KPT+

សត្វសមុទ្រដ៏ចម្លែក មានរូបរាងស្រស់ស្អាត តែអាចបង្កគ្រោះថ្នាក់ខ្លាំង

បានផុស

២ years មុន

នៅ

ថ្ងៃអង្គារ ២៧ កញ្ញា ២០២២

ដោយ

តាំងពីដើមមក ទឹកសមុទ្រវាទីផ្ទៃផែនដីសឹងតែ៧០ភាគរយ ទើបក្នុងទឹកសមុទ្រសម្បូរទៅដោយជីវិតសត្វ និងរុក្ខជាតិប្លែកៗជាងលើផ្ទៃដី។ មកទល់បច្ចុប្បន្ននេះ សមុទ្រនៅសល់ជាង៨០ភាគរយដែលមិនទាន់ស្រាវជ្រាវអស់នៅឡើយទេមានន័យថា មនុស្សយើងមិនទាន់ស្គាល់មិនទាន់ឃើញអំពីសត្វប្លែកៗច្រើនទៀតណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ គេតែងតែរំលឹកយើងថា “ហាមប៉ះពាល់សត្វ ឬរុក្ខជាតិដែលមានពណ៌ឆើត” ជាការពិតណាស់ រុក្ខជាតិនិងសត្វដែលមានពណ៌ឆើត ច្រើនតែផ្ទុកជាតិពុលនាំគ្រោះថ្នាក់ដល់អ្នកប៉ះពាល់វា ដូចជាផ្សិតពុលជាដើម វាមានពណ៌ស្រស់ៗដ៏គួរឲ្យទាក់ទាញ ចង់តែបេះយកមកផ្ទះតែម្ដង។

សត្វដែលយើងកំពុងចង់បង្ហាញប្រិយមិត្តនោះគឺសត្វ “Blue dragon sea slug ឬ ខ្យងសមុទ្រនាគខៀវ” ក្នុងរាងកាយរបស់វាមានផ្ទុក Nematocysts ពី Siphonophores នៅក្នុងជាលិកាសម្រាប់បំពុលសត្វឬមនុស្សដែលប៉ះពាល់វាដោយទិច ពិសរបស់វានឹងធ្វើឲ្យអ្នកបាត់បង់ស្មារតី មានការឈឺចាប់ ក្អួត អាឡ័កស៊ី និងបង្កស្នាមរបួស។ ខ្យងនេះជាសត្វកម្រណាស់ គេប្រទះឃើញវាយ៉ាងញឹកបំផុតពីរដងក្នុងរយៈពេលពីរឆ្នាំ បើយោងតាមលោក Jace Tunnell នាយកបម្រុងវិទ្យាស្ថានវិទ្យាសាស្ត្រសមុទ្រនៃសាកលវិទ្យាល័យ Texas Marine Science មានប្រសាសន៍ថា “មុនការស្រាវជ្រាវឆ្នាំ២០២០ ខ្ញុំមិនដែរឃើញឬឮអំពីខ្យងនេះសូម្បីតែម្ដង”។ ចំណែកឯសរីរាង្គរបស់វាវិញជាទូទៅមានទំហំត្រឹមតែ៣សង់ទីម៉ែត្រតែប៉ុណ្ណោះ ហើយមានអាយុមិនវែងប៉ុន្មានទេ យ៉ាងយូរមួយឆ្នាំវានឹងស្លាប់ជាមិនខាន។ ចំណីសត្វខ្យងនេះគឺជាសត្វត្រីចាហ៊ួយ ឬ យើងចំណាំហៅថាខ្ញែរសមុទ្រនោះឯង ខ្យងសមុទ្រនាគខៀវនឹងស្តុកទុកជាតិពិសរបស់ខ្ញែរសមុទ្រនៅក្នុងពោះរបស់វាដើម្បីប្រើប្រាស់នៅពេលក្រោយ។