KPT+
បើកំពុងដើរដល់ចំណុច ៤នេះ គួរឈប់ទ្រាំហើយ
ឆ្នាំ ២០២១ គឺជាឆ្នាំដែលគួរងាកមកស្រឡាញ់ខ្លួនឯង មុនពេលផ្តោតអារម្មណ៍ទៅលើការធ្លាក់ចិត្ត ផុងខ្លួនលង់ស្រឡាញ់អ្នកដទៃ។ បើគេមិនល្អ វាក៏គួរដល់ពេលដែលត្រូវចាកចេញហើយដែរ។
ទាំងនេះគឺជាប្រភេទនៃទំនាក់ទំនងដែលអ្នកគួរតែនិយាយ “លា” នៅឆ្នាំ ២០២១!
១. ទំនាក់ទំនងស្ទើរៗ
មនុស្សម្នាក់ដែលផ្តល់ឱ្យយើងតែពាក់កណ្តាលនៃក្ដីស្រឡាញ់របស់គេ ជាមនុស្សដែលមិនសូវឲ្យតម្លៃលើទំនាក់ទំនង។ គេគ្មានឆន្ទៈឬសមត្ថភាពក្នុងការផ្តល់ឱ្យយើងនូវបេះដូងដ៏បរិសុទ្ធរបស់គេឲ្យយើងទេ។ ស្រឡាញ់ដូចមិនស្រឡាញ់ មិនស្រឡាញ់ដូចស្រឡាញ់ ពោលគឺស្រឡាញ់ស្ទើរភ្លើង មិនមែនជាមនុស្សដែលអ្នកគួររួមដំណើរជាមួយរហូតដល់ឆ្នាំ ២០២១ ឡើយ! កុំព្យាយាមកុហកថាគេស្រឡាញ់ខ្លាំង ឲ្យគេទៅចុះ ហើយស្វែងរកតម្លៃរបស់យើងវិញ។
២. ទំនាក់ទំនងដែលមានលេសមិនចេះអស់
អ្នកណាៗក៏មានកំហុស ព្រោះគ្រប់គ្មាននរណាល្អឥតខ្ជោះ។ ប៉ុន្តែមិនមែនយកហេតុផលនេះមកជាលេស ហើយប្រព្រឹត្តកំហុសដដែលៗនោះទេ។ ទំនាក់ទំនងដែលមានលេសមិនអស់មិនហើយ ជាទំនាក់ទំនងមិនគួរទ្រាំ ព្រោះថាតទៅថ្ងៃមុខគេនៅតែមានលេសដោះសារដើម្បីលាក់បាំងរឿងមិនល្អរបស់គេ។ វាដល់ហើយដែលអ្នកគួរនិយាយថា Goodbye ចំពោះទំនាក់ទំនងបែបនេះ។
៣. ទំនាក់ទំនងមានកង់សាគួរ
មនុស្សមានមួយមានពីរដោយមិនច្បាស់លាស់ប្រាកដប្រជាជាមួយយើង គួរដកខ្លួនចេញ ព្រោះគេជាមនុស្សដែលចង់ជិះទូកពីរ មានកង់សាគួរច្រើនតាមដែលគេធ្វើទៅបាន។ សាកសួរខ្លួនឯងថា តើយើងអាចទ្រាំបានទេដែលបានជួបទំនាក់ទំនងប្រភេទនេះ? ចម្លើយច្បាស់ជាអត់ហើយមែនទេ? បើអត់ពិតមែន សូមនិយាយថាលាទៅកាន់គេចុះ មុនពេលរឿងឈឺចាប់កើតឡើង។
៤. ទំនាក់ទំនងអាត្មានិយម
ស្រឡាញ់ខ្លួនឯងគឺមិនខុសទេ តែស្រឡាញ់ជ្រុលដោយមិនគិតពីអ្នកដទៃជារឿងអាត្មានិយម។ មនុស្សម្នាក់ដែលគ្មានពេលសម្រាប់យើង និងគ្មានការលះបង់ចំពោះស្នេហាអ្នកទាំងពីរ វាមិនគួរជាទំនាក់ទំនងដែលគួរបន្តទៀតឡើយ។ ដោយសារគេស្រឡាញ់ខ្លួនគេច្រើនជាង ដូច្នេះគេមិនអាចផ្ដល់ក្ដីស្រឡាញ់ដ៏កក់ក្ដៅឲ្យយើងគ្រប់គ្រាន់ឡើយ។
យើងសមនឹងទទួលបានអ្វីដែលប្រសើរជាងនេះ ក្នុងឆ្នាំ ២០២១មកដល់។ ដូច្នេះកុំខាតពេលនឹងទំនាក់ទំនងដូចខាងលើនេះអី! ដល់ពេលដែលនិយាយពាក្យថា “លាសិនហើយស្នេហា!”
ប្រែសម្រួល៖ សន្យា
ចុចអាន៖ លួចស្នេហ៍មិត្តភក្តិ? ៤ យ៉ាងនេះជួយឱ្យគេចផុតពី Friend Zone បាន
ចុចអាន៖ រឿងតូចតាចដែលត្រូវធ្វើរាល់ថ្ងៃដើម្បីឱ្យអាពាហ៍ពិពាហ៍រឹងមាំ
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)