របៀបសម្អាតផ្កា ឬដើមឈើសិប្បនិម្មិត ឲ្យនៅតែថ្មី

ផ្ទះជាច្រើនអាចនឹងប្រើដើមឈើឬផ្កាសិប្បនិម្មិត សម្រាប់ការតុបតែង ប៉ុន្តែយូរៗទៅធូលី និងសំណើមអាច​ប៉ះពាល់​ដល់​ភាព​ស្រស់ស្អាតនៃផ្កា។ ផ្កា ឬ​រុក្ខជាតិ​សិប្បនិម្មិត​ តាម​ការ​ពិត​មិន​​ពិបាក​សម្អាត​ និង​មិន​ចាំបាច់ស្មុគស្មាញ​ទេ ហើយ​នេះ​ជា​របៀប​សម្អាត​ ដោយ​មិន​ចំណាយ​ពេល​ច្រើន។

របៀប​សម្អាត​ផ្កា ដើមឈើ​សិប្បនិម្មិតត្រូវមាន៖

ឧបករណ៍

– ចាន​ធុន និងទឹក​ក្ដៅ

– ទឹកក្រអូប និងសាប៊ូ

– ក្រណាត់ទន់​ ឬកន្សែង

– ទំពក់​ហាល​ខោអាវ

-ធុងសំរាម

វិធី​លាង​សម្អាត​

១ លាយ​ម្សៅ​សាប៊ូ​ស្រាល ១ស្លាបព្រាជាមួយទឹកហើយលួចថែមទេក្រអូបបន្តិច ហើយកូរឲ្យសព្វ​ល្អ។

២ សម្រាប់រុក្ខជាតិ​ឬផ្កាដែលគ្មាន​ផើង ​អាចជ្រមុជក្នុងទឹក​បាន​ទាំងអស់។

៣ ទុកវាចោលប្រហែល ១នាទី បន្ទាប់មក​កូរ​រុក្ខជាតិ ឬ​ផ្កា​សិប្បនិម្មិត​ទៅ​ក្នុង​ទឹក។

៤ សម្រាប់ដើមឈើ ផ្កាដែលមានផើងត្រូវតែគ្របដោយថង់ ចង​គល់​យ៉ាង​តឹង​ដើម្បី​កុំ​ឲ្យ​វា​ធ្លាក់។ បន្ទាប់មកជ្រលក់ផ្នែកនៃដើមឈើ(ចុងផ្កា)​​​ ក្នុង​ទឹក​ដោយ​ថ្នមៗ ដើម្បី​ជម្រះភាពកខ្វក់។

៥ ជូតដោយប្រុងប្រយ័ត្ននូវភាពកខ្វក់ ដែលនៅសេសសល់ ពីដើមឈើដោយប្រើកន្សែងទន់ៗ។

៦ ព្យួរ​ដើម​ឈើ ឬ​ផ្កា ដោយខ្ទាស់ដោយដង្កៀបស្នួលហាលខោអាវ ឬអាចសម្ងួត​រុក្ខជាតិ​ក្នុងផើង ដោយ​ដាក់ក្នុងលើធុងសម្រាម​ ដើម្បីការពារដំណក់ទឹក៕

ប្រែសម្រួល៖ សាង ស្រីល័ក្ខ

ចុចអាន៖រៀប​ចំ​ផ្ទះ​សម្រាប់​ទទួល​រដូវ​វស្សា ​ដោយ​ធ្វើ​បែបនេះ​អាច​បង្កើន​ភាព​កក់ក្ដៅ

ចុចអាន៖គន្លឹះ ៥ យ៉ាង ក្នុងការថែទាំផ្កាក្នុងថូ ឲ្យស្រស់ស្អាតកាន់តែយូរ