KPT+
ប្រវត្តិតារាស្រីថៃ Taew ផ្ដើមពីសម្ដែង ក្លាយជាសេដ្ឋីនីលាក់មុខ
តារាស្រីជួរមុខថៃ Natapohn Tameruks ដែលគ្រប់គ្នាតែងហៅថា Taew បច្ចុប្បន្នជាតារាសម្តែងនៅក្រោមស្លាបរបស់ទូរទស្សន៍ប៉ុស្តិ៍លេខ៣ និងកំពុងទទួលបានប្រជាប្រិយភាពខ្លាំងមួយកម្រិតទៀត ក្រោយពេលនាងបង្ហាញមុខផ្សាយឱ្យប្រេនអន្តរជាតិ ព្រមទាំងចេញផ្សាយចម្រៀងទោលជាលើកដំបូង។

ជីវិតដំបូង

Taew កើតនៅថ្ងៃទី ៦ ខែកុម្ភៈ ឆ្នាំ១៩៨៩ មានបងស្រីម្នាក់ និងមានឪពុកជាឧត្តមសេនីយ៍។ នាងជាកូនកាត់ថៃ-ចិន និងមន ដោយសារឪពុករបស់នាងជាជនជាតិដើមភាគតិចមន។ តារាស្រីវ័យ ៣៣ឆ្នាំរូបនេះ បានបញ្ចប់ការសិក្សាថ្នាក់បរិញ្ញាបត្រផ្នែកស្ថាបត្យកម្មពីសាកលវិទ្យាល័យ Chulalongkorn រាជធានីបាងកក ហើយនាងចេះនិយាយ ៣ភាសាគឺ ថៃ ចិន និងអង់គ្លេស។ មិនតែប៉ុណ្ណោះ Taew ចេះលេងឧបករណ៍តន្ត្រីបុរាណ និងសម័យបានល្អផងដែរ។ នាងអាចលេង តាខេ ពិន និងព្យាណូយ៉ាងស្ទាត់ ថែមទាំងចេះរាំងរបាំបាឡេទៀតផង។
វិថីសិល្បៈ

Taew បង្ហាញមុខលើកដំបូង ក្នុងឆ្នាំ២០០៦ ដោយកាលណោះនាងលេចមុខជាតួស្រីក្នុងភាពយន្តភាគរឿង “Naruk” ។ បង្ហាញមុខលើកកញ្ចក់ទូរទស្សន៍ភ្លាម នាងដណ្ដើមបានតំណែងតួឯកតែម្ដង ហើយតាំងចាប់ផ្ដើមឈានចូលចូលសិល្បៈ មកទល់នឹងពេលនេះ មានរយៈពេលជិត ១៣ឆ្នាំហើយ នាងនៅក្រោមកុងត្រាជាមួយប៉ុស្តិ៍លេខ៣រហូតមក។
វិថីសិល្បៈជិត ១៣ឆ្នាំមកនេះ Taew សម្ដែងក្នុងរឿងភាគប្រមាណ ២៦រឿង ភាពយន្តខ្នាតធំ ២រឿង បង្ហាញមុខលើក្របទស្សនាវដ្ដីជាង ១០០ច្បាប់ និងឈ្នះពានរង្វាន់តារាស្រីឆ្នើមចំនួន ១៩ពានរង្វាន់ សុទ្ធសឹងជាពានរង្វាន់ធំៗទាំងអស់។

អំឡុងឆ្នាំ២០១៧ ជាឆ្នាំដែល Taew ឈ្នះពានច្រើនជាងគេ រហូតដល់ ៨ពាន់រង្វាន់ឯណោះ ដែលពានរង្វាន់ទាំង៨នោះ នាងទទួលបានក្រោយពីសម្ដែងជានាងនាគី ក្នុងខ្សែភាពយន្ត “ព្រះម៉ែនាគី” ហើយតាមរយៈភាពយន្តមួយនេះ កេរ្តិ៍ឈ្មោះរបស់នាង កាន់ល្បីល្បាញជាអន្តរជាតិ។ បច្ចុប្បន្ននាងគឺជាតារាជួរមុខលំដាប់ប្រទេស មិនត្រឹមមានមុខក្នុងការផ្សាយពាណិជ្ជកម្មក្នុងស្រុកនោះទេ សូម្បីប្រេនអន្តរជាតិក៏អញ្ជើញនាងឱ្យថតស្ពតដែរ។

ក្រៅពីការសម្ដែង ថតស្ពត និងជាម៉ូដែល Taew ក៏ជាតារាចម្រៀងមួយរូប ដែលកាលពីដើមឆ្នាំ២០២២ នាងបានចេញចម្រៀងទោលជាលើកដំបូង និងទទួលបានការគាំទ្រយ៉ាងខ្លាំងពីសំណាក់ហ្វេនៗ ហើយមកដល់ពាក់កណ្ដាលឆ្នាំ នាងក៏ទម្លាក់ចម្រៀងទោលមួយបទទៀត ជូនអ្នកគាំទ្ររបស់នាង។
ជីវិតឯកជន
និយាយពីទំនាក់ទំនងស្នេហា Taew មិនធ្លាប់លេចឮរឿងអាស្រូវរញ៉េរញ៉ៃច្រើនឡើយ។ នាងធ្លាប់មានទំនាក់ទំនងរយៈពេល ១៤ឆ្នាំជាមួយតារាប្រុស Aach Lhaisakul (Ton) ដែលពួកគេទាំងពីរស្រឡាញ់គ្នាតាំងពីនៅវិទ្យាល័យមកម្ល៉េះ។ លុះមកដល់ឆ្នាំ២០១៩ អ្នកទាំងពីរប្រកាសចែកផ្លូវគ្នាជាផ្លូវការ ដោយបន្តឈ្មោះជាមិត្តភក្ដិនឹងគ្នា។

បន្ទាប់ពីបែកគ្នាជាមួយអតីតមិត្តប្រុស Taew បានភ្ជាប់ទំនាក់ទំនងជាមួយពាណិជ្ជករ Pranai Phonprapha ដែលជាសេដ្ឋីវ័យក្មេងមួយរូបនៅក្នុងប្រទេស។ ក្រោយសាងស្នេហ៍ថ្មី តួព្រះម៉ែនាគីរូបនេះ រងពាក្យតិះដៀលសឹងមួយប្រទេស ខណៈមហាជនថានាងជាមនុស្សចោលអ្នកក្រ ស្រវ៉ាអ្នកមាន ប៉ុន្តែទន្ទឹមនឹងពាក្យខ្សឹបខ្សៀវអវិជ្ជមាន Taew និងគូស្នេហ៍នៅតែបន្តភាពផ្អែមល្ហែមជាសាធារណៈ មិនខ្វល់សម្ដីរិះគន់ឡើយ។

ទ្រព្យសម្បត្តិ
ថ្វីត្បិត Taew មិនសូវហាយសូរក៏ពិតមែន ប៉ុន្តែប្រភពជាច្រើនបានឱ្យដឹងថា តារាស្រីវ័យ ៣៣ឆ្នាំរូបនេះ ជាសេដ្ឋីនីលាក់មុខ ដែលពេលនេះនាងកំពុងកាន់កាប់ទ្រព្យសម្បត្តិរាប់សិបលានដុល្លារនៅក្នុងដៃ។ យោងតាមការវិភាគពី Wikipedia, Google, Forbes និង IMDb សព្វថ្ងៃ Taew Natapohn មានទ្រព្យសម្បត្តិផ្ទាល់ខ្លួនប្រមាណ ៥-១០លានដុល្លារអាមេរិក៕
ប្រែសម្រួល៖ សន្យា
ចុចអាន៖ ប្រវត្តិ Kwan តស៊ូសម្ដែងតាំងពីតួជំនួស រហូតក្លាយជាកំពូលតារាប្រចាំប្រទេស
ចុចអាន៖ ប្រវត្តិខ្លះៗរបស់ Pinky មុនជួបរឿងក្ដី រហូតបញ្ជូនខ្លួនចូលមន្ទីរឃុំឃាំង

-
ព័ត៌មានអន្ដរជាតិ៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?