ុន្តែយើងត្រូវភ្ជាប់ទំនាក់ទំនងជាមួយអ្វីដែលយើងស្រឡាញ់ក៏ដូចជាចាត់វិធានការលើបញ្ហានោះ ហើយចាប់ផ្តើមធ្វើអ្វីដែលយើងពិតជាស្រលាញ់ ៕

ប្រែសម្រួល៖ សន ផានិត

ចុចអាន៖ ហេតុអ្វីបានជាការក្រោកពីគេងនៅម៉ោង ៥ ព្រឹកគឺជាគន្លឹះនៃភាពជោគជ័យ?

Related Topics:ការលើកទឹកចិត្ត