KPT+

កន្លែងទេសចរណ៍ ១០ កន្លែងលើពិភពលោក ល្បីព្រឺព្រួច និងរន្ធត់

បានផុស

៣ years មុន

នៅ

ថ្ងៃអង្គារ ១៣ កញ្ញា ២០២២

ដោយ

ដំណើរកម្សាន្តម្ដងៗចង់ទៅលេងកន្លែងស្អាតៗ មានសុវត្ថិភាពបរិយាកាសស្រស់ស្រាយជុំគ្រួសារ និងមនុស្សជាទីស្រលាញ់។ ប្លែកអីតែតំបន់ទាំង១០ខាងក្រោមនេះ ក៏ជាកន្លែងទេសចរណ៍ដែរ ប៉ុន្តែសុទ្ធសឹងតែជាកន្លែងរន្ធត់បាស់សក់ដែលមនុស្សចូលចិត្តទៅទស្សនាច្រើនបំផុត។

កន្លែងទេសចរណ៍ ១០ កន្លែងលើពិភពលោកនេះមានដូចជា៖

១. កោដ្ឋក្រោមដីនៅប៉ារីស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវក្រោមដីមួយកន្លែងនេះពោរពេញទៅដោយឆ្អឹងមនុស្សជាង ៦លាននាក់ ដោយសារតែនៅសតវត្សទី១៨ ជាពេលដែលមានមនុស្សឈឺស្លាប់ច្រើនរហូតដល់គ្មានកន្លែងដាក់សព។

២. អាគារទីក្រុងឡុងដ៍

អ្នកទោសរាប់មិនអស់ត្រូវបានគេធ្វើទារុណកម្ម និងប្រហារជីវិតនៅទីនេះ រួមទាំងអតីតភរិយារបស់ស្តេច ហេនរី ទី៨។

៣. ពន្ធនាគាររដ្ឋខាងកើតក្នុងទីក្រុងហ្វីឡាដេលហ្វី (Philadelphia)

ពន្ធនាគារដ៏ល្បីល្បាញនិងថ្លៃបំផុតនៅលើពិភពលោក សព្វថ្ងៃមានសភាពបែកបាក់ដែលជាកន្លែងល្បីរឿងខ្មោចលងហើយគ្មាននរណាម្នាក់នៅទីនោះឡើយ។

៤. Port Arthur, រដ្ឋតាម៉ានី (Tasmania)

ទីនេះគឺជាកន្លែងកាត់ទោសប្រហារជីវិតកាលពីសតវត្សទី១៩ បច្ចុប្បន្នគេប្ដូរវាទៅជាសារៈមន្ទីរហើយ។

៥. ទីក្រុងខ្មោច Chernobyl ក្នុងទីក្រុងព្រីភីយ៉ាត

មានគ្រោះមហន្តរាយនុយក្លេអ៊ែរមួយកើតឡើងនៅថ្ងៃទី២៦ ខែមេសា ឆ្នាំ១៩៨៦ ទើបគ្មានមនុស្សរស់នៅតាំងពីពេលនោះមក។

៦. វាលកប់ខ្មោចជីហ្វនៅទីក្រុងប្រាក

ទីបញ្ចុះសពនេះគឺជាកន្លែងបញ្ចុះសពជនជាតិជ្វីហ្វ ដែលមានជីវិតចំណាស់ជាងគេបំផុតនៅលើពិភពលោកមានអាយុកាលតាំងពីឆ្នាំ១៤៣៩។ ប៉ុន្តែការបញ្ចុះសពអស់រយៈពេល៣៤៨ឆ្នាំត្រូវបានគរឡើងយ៉ាងចង្អៀតដូចដែលឃើញនេះឯង។

៧. សារៈមន្ទីទួលស្លែង

ជាទីកន្លែងដែលប្រជាជនខ្មែរស្គាល់គ្រប់ៗគ្នាដោយសារតែប្រវត្តិសាស្ត្រជូរចត់បំផុត ទីនេះពោរពេញដោយការធ្វើទារុណកម្មយ៉ាងព្រៃផ្សៃជាច្រើន។

៨. ដំណើរកម្សាន្តខ្មោចអេឌីនបឺក ប្រទេសស្កុតឡេន

មគ្គុទ្ទេសក៍រាប់សិបនាក់កំពុងរង់ចាំនិទានរឿងខ្មោចនិងបិសាចជញ្ជក់ឈាមឲ្យអ្នកទេសចរស្ដាប់។

៩. ព្រៃអត្តឃាតនៅប្រទេសជប៉ុន

ជារៀងរាល់ឆ្នាំទីនេះតែងតែមានមនុស្សជាង១០០នាក់ មកធ្វើអត្តឃាតមិនដែរខាន។

១០. ប្រាសាទនៃក្ដីសង្ឃឹមល្អនៅទីក្រុងខេបថោន ប្រទេសអាហ្វ្រិកខាង

អគារចំណាស់ជាងគេនៅអាហ្រ្វិកខាងត្បូងជាបន្ទាយអាណានិគមរបស់ប្រទេសហូឡង់ដែលបានសាងសង់ក្នុងឆ្នាំ១៦៦៦ គេឧស្សាហ៍ឃើញព្រលឹងខ្មោចកំណាចរបស់អតីតអភិបាលខេត្ត Pieter Gijsbert van Noodt ណាស់គាត់ស្លាប់ក្នុងអំឡុងពេលមានទាហាន៤នាក់កំពុងព្យួរកតាមបញ្ជារបស់គាត់៕

ប្រែសម្រួល៖ វារី